Citi: Қытайлық NIO электромобиль жеткізілімін тоқсан ішінде 50%-ға арттыруы мүмкін
Банк пікірінше, компания
2025 жылы он жаңа модельді ұсынуы мүмкін
және бұл сарапшылар күткеннен ертерек
жүзеге асуы ықтимал.
Citi банкі қытайлық
электромобиль өндіруші NIO екінші тоқсанда
жеткізілімдерін бірінші тоқсанмен
салыстырғанда бірден 50%-ға арттыруы
мүмкін екенін мәлімдеді. Бұл оқиға
компанияның АҚШ-тағы депозитарлық
қолхаттарының динамикасына алдағы 30
күн ішінде елеулі әсер етуі мүмкін. 28
сәуірдегі сауда-саттықта NIO акциялары
7%-ға өсіп, соңғы бір айдағы ең жоғары
деңгейге жетті.
Толығырақ
Citi аналитигі Джефф Чанг
қытайлық электромобиль өндіруші NIO-ның
депозитарлық қолхаттарын алдағы 30 күн
ішінде «катализаторды бақылау»
(catalyst watch) тізіміне қосты, деп хабарлайды
Barron's басылымы. Бұл тізімге Citi банк
белгілі бір компания акцияларының
бағасына айтарлықтай әсер етуі мүмкін
оқиғалар болатын жағдайда ғана енгізеді
. Ол әсер оң немесе теріс болуы мүмкін.
Чангтың болжамына
сенсек, 30 маусымда аяқталатын екінші
тоқсанда NIO электромобиль жеткізілімдерін
кемінде 50%-ға арттырады. Бірінші тоқсанда
компания 42 мыңнан астам электромобиль
жеткізген болатын. Бұл 2024 жылдың сәйкес
кезеңімен салыстырғанда 40%-ға көп. Citi
бағалауынша, екінші тоқсанда жеткізілетін
көліктер саны 63 мыңнан асады. Бұл
көрсеткіш компания тарихындағы тоқсан
ішіндегі ең жоғары нәтижеге айналады.
Сонымен қатар, Чангтың
пікірінше, 2025 жылдың соңына дейін NIO он
жаңа модельді таныстырады. Ал мамыр
айында компания жүргізушіге көмек
көрсету жүйесінің жаңа функцияларын
іске қосып, шығындарды азайту жұмыстарын
жалғастырады. «Шанхай автосалонынан
кейін біз NIO жаңа модельдерді нарыққа
консенсус күткеннен әлдеқайда ерте
шығарады деп ойлаймыз», — деп жазды
Barron's Чангтың жазбасынан үзінді келтіре
отырып.
Алайда, басылым атап
өткендей, Қытайдағы электромобильдер
нарығында бәсекелестік өте жоғары.
Қазір көптеген жаңа модель нарық үлесі
үшін күресуде.
Акциялар туралы
Чанг NIO-ның депозитарлық
қолхаттарын сатып алуды ұсынады, олардың
мақсатты бағасын 8,1 доллар деп белгілеген.
Бұл көрсеткіш 28 сәуір күнгі жабылу
бағасынан екі есе жоғары. Сол күні сауда
қорытындысы бойынша акциялар 7%-ға өсіп,
4,31 долларға жетті. Бұл кейінгі бір айдағы
ең жоғары жабылу бағасы (25 наурыздан
бері). 2025 жылдың басынан бері NIO
қолхаттарының құны 1%-ға төмендегенімен,
соңғы бес күн ішінде олар шамамен 20%-ға
қымбаттады.
Mizuho сарапшысы Виджай
Ракеш 10 сәуірде NIO қолхаттарына бейтарап
рейтинг беріп, олардың мақсатты бағасын
4,2 доллардан 3,5 долларға дейін төмендетті.
Бұл 28 сәуірдегі жабылу бағасынан 19%-ға
төмен.
FactSet мәліметінше, қазір
NIO қолхаттарын бақылайтын аналитиктердің
43%-ы оларды сатып алуға кеңес береді, ал
2024 жылдың қазанында бұл көрсеткіш 70%-ға
жуық болған. Барлығы 28 аналитик рейтинг
берген: оның ішінде 12-сі құнды қағазды
«сатып алуды» (Buy және Overweight), 14-і
«ұстауды» (Hold), ал 2-уі «сатуды»
(Sell) ұсынған.
