Freedom Holding-тің нарықтық құны алғаш рет 10 млрд доллардан асты
Nasdaq биржасында холдингтің акциялары жыл басынан бері 25%-ға қымбаттады. Forbes дерегінше, компания негізін қалаған Тимур Турловтың байлығы 7,1 млрд долларға жеткен.
Толығырақ
14 мамырда Nasdaq биржасындағы сауда кезінде Freedom Holding акциялары 2,8%-ға өсіп, тарихи максимумға жетті. Осылайша компанияның нарықтық құны алғаш рет 10 млрд доллардан асты.
Жыл басынан бері холдингтің акциялары 25%-ға қымбаттады. Салыстырмалы түрде алғанда, АҚШ-тың S&P 500 индексі бұл аралықта шамалы ғана өсім көрсетті.
Контекст
Freedom Holding 2019 жылы Nasdaq америкалық биржасына акцияларын орналастырған ТМД елдерінен шыққан алғашқы брокер болды. Содан бері компания акцияларының бағасы 1000%-дан астам өсті.
Бұл раллидің нәтижесінде холдингтің негізін қалаушы және негізгі акционері Тимур Турловтың байлығы 14 мамырдағы Forbes есебіне сәйкес 7,1 млрд долларға жетті.
