ADARx IPO: сирек кездесетін ауруларға арналған дәрілер әзірлеушісі және AbbVie серіктесі ашық акцияға шықты

Сирек кездесетін ауруларды емдеудің шағын көлемді әзірлеушісі ADARx Pharmaceuticals компаниясының акцияларымен алдын ала сауда Freedom клиенттік сауда платформасында басталды. Компанияның серіктестері қатарына фармацевтикалық алып AbbVie кіреді, ол зерттеу және әзірлеу жұмыстарына 335 миллион доллар инвестиция салып, 100 миллион долларға дейінгі акцияларды сатып алуға келісім жасады. Кейін, 25 қыркүйекте ADARx акциялары ADRX тикерімен Nasdaq биржасында тізімге енгізіледі.

Биотехнологиялық компания ADARx Nasdaq биржасында кеңейтілген бастапқы жария ұсыныс (IPO) арқылы 446,3 миллион доллар тартты. Ол 26,25 миллион акцияны әрқайсысы 17 доллардан орналастырды — бұл бұрын жарияланған баға диапазонының ($15–17) жоғарғы шегінде.Сонымен қатар жеке орналастыру аясында америкалық биофармацевтикалық компания AbbVie кіші капиталды биотехнологиялық фирманың акцияларын 100 миллион долларға дейін сатып алуға келісім жасады.

Айналымдағы акциялар санына сүйене отырып, Bloomberg мәліметі бойынша ADARx-тің нарықтық капитализациясы 1,8 миллиард долларды құрады.

Листингті J.P. Morgan, Morgan Stanley, TD Cowen, UBS Investment Bank және LifeSci Capital ұйымдастырды. Компания оларға 30 күндік опцион беріп, осы мерзімде 3,9 миллионға дейін акциясын сатып алуға мүмкіндік берді.

ADARx-тің IPO проспектісіне сәйкес, компания мәміледен түскен кірістің басым бөлігін негізгі үміткері onvuzosiran-ның клиникалық сынақтарын аяқтауға бағыттайды. Бұл дәрі сирек кездесетін генетикалық бұзылыс — тұқым қуалайтын ангиоэдеманы емдеуге арналған. Бұл жағдай кенеттен ісіну эпизодтарымен сипатталады, олар өмірге қауіп төндіруі мүмкін.

ADARx 2019 жылы фармацевтика саласында 20 жыл жұмыс істеген Чжэн Ли тарапы нан құрылды. BioSpace-пен сұхбатында ол инженерлер отбасында өскендіктен, әке-шешесі қыздарының олардың жолын қуып, сол мамандықты таңдағанын қалайтынын, бірақ өзі ғылымды таңдағанын еске алды. «Мен үшін бұл ең үлкен қарсылық акті болды», – деді ол.

Li Гарвардта химия және химиялық биология бойынша PhD дәрежесін алып, Merck & Co американдық компаниясында қызметке орналасты, кейін дәрілік заттарды әзірлеуде ADARx-пен ұқсас технологияны қолданатын Arrowhead Pharmaceuticals фармацевтикалық компаниясына ауысты. Бұл siRNA терапиясы (немесе қарапайым тілмен айтқанда РНҚ терапиясы) деп аталады және оның мақсаты – белгілі бір геннің қаптамасы болып табылатын РНҚ-ны селективті түрде жою, ал ДНҚ-ны өзгеріссіз қалдыру. Бұл патологиялық ақуыздың синтезін уақытша тежейді. ADARx-тің портфелі қазіргі уақытта әртүрлі терапевтикалық салалардағы бес эксперименттік дәріні қамтиды: олардың үшеуі, соның ішінде onvuzosiran, клиникалық сынақ кезеңінде, ал қалған екеуі әлі адамға сынақ жүргізу кезеңіне жеткен жоқ.

Компания әлі негізгі қызметінен табыс таппайды және инвестициялық капитал есебінен қаржыландырылады. Оның алғашқы инвесторларының қатарына OrbiMed мамандандырылған қоры кірді, ал кейінгі инвесторлар қатарына фармацевтикалық алып GSK-тен бөлінген венчурлік капитал фирмасы SR One Management, сондай-ақ Sirona Capital, Brain Capital және BlackRock қорлары кірді. Жалпы алғанда, ADARx төрт инвестициялық раунд аясында шамамен 350 миллион доллар жинады.

2025 жылы ADARx компаниясы AbbVie-пен бірлесіп жаңа дәрі-дәрмектер әзірлеу туралы келісім ге келді. Осы мәміле аясында фармацевтикалық алып компания компанияға алдын ала 335 миллион доллар төледі және әзірлеу жұмыстары сәтті болса, тағы 7,8 миллиард доллар төлеуі мүмкін. IPO сарапшысы Донован Джонстың айтуынша, бұл келісім және оның ықтимал құны ірі ойыншының стартаптың РНҚ платформасына деген сенімін көрсетеді, бұл бөлшек инвесторлардың тәуекелдерін азайтады. (деп жазады ол Seeking Alpha порталындағы бағанында ).

Freedom талдаушысы Але́м Бектемировтың айтуынша, компания үшін басты тәуекел – дәрі-дәрмекті мақұлдамау немесе сынақ нәтижелерінің нашар болуы, бұл болашақта акция бағасына және нарықтағы бәсекелестікке елеулі әсер етуі мүмкін. Осы тәуекелдерді ескере отырып және акцияны теңдес компанияларымен салыстыра отырып, Freedom ADARx акциялары үшін мақсатты бағаны 18,1 АҚШ доллары деңгейінде белгіледі, бұл ұсыныс бағасына қатысты 6,5 пайыздық өсу әлеуетін білдіреді.

___________________

Freedom клиенттері негізгі сауда сессиясы басталардан бұрын ADARx Pharmaceuticals акцияларымен сауда жасай алады. Сауда АҚШ нарықтары ашылардан 2–3 сағат бұрын (Астана уақыты бойынша 15:30-дан 16:30-ға дейін) басталады. Қатысу үшін ADRX тикеріне басыңыз.