АҚШ акциялары екінші күн сауданы өсіммен бастады. Өсім жалғаса ма?
21 қазан, жұма күні АҚШ-тың үш негізгі қор индексі сауда ашылғаннан кейін әр қайсы 0,6% өсім көрсетті. Нарық екі күн қатарынан күнді өсіммен бастады. Алайда, бейсенбіде таңереңгі оң динамика құнды қағаздарды сауда соңындағы құлдыраудан құтқара алмады: акциялар сәуірден бергі ең қатты кері бұрылыс жасады.
Егжей-тегжейлі
— Сауда басталғаннан кейінгі алғашқы минуттарда АҚШ-тың негізгі индексі S&P 500 (0,57%) өсті. Дегенмен, Ағымдағы апта индекс үшін мамырдан бергі ең нашар апта болуы мүмкін, деп жазды Bloomberg.
— «Көгілдір фишка» санатындағы Dow Jones Industrial Average шамамен 0,6% жоғарылады.
— Технологиялық компаниялардың салмағы басым Nasdaq Composite 0,64% өсті.
— Жасанды интеллектке арналған процессорлар нарығының көшбасшысы Nvidia акциясы шамамен 1,4% арзандады. Ал Alphabet (Google холдингі) қағазы керісінше 3,5% қымбаттады. Apple, Tesla және Meta акциясы да өсті, ал Amazon мен Microsoft қағазы төмендеді.
— Биткоин соңғы 24 сағатпен салыстырғанда 7% арзан саудаланды — $84 762 деңгейінде, деп көрсетті CoinGecko. Соңғы тәулікте ең ірі криптовалюта бағасы шамамен $81 000-ға дейін түсті — бұл сәуір ортасынан бергі минимум.
Нарыққа не әсер етеді?
АҚШ акциялары жұма күні өсімге өтті. Бұған себеп, Нью-Йорк ФРБ президенті Джон Уильямстың ФРЖ мөлшерлемені әрі қарай төмендетуі мүмкін екенін айтуы, деп жазды CNBC. Уильямс Федрезервтің қазіргі саясатын «аздап шектеуші» деп атап, «алдағы уақытта саясатты неғұрлым бейтарап диапазонға жақындату үшін қосымша түзетулер жасауға кеңістік бар» екенін мойындады.
Уильямстың бұл пікірлері инвесторларға ФРЖ желтоқсандағы отырыста мөлшерлемені төмендетуі мүмкін деген үмітті қайта оятты, деді CNBC. CME Group-тың FedWatch деректеріне қарағанда, трейдерлер желтоқсанда ақша-несие саясатын ширек пайыздық пунктке жұмсартудың ықтималдығын 75,5% деп бағалап отыр. Күндізгі бағалау бар болғаны 39% еді.
«Жақын перспективада» деген сөз тіркесінде белгілі бір екіұштылық бар, бірақ ең айқын түсіндірме — «келесі отырыста» дегенді білдіреді. Біз Уильямстың сөздерін ФРЖ төрағасы Джером Пауэлл мөлшерлемені төмендетуге дайын екенін меңзейтін белгі ретінде сақтықпен қабылдаймыз. Өйткені алдағы екі еңбек нарығы туралы есеп те әлсіз болып, жұмыссыздық 4,5% немесе одан жоғары деңгейде қалуы ықтимал», — деді Evercore ISI директорлар кеңесі төрағасының орынбасары Кришна Гуа. Бұл туралы Bloomberg жазды.
Контекст
20 қарашада АҚШ-тың үш негізгі қор индексі бір сауда күнінің ішінде 8 сәуірден бергі ең күшті кері бұрылыс көрсетті. Таңертеңгі раллидің қызған шағында индекстер 1,5%-дан аса өсіп тұрды, бірақ күн соңында айтарлықтай минуста жабылды. Бастапқыда нарық Nvidia-ның тоқсандық нәтижелері мен еңбек нарығына қатысты күтпеген күшті статистикадан жігерленген еді, алайда кейін ФРЖ мөлшерлемесіне қатысты алаңдаушылық бұл оптимизмді басып кетті.
