АҚШ сауда соғысын бастады. Нарық қалай жауап берді?

АҚШ-тың негізгі

биржа индекстері Мексика мен Канададан импортталатын тарифтер енгізілген

алғашқы күні төмендеді. Бір сәтте олар шамамен 2%-ға құлдырады. S&P 500

Трамп президенттікке келгеннен кейінгі «Трамп раллиінен» туындаған барлық өсуді

жоғалтты.

Негізгі

индекстер

— S&P 500 4 наурыздағы сауда қорытындысы бойынша

1,2%-ға төмендеді. CNBC дерегіне сәйкес индекске кіретін акциялардың 20%-дан

азы ғана құлдыраудан аман қалды. Bloomberg бұл индекстің 2025 жылдың алғашқы

айларымен салыстырғанда 1,8%-ға төмендегенін атап өтті.

— Dow Jones

Industrial 1,55%-ға

төмендеп, екінші күн қатарынан 650 пункттен астам жоғалтты.

— Nasdaq

Composite 0,35%-ға

төмендеді, бұл индекс түзету аймағына жақындады (индекстің соңғы шыңынан 10%-ға

түсуі түзету деп есептеледі).

— Russell 2000 (шағын капитализациялы компаниялар индикаторы) 1%-ға қысқарды.

— VIX (Уолл-стриттің қорқыныш индексі) 3,2%-ға

өсті, ал бір күн ішінде 5%-ға дейін көтерілді.

Банк секторы

— Қаржы

секторының акциялары 3,8%-ға төмендеп, S&P 500-дің 11 секторы арасындағы ең

үлкен шығынға ұшырады. Бұл 2023 жылғы 9 наурыздан бергі  Silicon Valley Bank банкроттығынан кейінгі ең

үлкен күндізгі құлдырау болды. KKR мен Citigroup акциялары сәйкесінше 9,2% және

6,2%-ға түсті. Bank of America қағаздары 6%-дан астам жоғалтты, Wells Fargo –

5%, ал JPMorgan – 4% жуыққа төмендеді.

Авиация

секторы

— АҚШ әуекомпанияларының

акциялары 2024 жылдың соңынан бергі ең төменгі деңгейге жетті, деп хабарлайды CNBC. United Airlines

және Delta Air Lines шамамен 6%-ға, ал American Airlines 4%-ға құлдырады. Бұл

тек тарифтерге байланысты емес: тұтынушылардың шығындары төмендеп, экономикалық

тұрақтылыққа қатысты алаңдаушылық артты.

Еуропа нарығы

— Stoxx 600 (Еуропаның кең нарық индексі) 2,1%-ға

төмендеді. Автокөлік өндірушілер мен қосалқы бөлшектер жеткізушілер қатты

зардап шекті: Stoxx 600 Autos индексі 5,4%-ға құлады. Volkswagen

4%-ға, Mercedes-Benz 4,8%-ға, BMW шамамен 6%-ға төмендеді. Stellantis акциялары

Миландағы биржада 10%-ға төмендеді. АҚШ-та Ford 2,9%, General Motors 4,6%

жоғалтты.

Не болды

4 наурыздан

бастап АҚШ Канада мен Мексикадан импортталатын тауарларға 25% баж салығын

енгізді. Сонымен қатар, Трамп Қытай тауарларына бұрын енгізілген 10%-дық баж

салығын тағы да арттырды.

Канада

премьер-министрі Джастин Трюдо: «АҚШ Канадаға қарсы сауда соғысын

бастады» – деп мәлімдеді және АҚШ тауарларына қарсы жауапты тарифтер енгізуге

уәде берді. Трамп оған Twitter-де: «Канада губернаторы Трюдоға бұл жауапты

тарифтер енгізілген кезде АҚШ оларды дереу пропорционалды түрде арттырады деп

түсіндіріңіз» – деп жауап берді.

Мексика

президенті Клаудия Шейнбаум да жауап ретінде баж салығын енгізетінін

мәлімдеді.

Сарапшылардың

пікірі

CFRA Research

сарапшысы Сэм Стовал: «Мен мұны шартты түзету деп атаймын. Нарықтың

бағыты толығымен Трамптың баж  салығын

қанша уақыт сақтайтынына байланысты болады».

The Sevens

Report сарапшысы Том

Эссе: «Трамп өзінің алғашқы президенттік мерзімінде нарық құлдырағанда

кейбір шешімдерінен бас тартқан. Қазіргі сұрақ – бұл жолы ол қай деңгейге жеткенде

шегінеді? Тарих көрсетіп отырғандай егер S&P 500 шамамен 10%-ға құлдыраса,

бұл өзгерістерге әкелуі мүмкін».

BMO Capital

Market бас экономисі Дуглас

Портер: «Баж салығының ерте жойылуы АҚШ экономикасын тағы бір тұрақты өсім

жылына қайтаруы мүмкін».