Аналитиктер Netflix және Tesla акцияларының қарқынды қозғалысы жайлы ескертуде

CNBC-дің хабарлауынша осы аптада АҚШ-тағы бірнеше ірі компанияның тоқсандық есептері жарияланғаннан кейін олардың акцияларының бағасы айтарлықтай өзгеруі мүмкін. Опцион бағаларына негізделген күтілетін қозғалыс ауқымдарын ескере отырып, телеарна есеп жарияланған соң бағасы айтарлықтай өсетін немесе төмендейтін акцияларды таңдады.

Netflix

Стримингтік алып компания 21 қазан сейсенбіде нарық жабылған соң есеп береді және бағалары 6,9%-ға жоғары немесе төмен өзгеруі мүмкін деп хабарлады телеарна. Bernstein Research аналитигі Лоран Юн атап өткендей, Netflix-тің екінші тоқсанға арналған аралас нәтижелері үшінші тоқсан барысында «инвесторлардың сақ көңіл-күйіне» әсер етіп, акцияларды $1150–1250 диапазонында ұстаған.

«Жалпы алғанда біз алдағы есеп пен жылдық болжамға позитивті қараймыз, дегенмен Netflix үшін контент портфелін әртараптандыру қажеттілігі әлі де маңызды», — деп жазды Юн клиенттерге. Оның мақсаттық бағасы $1390, бұл Netflix акцияларының 12% өсу әлеуетін көрсетеді.

Reuters агенттігінің ойынша Netflix-тен соңғы төрт жылдан бері ең жылдам кіріс өсімі туралы хабар күтіледі. Дегенмен кейбір инвесторлар мен аналитиктер бірнеше жылдық қарқынды өсім кезеңінің тоқтап қалуы мүмкін деп алаңдайды.

Wall Street-тің орташа мақсаттық бағасы Netflix акциясы бойынша Bernstein бағасынан сәл төмен — $1376. Консенсус рейтингі — «нарықтан жоғары» (Overweight, «сатып алу» ұсынысына сәйкес).

Tesla

Әлемдегі ең қымбат автокөлік өндірушісі 22 қазан күні қаржылық нәтижелерін жариялайды, содан кейін бағасы кез келген бағытта 7,1%-ға өзгеруі мүмкін, деп есептеді CNBC. Есеп жарияланар алдында Wedbush компаниясы Илон Маск империясының флагмандық компаниясы өткен тоқсанға арналған кіріс бойынша «орташа позитивті» есеп береді деп болжап отыр, себебі АҚШ-та салық жеңілдіктерінің аяқталуына байланысты электромобильдерге сұраныс жоғары, ал Қытайда сатылым қалпына келеді.

Wedbush Tesla акциялары үшін «нарықтан жоғары» (Outperform) рейтингін растады, мақсаттық баға — $600. «Компанияның қаржылық нәтижелері мен болжамдары, әрине, маңызды, бірақ Tesla-ның жасанды интеллект саласындағы ауқымды және маңызды бастамаларына қарағанда екінші орында қалады», — деді инвестициялық компания.

FactSet деректері бойынша Wedbush мақсаттық бағасы нарықтағы ең жоғары көрсеткіш болып табылады. Wall Street-тің орташа мақсаты — $369,7, бұл 20 қазан сауда жабылу бағасынан 17% төмен. Tesla акцияларының консенсус-рейтинг — бейтарап (Hold).

Басқа компаниялар

Опцион нарығы деректері бойынша General Motors, Intel, жартылай өткізгіш жабдық өндірушісі Lam Research және American Airlines пен Southwest Airlines әуе компанияларының акцияларында да күшті тербелістер болуы мүмкін, деп хабарлады CNBC.

Intel үшін 23 қазан күні жарияланатын есептен кейін кез келген бағытта күтілетін қозғалыс 10,1% құрайды. Бұл таңдау топтамасындағы ең үлкен ауқымдардың бірі.