Brent маркалы шикі мұнайдың бағасы барреліне 111 доллардан асты. WTI маркалы шикі мұнай 100 доллардан жоғары саудаланып жатыр.

Иран Катардың ең ірі сұйытылған табиғи газ зауытына соққы бергеннен кейін сәрсенбі күні кешке мұнай мен газ бағалары күрт өсті.

— Brent маркалы шикі мұнай бағасы шамамен 8%-ға өсіп, барреліне 111,50 АҚШ долларына жетті. АҚШ-тың WTI маркалы шикі мұнай бағасы 4%-дан астам өсіп, барреліне 100 АҚШ долларынан асты.

— Еуропадағы табиғи газ бағасы 6%-дан астамға өсіп, мегаватт-сағатына шамамен 55 еуроға жетті.

18 наурыз, сәрсенбі күні энергия бағасының алғашқы өсуі Иранның көршілес елдердің энергетикалық инфрақұрылымына шабуыл жасау туралы қауіп-қатерінен туындады, ал Катарга орналасқан бір зауытқа шабуыл туралы хабарламалардан кейін мұнай бағасы тез өсе бастады, деп түсіндіреді Bloomberg.

Қатардағы Рас-Лаффан өнеркәсіптік кешені – әлемдегі ең ірі сұйытылған табиғи газ (LNG) экспорттық хабы – ел билігінің мәліметінше «айтарлықтай зақым» көрді. Иран бұған дейін мұнай және газ саласына жасалған шабуылдарға жауап ретінде осы нысанды ықтимал нысаналар тізіміне енгізген болатын.

Қазіргі бағалардың өсуі нарықтың қақтығыс аяқталғаннан кейін өндірістің баяу қалпына келу қаупін есептей бастағанын көрсетеді, – деді Wood Mackenzie компаниясының Еуропалық газ және СЖҚ бойынша директоры Том Марзек-Мансер. «Өндіріске зиян келу ықтималдығы қазір артты. «Хормуз бұғазы қайта ашылғаннан кейін де ағынның қалыпты деңгейге оралуы айтарлықтай ұзақ уақыт алуы мүмкін», – деді ол Bloomberg-ге.

Бұл жаңалық жаңартылуда...