Broadcom инвесторларға сенім берді: ЖИ-ге корпоративтік шығындар өсуде

Компанияның есеп

беруіне сәйкес ЖИ жабдықтарына деген сұраныс тек сақталып қана қоймай, одан әрі

күшейіп келеді. Broadcom-ның оптимистік болжамдары инвесторлар үшін жақсы

жаңалық болды: есеп жарияланғаннан кейін компанияның акциялары постмаркетте

19%-ға өсті.

Толығырақ

Broadcom-ның ЖИ-деректер

орталықтарына арналған компоненттер шығарумен айналысатын бөлімі 2025 қаржы

жылының бірінші тоқсанында табысын 77%-ға арттырып, 4,1 млрд долларға жеткізді.

Ал компания екінші тоқсанда (3 ақпанда басталған) бұл көрсеткішті тағы 7%-ға

арттыруды жоспарлап отыр.

«ЖИ-жартылай

өткізгіштерден түскен табыс екінші тоқсанда да жоғары деңгейде сақталады және

4,4 млрд долларға жетеді деп күтілуде. Өйткені біздің гиперскейлер

серіктестеріміз ЖИ-үдеткіштер мен деректер орталықтарына арналған желілік

шешімдерге инвестиция салуды жалғастыруда», – деді Broadcom бас директоры Хок Тан

компанияның ресми хабарламасында.

Bloomberg мәліметіне

сәйкес Broadcom гиперскейлерлерге – ірі деректер орталықтарының операторларына

арналған ЖИ-чиптердің өндірісін арттырып жатыр. Компанияның чиптері кей

жағдайларда нарықтағы әмбебап ЖИ-үдеткіштерден (мысалы, Nvidia өнімдерінен)

тиімдірек болуы мүмкін.

Broadcom-ның

гиперскейлер клиенттерінің саны өсуде: қазіргі таңда үш ірі тапсырыс беруші бар,

тағы төртеуі келісімге жақын, олардың екеуі жақын арада кіріс әкеле бастайды,

деп мәлімдеді Хок Тан.

«Біздің

гиперскейлер серіктестеріміз — деректерді өңдеу орталықтарының ірі операторлары

белсенді инвестиция салуды жалғастыруда», – деді Broadcom басшысы Bloomberg-ке

берген сұхбатында.

Акция бағасы

қалай өзгерді

Broadcom-ның

тоқсандық есебі жарияланғаннан кейін бейсенбі күнгі қосымша саудада компания

акциялары 19%-ға өсіп, $214-қа жетті. Кейін өсу қарқыны 12%-ға дейін баяулады.

Broadcom-ның оптимистік

болжамдары инвесторларға ЖИ-ге арналған есептеу қуатына шығындар жоғары

деңгейде сақталып отырғанын көрсетті, деп жазады Bloomberg. Компания тарихи ЖИ-жабдықтарға

сұраныс бумының негізгі бенефициарына айналды және бұл оның капитализациясын $1

трлн-нан асыруға көмектесті.

2025 жылы

инвесторлар сақтық таныта бастады: Нарық көшбасшысы Nvidia-ның сату қарқынының

баяулауы инвесторларға сенім ұялатпады. Broadcom нәтижелері Уолл-стрит үшін

үлкен жеңілдік болды, деп есептейді MarketWatch.

Негізгі саудада Broadcom

акциялары 6,3%-ға төмендеп, $179,5 болды. Бұл технологиялық сектордағы жалпы

сатылым мен бәсекелесі Marvell-дың әлсіз есебіне байланысты. Marvell

инвесторларды қуанта алмады, өйткені оның ЖИ-технологияларына сұраныс

айтарлықтай өспеген.

Компания

есебіндегі басқа мәліметтер

Broadcom-ның

жалпы табысы былтырғы жылдың осы кезеңімен салыстырғанда 25%-ға өсіп, $14,9

млрд-қа жетті. MarketWatch мәліметінше сарапшылар $14,6 млрд күтті. ЖИ-технологияларын

қамтитын жартылай өткізгіштер бизнесінің сатылымы $8,2 млрд болды (жылдық өсім 11%).

Инфрақұрылымдық бағдарламалық жасақтама бөлімінің табысы $6,7 млрд (жылдық өсім

47%). Түзетілген пайда бір акцияға $1,6 болды, ал сарапшылар $1,51 болжаған

еді. Келесі тоқсанға болжам – $14,9 млрд (кейбір болжамдар $15,1 млрд-тан

жоғары).

Акцияларға

қатысты не істеу керек

2025 жылдың

басынан бері Broadcom акциялары 22,6%-ға арзандады. Дегенмен, соңғы 12 айда

олардың бағасы 27,5%-ға өсті.

MarketWatch

деректеріне сәйкес Broadcom акциялары бойынша 44 сарапшының 37-сі «сатып алуды»

(Buy, Overweight) ұсынады, 7 сарапшы «ұстауды» (Hold) қолдайды. Сатуға кеңес

бергендер жоқ.

Уолл-стриттің

консенсус-бағасы – $252,2, бұл ағымдағы бағадан 40%-ға жоғары.