IPO Neptune: ірі жеке су тасқынынан сақтандыру компаниясының акциялары қолжетімді
Freedom клиенттеріне арналған сауда жүйесінде су тасқынынан сақтандыру бойынша андеррайтер және дистрибьютор Neptune Insurance Holdings компаниясының акцияларымен алдын ала сауда басталды. Басқарушы бас агент ретінде жұмыс істейтін компания мүлік пен жауапкершілікті сақтандыру саласында ойын ережесін өзгертуде. 1 қазан күні кейінірек компания қағаздары NYSE биржасында NP тикерімен саудаға шығады.
Егжей-тегжейлі
Neptune Insurance Holdings, яғни Neptune Flood-тың бас компаниясы, Нью-Йорк қор биржасында IPO барысында 368,4 млн доллар тартты, деп хабарлайды Reuters. Ол 18,4 млн акцияны әрқайсысын 20 долларға орналастырды — бұл жарияланған баға диапазонының жоғарғы шегі. Мұндай бағада Neptune-нің нарықтық капитализациясы 2,8 млрд долларды құрады, деп жазады агенттік.
Мәміленің ұйымдастырушылары Morgan Stanley, JPMorgan, BofA Securities, BMO Capital Markets, Goldman Sachs, Evercore ISI, Deutsche Bank Securities, Keefe, Bruyette & Woods, Mizuho, Piper Sandler, Raymond James және TD Securities.
Компания несімен қызықты
Флоридада орналасқан Neptune кең ауқымды сақтандыру өнімдерін, соның ішінде тұрғын үй және коммерциялық су тасқынынан сақтандыруды ұсынады. Ол басқарушы бас агент ретінде жұмыс істейді — сақтандыру мен қайта сақтандыру компанияларының атынан агенттер желісі арқылы полистер сатады, ал бұл компаниялар тәуекелді өз мойнына алып, талаптарды қарап, өтемақы төлейді. Neptune табысының 75%-дан астамын полис рәсімдеу комиссиясы құрайды, бұл ретте оның өзінде сақтандыру жағдайлары бойынша шығын жоқ.
Маусым айының соңында компанияның 235 мыңнан астам клиенті болды, ал белсенді сыйлықақылардың жалпы сомасы 300 млн долларды құрап, 100 млрд доллардан асатын сақтандыру қамтуына сәйкес келді. Neptune 49 штат пен Колумбия округінде жұмыс істейді және Аляска нарығына шығуды жоспарлап отыр. Тәуекелдерге бейімделген жедел котировкаларды есептеу үшін Neptune ескірген су тасқыны карталары мен дәстүрлі актуарийлердің орнына машиналық оқытуды, геоаналитиканы және big data-ны пайдаланады.
Bloomberg атап өткендей, компания мүлік пен жауапкершілікті сақтандыру нишасында ойын ережесін өзгертуде. Neptune бизнесін федералды Су тасқынынан сақтандыру ұлттық бағдарламасына (NFIP) балама ретінде құруда. Бұл бағдарлама әлі де нарықта басым, бірақ қаржылық және реттеуші қиындықтарға тап болуда. Catalyst басылымы жазғандай, көптеген NFIP полистері нақты тәуекелдерге қатысты төмен бағаланған және бағдарлама дотациялық болып қала береді. Neptune сияқты жеке сақтандырушылар технологиялардың арқасында қамтуды жылдамырақ әрі дәлірек ұсына алатынын айтады.
Reuters-тің мәліметінше климаттың өзгеруі жиі әрі күйреткіш дауылдарға әкелетіндіктен, мұндай сақтандыруға сұраныс арта түседі деп күтілуде.
IPO таныстырылымында Neptune бас директоры Тревор Бёрджесс 2018 жылдан бері компания 21 дауылды еңсеріп, шығын коэффициентін 25%-дан төмен деңгейде ұстап отырғанын атап өтті. Салыстыру үшін NFIP бұл көрсеткішті 86% деңгейінде көрсетті. Бёрджесс атап өткендей, мемлекеттік бағдарламадан айырмашылығы, Neptune клиенттерді таңдауға құқылы.
2024 жылдың қорытындысы бойынша компания органикалық табысты 40,6%-ға арттырды, таза пайда маржасы 29% болды, ал түзетілген EBITDA маржасы 60,4%-ға жетті. 2025 жылдың бірінші жартысында Neptune өсім қарқынын сақтап қалды: органикалық табыс 32,3%-ға көбейді, таза пайда маржасы 30,2%, ал түзетілген EBITDA маржасы 59,3% болды.
Сарапшылардың ұстанымы
Bloomberg-тің мәліметінше Neptune биыл биржаға шыққан алтыншы америкалық сақтандыру компаниясы болады. Бұған дейін листингтен өткен бес ойыншының үшеуі IPO бағасынан жоғары саудаланып жатыр. Reuters атап өткендей, кейбір аналитиктер қазірдің өзінде 2025 жылды осы саладағы «серпінді» кезең деп атап отыр.
IPOX вице-президенті Кэт Лю агенттікке берген пікірінде:
«Климаттық тәуекелдердің өсуімен балама нұсқаларға сұраныс артады. Егер Neptune өзінің платформасының NFIP үлесін тартып алып, клиенттерді тиімді ұстап тұра алатынын дәлелдесе, IPO-ның табысын қолдайтын нақты өсім перспективалары бар», — деді.
Bloomberg-тің пікірінше инвесторлар климаттың өзгеруіне байланысты тәуекелдерді қамтитын жасанды жады мен big data пайдаланатын компанияларды таңдайды. Barclays-тің акционерлік капитал нарықтары бойынша банкирі Уоррен Фиксмер былай деді:
«Біз шағын капитализациялы компаниялардың бірқатарын көріп отырмыз, олардың ерекше бизнес-модельдері бар және олар өз нишаларын жария нарықта иеленуде».
Оның айтуынша өткен жылдардағы мысалдар шағын сақтандыру компанияларының ерекше табыс әкеле алатынын көрсетті. Мәселен, Kinsale Capital Group 2016 жылғы IPO-дан бері 2 500%-дан астам өсті, ал Skyward Specialty Insurance Group котировкалары 2023 жылдың басынан бері үш есеге артты.
Сонымен бірге, Catalyst атап өткендей, Neptune IPO-сы тәуекелдермен қатар жүреді. Катастрофалық су тасқындары айтарлықтай шығындарға және қайта сақтандыру нарығына қысымға әкелуі мүмкін. Федералды саясаттағы өзгерістер бәсекелестік ортаны өзгертуі ықтимал. Ал климаттың өзгеруі белгісіздік тудырып, су тасқындарының жиілігі мен ауқымына әсер етеді. Catalyst атап өткендей, инвесторлар компанияның осы сынақтарды қалай еңсеретініне мұқият назар аударады.
Freedom Broker аналитигі Әлем Бектеміровтің айтуынша баланстағы 277,3 млн доллар қарызды және 11,7 млн доллар қолма-қол қаражатты ескергенде, Neptune акциялары шамамен 17,76 доллар тұруы тиіс. Бұл орналастыру бағасынан 11%-ға жоғары. Бектеміровтің бағалауынша, бизнестің негізгі тәуекелі — сақтандыру қызметтерін жеткізуші желілермен өзара әрекеттесу. Егер компания осындай ойыншылармен қарым-қатынасты ұстай алмаса, сақтандыру көлемі азаюы мүмкін. Басқа қауіптердің қатарында аналитик андеррайтингтегі ықтимал қателерді атады.
Freedom клиенттері негізгі биржалық сессия ашылғанға дейін Neptune акцияларына қол жеткізе алады. Сауда АҚШ биржалары ашылғанға дейін 2–3 сағат бұрын, яғни Астана уақытымен 15:30–16:30 аралығында ерте премаркет форматында басталады. Қатысу үшін NP тикерін басыңыз.
