Мұнай бағасы 7 пайыздан астамға құлдырады. Трамп Иранмен келіссөздердің жаңа раундын жариялады.
Мұнай бағасының төмендеуіне ықпал еткен тағы бір фактор – ОПЕК квоталарының соңғы рет ұлғаюы.
АҚШ Президенті Дональд Трамп Иранмен келісімге келуге тағы бір рет талпыныс жасамақ / Фото: X/Ақ Үй
АҚШ Президенті Дональд Трамп Иранға қарсы ауқымды соққыны тоқтататынын жариялап, АҚШ–Иран арасындағы жаңа кезеңдегі келіссөздерді өткізу жоспарын ашып айтқаннан кейін мұнай бағасы күрт төмендеді. 3 тамыздағы сауда кезінде эталондық Brent маркалы мұнайдың қазан айына арналған фьючерстері 7,3%-ға төмендеп, баррелі 81,55 долларға дейін құлдырады. Bloomberg мәліметі бойынша, бағаның төмендеуіне қосымша әсер еткен тағы бір фактор – жетекші OPEC+ мүшелерінің өндіріс квоталарын сәл ғана арттыруы болды.
Трамп не айтты
Трамп Иранмен келіссөздердің жаңа раунды 3 тамыз күні түстен кейін басталатынын мәлімдеді. Ол демалыс күндері Иран нысандарына соққы беруді тоқтатуға келіскенін түсіндірді, себебі Сауд Арабиясы мен Таяу Шығыстағы басқа да АҚШ одақтастары Тегеранмен келісімге келуге тырысуды ұсынған. «Бұл Екінші дүниежүзілік соғыстан бері болған ең ірі шабуыл болар еді. Келсілікке жете аламыз ба, көрейік», – деді АҚШ басшысы Air Force One ұшағында тілшілерге, әрі «Мен адамдарды өлтіргім келмейді» деп қосты (Bloomberg деректері бойынша).
Трамптың айтуынша, Ормуз бұғазы арқылы жүк тасымалын қайта бастау туралы келісім жақын арада жасалуы мүмкін. Алайда президент Иранның ядролық бағдарламасын тоқтатуға басымдық беруді жалғастыратынын баса айтты, деп хабарлайды Bloomberg.
Бұл акция бағаларына нені білдіреді?
Bloomberg-тің хабарлауынша, 3 тамыздағы нарықтағы өткір ауытқулар Таяу Шығыста бірнеше күн бойы күшейген шиеленістен кейін басталды. Жұма күні кешке АҚШ қақтығысты тоқтату үшін Иранға «өте қатты» соққы берумен қорқытты, ол қазір алты айдан бері жалғасып келеді. Соғыс салдарынан жеткізу көлемінің қысқаруы жанармай бағасының өсуіне, инфляцияның жаңадан өршуі туралы қорқынышты күшейтуіне және инвесторларды дүрліктіруіне әкелді.
«Егер бейбіт келісімге қатысты нақты мәліметтер немесе, одан да маңыздысы, Ормуз бұғазының қайта ашылуы туралы ақпарат пайда болса, біз жеңілдік сезімінен туындаған ірі өсімді көре аламыз», – деді AT Global Markets компаниясының бас талдаушысы Ник Твайдейл. «Қазіргі уақытта әртүрлі нарықтардағы құбылмалылық сақтала береді, әсіресе инвесторлардың AI-ге қатысты акцияларға назары қор нарығындағы басты тақырып болып қала берсе», – деді ол.
