Нью-Йорк таңы: назарда өндірушілердің баға индексі, 30 жылдық облигациялар саудасы
Freedom Capital Markets Research ұйымы директорының орынбасары Михаил Денисламов ұсынған АҚШ қор нарығына шолуы және болжамы.
Біз не күтеміз
АҚШ пен Қытай арасындағы келіссөздерге «бұқалар» үлкен үміт артқанымен, бұл оқиға да, CPI статистикасы да нарықта айқын өсім немесе құлдырау туғыза алмады. Бағытталған қозғалыс үшін жаңа факторлар қажет.
Бүгінгі макроэкономикалық күнтізбенің басты оқиғасы — мамыр айына арналған өндіруші бағалар индексінің (PPI) жариялануы. Жалпы PPI бойынша консенсус болжам — +0,2% м/м, базалық көрсеткіш бойынша — +0,3% м/м.
Сондай-ақ, жұмыссыздық бойынша жәрдемақыға өтініштерге қатысты апта сайынғы статистика жарияланады. Freedom Broker болжамы бойынша бастапқы өтініштер саны 240 мыңды құрайды (бұған дейін — 247 мың). Мамырда көрсеткіш біртіндеп өсуді бастады. Егер бұл үрдіс жалғасса, импорттық тарифтердің еңбек нарығына қысым жасауының алғашқы белгісі болмақ.
АҚШ Қаржы министрлігі $22 млрд көлемінде 30 жылдық облигацияларды орналастырады. Қаржы нарығы қатысушылары мен экономистердің назары қазір бюджет тапшылығы мен қарыздың өсуіне ауып отыр.
Дональд Трамп алдағы екі аптада АҚШ-тың негізгі сауда әріптестеріне 9 шілдеден бастап күшіне енетін тариф мөлшері туралы хат жолдауды жоспарлап отыр. Президент елдерге ұсынылатын сауда келісімін қабылдау не қабылдамау құқығы берілетінін айтты. Бұл АҚШ басшысының импорттық баж салығын арттыру бағытын жалғастыру ниетімен байланысты болуы мүмкін.
12 маусымда негізгі сессия аяқталғаннан кейін Adobe (ADBE) және RH (RH) тоқсандық есептерін жариялайды.
АҚШ қор индексінің фьючерстері 0,5%-дан астам төмендеп жатыр. Ағымдағы сессиядағы тәуекелдер теңгерімі — біршама теріс, ал құбылмалылық — орташа деңгейде. S&P 500 қозғалысы 5950–6060 пункт аралығында (сәрсенбі жабылу деңгейінен −1,2% – +0,6%) болады деп болжанады.
Назарда
— Oracle Corporation (ORCL) акциялары постмаркеттің өзінде 8%-ға жуық өсті. Компанияның тоқсандық табысы мен түзетілген пайдасы ЖИ шешімдеріне жоғары сұраныстың арқасында консенсусты басып озды. Эмитент басшылығы 2026 қаржы жылы (маусым айында басталды) табыс 16%-ға өсіп, $67 млрд-қа жетеді деп болжады. Бұл алдыңғы болжамнан $1 млрд-қа артық.
— Reuters деректері бойынша CoreWeave (CRWV) Alphabet (GOOGL) пен OpenAI арасындағы серіктестіктен пайда көреді — компания Google бұлттық бөлімшесіне Nvidia (NVDA) графикалық процессорларына негізделген серверлер арқылы есептеу қуатын ұсынбақ.
— BeOne Medicines (ONC) өз қатерлі ісікке қарсы дәрісін таблетка түрінде өндіруге FDA мақұлдауын алды.
Кешегі нарық
11 маусымдағы АҚШ қор нарығындағы сауда сессиясы аздаған минуспен аяқталды. S&P 500 —0,27%, Nasdaq 100 —0,37% төмендеді, Dow Jones өзгеріссіз қалды, Russell 2000 —0,38% төмендеді. «Керемет жетілік» акцияларының көбі төмендеді, ең көп қысым Apple (AAPL) мен Amazon (AMZN) акцияларына түсті. Кең нарық индексіндегі секторлар әртүрлі бағытта жабылды. Аутсайдерлер қатарында циклдік тұтыну тауарлары (XLY), күнделікті қажеттіліктер тауарлары (XLP) және шикізат компаниялары (XLB) болды. Мұнай бағасының тұрақты өсуі аясында энергетика секторы (XLE) өсім көшбасында қалды.
Қытаймен сауда келісімі туралы нақты мәліметтердің жоқтығы акция бағаларына қысым жасады. Сонымен қатар, Трамп Қытайдан келетін импортқа салынған тарифтерден бас тартпайтынын білдірді. АҚШ Қаржы министрі Скотт Бессент Ақ үйдің 9 шілдеден кейін тарифтерді кейінге шегеру мерзімін ұзартуға дайын екенін, егер сауда әріптестері келіссөздерде «адалдық» танытса, мүмкін екенін айтты.
АҚШ-тың Таяу Шығыстағы дипломатиялық өкілдіктеріндегі қызметкерлердің эвакуациясына байланысты Иранмен тікелей әскери қақтығыс қаупі күшейгені жөніндегі хабарлар белгісіздікті арттырды.
Мамыр айында АҚШ-та тұтыну бағаларының өсуі қатарынан төртінші рет баяулады — бұл сауда саясатының қатаң бағытына қарамастан орын алды. Жалпы тұтыну бағалары индексі (Headline CPI) айлық есеппен 0,1% және жылдық есеппен 2,4%-ға өсті (консенсус: 0,2% және 2,5%). Сәуір айында бұл көрсеткіш 2,3% болған. Азық-түлік пен энергияны есептемейтін базалық инфляция (Core CPI) 0,1% м/м және 2,8% ж/ж болды (консенсус: +0,3% және +2,9%), сәуірмен салыстырғанда жылдық мәні өзгермеді.
Инфляцияның баяулауы мемлекеттік облигациялар бағасының өсуіне серпін берді. АҚШ Қаржы министрлігінің $39 млрд көлеміндегі он жылдық облигацияларды сәтті орналастыруы кірістіліктің төмендеуіне алып келді. Спред –0,7 б.п. болды.
Компания жаңалықтары
— Oklo (OKLO: +29,5%) акциялары АҚШ Қорғаныс министрлігінің Аляска штатындағы Эйлсон әскери базасына Aurora ядролық реакторын орналастыру үшін компанияны таңдағаны жөніндегі хабардан кейін күрт өсті.
— Quantum Computing (QUBT: +25,4%) бағамдары Nvidia (NVDA: −0,8%) бас директоры кванттық есептеулер саласындағы серпіліс туралы мәлімдеген соң қарқынды өсті.
— Papa John’s (PZZA: +7,5%) акциялары Apollo Global Management (APO: +1,8%) және Катар инвестқорының шамамен $2 млрд-қа сатып алу ұсынысы туралы жаңалықтан кейін сенімді өсу көрсетті.
— АҚШ-та сирек металл өндіретін ең ірі компания MP Materials (MP: −5,8%) акциялары Лондонда Қытай делегациясымен жасалған сауда келісімі жөніндегі Трамптың мәлімдемесіне теріс реакция білдірді.
— Lockheed Martin (LMT: −4,3%) котировкалары төмендеді, себебі АҚШ Әскери-әуе күштері Конгреске F-35 жойғыштарына деген тапсырысты 48-ден 24 бірлікке дейін қысқартты.
