Нью‑Йорктегі таң: назарда Трамптың сауда саясаты мен жұмыспен қамту деректері
Freedom Capital Markets Research компаниясы директорының орынбасары Михаил Денисламов дайындаған АҚШ қор нарығындағы оқиғаларға күнделікті шолу және болжам.
Біз не күтеміз
АҚШ президентінің қарама‑қайшы мәлімдемелері сыртқы сауда күн тәртібіндегі белгісіздікті жалғастырып отыр. Дональд Трамп импорттық баждардың енгізілу мерзімдерін қайта қарауға ниетті емес екенін аңғартып, Жапония үшін қазіргі 10 %-дан 30–35 %-ға дейін көтеруді де жоққа шығармайды. Сонымен бірге Ақ үй командасы 9 шілдедегі дедлайнға дейін теріс әсерді жұмсарту үшін жеке елдермен шағын келісімдерге қол қоюға көбірек бейімделіп келеді.
Сәрсенбі күнгі макроэкономикалық күнтізбенің басты жарияланымы — маусым айы бойынша ADP жұмыспен қамту деректері. Консенсус бойынша жаңа жұмыс орындарының саны 97 мыңға көбеймек (бір ай бұрын 37 мың болған). Есеп ертеңгі Еңбек министрлігінің ауыл шаруашылығынан тыс жаңа жұмыс орындары жөніндегі деректерінің алдында еңбек нарығының ахуалын бағалауға маңызды бағдар болады.
Негізгі саудалық сессия басталмай тұрып, 2 шілдеде Constellation Brands (STZ) есептілігін жариялайды.
Bloomberg деректеріне сүйенсек, Tesla (TSLA) күнтізбелік екінші тоқсанда шамамен 389,4 мың автомобиль сатқан.
АҚШ индекстерінің фьючерстері сәл «плюспен» саудалануда. Тәуекелдер балансы қалыпты құбылмалылықпен нейтралды деп бағаланады. Біз S&P 500 индексінің қозғалысын 6150–6260 тармақ аралығында болжаймыз (алдыңғы сауда сессиясының жабылу деңгейінен -0,8 %‑дан +1 %‑ға дейін).
Назарда
— АҚШ‑тың ең ірі банктері ФРЖ‑ның стресс‑тестінен сәтті өткен соң дивидендтерді ұлғайтып, жаңа акцияларды кері қайтару бағдарламаларын іске қосуды хабарлады. JPMorgan Chase (JPM) тоқсандық дивидендті акцияға шаққанда 1,5 долларға дейін көтеріп, 50 млрд долларлық кері қайтару бағдарламасын жүзеге асырады. Bank of America (BAC), Wells Fargo (WFC), Morgan Stanley (MS), Goldman Sachs (GS) және Citigroup (C) да акционерлерге бөлінетін пайданы арттыратынын мәлімдеді. Қаржы корпорацияларының менеджменті банк жүйесінің жоғары тұрақтылығын және стресс‑тестілеудің жаңартылған тәсілдерін қолдайтынын атап өтті.
— Intel (INTC) CEO‑сы Лип‑Бу Тан foundry‑бизнесті трансформациялауды жоспарлап отыр. Компания 18A процесін сыртқы тапсырыс берушілерге ұсынудан бас тартып, анағұрлым перспективалы 14A технологиясына шоғырлануды көздеуде. Бұл жоспар ірі шығындарға әкелуі мүмкін, бірақ Apple мен Nvidia сияқты тапсырыс берушілерді тартуға жол ашуы ықтимал. Стратегияны қабылдау шілдеде директорлар кеңесінің отырысында талқыланады.
— Lockheed Martin (LMT) Пентагонмен Aegis жүйесін қызмет көрсетуге арналған он жылдық, 3 млрд долларға дейінгі келісімшарт жасасты.
— Centene (CNC) медсақтандыру нарығындағы деректерді қайта қарауына байланысты пайда болжамын қайтарып алып, EPS‑ті 2,75 долларға дейін төмендетуді күтуде. Компания тағы жеті штаттан деректер түскен соң қосымша шығындар болуы мүмкін екенін ескертті. Сессия жабылғаннан кейін CNC акциялары 23 %-ға құлдырады.
Нарық кеше
1 шілдедегі АҚШ биржаларындағы сауда әркелкі аяқталды. S&P 500 0,11 %-ға, Nasdaq 100 0,89 %-ға төмендеді, ал Dow Jones пен Russell 2000 сәйкесінше 0,91 % және 0,94 % қосты. Ең көп өсім материалдар секторының (XLB: +2,59 %) еншісінде, ал жартылай өткізгіш сегментіндегі қысымға байланысты жоғары технологиялық компаниялар (XLK: -0,89 %) көш соңында қалды. «Ғажайып жетіліктің» басым бөлігі күнді минуспен жапты. Айқын теріс динамиканы Tesla (TSLA: -5,34 %) мен Nvidia (NVDA: -2,97 %) акциялары көрсетті. Apple (AAPL: +1,29 %) бағамдары өсті.
Саяси тұрғыдағы басты оқиға — Сенат Трамп әкімшілігі ұсынып отырған ауқымды салық жеңілдіктері мен мемлекеттік шығындарды қысқартуды көздейтін пакетке (Big Beautiful Bill) қолдау білдірді. Вице‑президент Джей Ди Вэнстің шешуші дауысымен (51–50) қабылданғанына қарамастан, құжаттың тағдыры әлі де белгісіз, себебі өкілдер палатасы заң жобасына түзетулерді талқылап жатыр.
Мамыр айындағы JOLTS деректері бос жұмыс орындарының санын 7,3 млн‑дық консенсустен жоғары, 7,77 млн‑ға дейін өсуді көрсетті. Демек, еңбек нарығы әлі де тұрақты, дегенмен жалдаулар көрсеткіші азайды. ISM‑нің маусым айы бойынша өндірістік іскерлік белсенділік индексі (PMI) 49 пункт болды (болжам — 49,1), бұл сектордағы құлдыраудың жалғасуын білдіреді. Жаңа тапсырыстар көрсеткіші 46,4 пунктке түсті, ал бағалар инфляциялық тәуекелдерді қолдай отырып, жоғары қалыпта қалды. Дегенмен S&P Global ұсынған маусым айындағы өндірістік PMI күтпеген жерден 52,9 пунктке өсіп, секторда біраз жандану барын көрсетті.
ФРЖ төрағасы Джером Пауэллдың Синтрадағы конференцияда сөйлеген сөзінен нарық жаңа белгі күтпеген еді, солай болды да. Реттеуші басшысы қазіргі саясаттың қалыпты шектеулі күйде екенін растады, оны түзетуге абайлап қарайтынын айтып, өзгерістер макродеректерге тәуелді болатынын меңзеді. Сонымен қатар Пауэлл шілдеде ақша‑несие саясатын жұмсартуы мүмкін екенін жоққа шығармайтынын, алайда инфляция динамикасы мен еңбек нарығының жай‑күйі бойынша көбірек айқындықты күтетінін білдірді.
Компания жаңалықтары
— Las Vegas Sands (LVS: +8,9 %) бағамдарының сенімді өсуіне Макаодағы жалпы табыстың 19,1 %‑ға жылдық өсімі туралы деректердің жариялануы түрткі болды.
— Packaging Corporation of America (PKG: +7,6 %) котировкалары Greif‑тің контейнер бизнесін 1,8 млрд доллар қолма‑қол төлемге сатып алу туралы хабар оң әсер етті. Мәмілені жабу үшінші тоқсанның соңына жоспарланған.
— Warner Bros. Discovery (WBD: -4,5 %) акцияларына Advance/Newhouse акционері 100 млн бағалы қағазды бір данасына 10,97 доллар бағамен сату жөніндегі шешімі қысым жасады.
— Coinbase (COIN: -4,3 %) сессияны төмендеумен аяқтады: Ault Markets (GPUS) еншілес компаниясының 2026 жылы АҚШ‑та жаһандық децентрализованған криптобиржа іске қосу жоспары туралы хабар негатив тудырды.
