Нью-Йорктегі таң: Сауда-саттыққа бөлшек сауда трендтері әсер етеді

АҚШ қор нарығы бойынша күнделікті шолу және болжам – Freedom Capital Markets Research компаниясының директорының орынбасары Михаил Денисламовтан.

Кеше нарықта не болды

14 наурыздағы америкалық қор биржасындағы сессия оң нәтижемен аяқталды. Әлсіз макроэкономикалық көрсеткіштерге қарамастан, S&P 500 индексі 2,13%-ға көтерілді, Nasdaq ірі технологиялық компаниялардың қолдауымен 2,61%-ға өсті, Dow Jones 1,65%-ға, ал Russell 2000 — 2,53%-ға жоғарылады. Барлық S&P 500 секторлары жасыл аймақта болды, ал IT және энергетикалық компаниялар көш бастады.

Нарықтағы серпіліске сыртқы сауда тақырыбына қатысты жағымсыз жаңалықтардың болмауы және Сенаттағы демократиялық фракция көшбасшысы Чак Шумердің үкіметті қаржыландыру туралы республикалық қарарды қолдауға ниетті екендігін мәлімдеуі себеп болды. Сондай-ақ, Канада премьер-министрі Марк Карнидің АҚШ-пен өзара тиімді келісімдерге қол жеткізу мүмкіндігі туралы айтқан пікірі нарықтағы оң көңіл-күйді нығайтты.

Компанияларға қатысты жаңалықтар

— Abbott Labs (ABT: −2,4%) – Bloomberg-тің сот алқасы Abbott пен Reckitt Benckiser-ді нәрестелердегі ішек инфекцияларына кінәлі емес деп тапқан үкімді жою туралы хабарынан кейін акциялар құлдырады.

— ServiceTitan (TTAN: +13%) – тоқсандық есеп күтілгеннен жақсы шықты. Компания кірісінің өсу қарқыны жеделдеп, Pro өнімі жоғары сұранысқа ие болды.

Бүгін не күтеміз

Нарық қатысушыларының назарында ақпан айындағы бөлшек сауда статистикасы болады (күтілетін нәтиже: +0,7% айлық есепте, қаңтар: −0,9%). Автокөлік сатылымдарын есепке алмағанда, базалық индекс 0,45%-ға өседі деп болжануда. Бұл тұтынушылық сұраныстың жағдайын нақтылауға көмектеседі.Сонымен қатар, бүгін Нью-Йорк Федералдық резервтік банкінің іскерлік белсенділік индексі және Наурыз айына арналған Ұлттық құрылысшылар қауымдастығының (NAHB) жылжымайтын мүлік нарығы индексі жарияланады.

Нарықтағы жағдай

Еуропа және азия қор биржаларында сауда-саттық жасыл аймаққа өтуде. АҚШ қор индекстерінің фьючерстері теріс аймаққа кетті. Бөлшек сауда туралы мәліметтерге реакция құбылмалылықты арттыруы мүмкін.

Басты назарда

— Дональд Трамп алты айға үкіметті қаржыландыру туралы заңға қол қойды, бұл шатдаун қаупін болдырмауға мүмкіндік береді.

— Reuters мәліметінше АҚШ Көлік министрі Boeing (BA) компаниясына қатаң бақылау қажет деп санайды. Бұл акцияларға қысым көрсетуі мүмкін.

АҚШ-тың ірі әуе тасымалдаушылары соттың Минтранстың авиакомпаниялардың алымдары туралы ақпаратты ашу ережелерін жасауға құқығы бар деген шешіміне қарсы шықты. Бұл авиасектордағы акциялардың құбылмалылығын арттыруы мүмкін.

Berkshire Hathaway (BRK) Жапонияның бес ірі сауда үйіндегі үлесін 10%-ға дейін ұлғайтты.

Airbus, Dassault Systèmes және басқа да еуропалық технологиялық компаниялар Еуропалық комиссияны озық технологияларға мемлекеттік инвестицияларды арттыру үшін егеменді инфрақұрылым қорын құруға шақырды.

Baidu (BIDU) екі жаңа жасанды интеллект моделін іске қосатынын жариялады, олардың бірі DeepSeek-ке тікелей бәсекелес болмақ.

AbbVie (ABBV) әйелдерге арналған ELAHERE препаратының тиімділігі мен қауіпсіздігін арттыру бойынша зерттеулердің кезекті кезеңін аяқтап, оның химиотерапиямен салыстырғанда жоғары нәтижелер көрсететінін растады.