OpenAI бәсекелесі Anthropic-тің инвестициясы оның жеті негізін қалаушысын байытты
Anthropic ИИ-стартапы соңғы инвестициялық раунд нәтижесінде $61,5 млрд-қа бағаланды. Bloomberg мәліметінше оның жеті негізін қалаушысының әрқайсысы компанияның кемінде 2%-на ие
Жасанды интеллект
(ЖИ) саласындағы америкалық стартап Anthropic соңғы инвестициялық раундтан
кейін жеті жаңа миллиардерді дүниеге әкелді, деп хабарлайды Bloomberg. Бұған
дейін компанияға Amazon мен Google инвестиция салған. Стартаптың қазіргі бағасы
$61,5 млрд-қа жеткен. Сарапшылардың пікірінше, бұл жағдай Қытайдың DeepSeek
ИИ-моделі нарықта пайда болғаннан кейінгі шоктан кейін де америкалық
ИИ-стартаптарға деген инвесторлар тарапынан қызығушылықтың әлсіремегенін
көрсетеді.
Bloomberg Billionaires Index деректеріне сүйенсек Anthropic-тің жеті негізін
қалаушысының әрқайсысының жағдайы $1,2 млрд-тан асады. Мұндай бірден жеті
миллиардердің пайда болуы сирек кездесетін жағдай.
Толығырақ
Миллиардерлер
қатарына кіргендер: Дарио және Даниэла Амодеи, Том Браун, Джек Кларк, Джаред
Каплан, Сэм Маккендлиш, Кристофер Олах.
Bloomberg
есебінше олардың әрқайсысы кем дегенде компанияның 2%-на иелік етеді. Anthropic
соңғы раундта $3,5 млрд инвестиция тартып, әлемдегі ең ірі стартаптардың біріне
айналды.
Anthropic-тің соңғы инвестициялық раундын Lightspeed Venture Partners қоры
басқарды. Ол бұған дейін Snap, Rubrik және Epic Games сияқты компанияларға
инвестиция салған. Сондай-ақ Salesforce, Cisco және General Catalyst қорлары да
қаржылай қолдау көрсеткен.
Компания туралы
Anthropic 2021 жылы OpenAI-дің бұрынғы қызметкерлері негізін қалаған стартап.
Компания Claude атты чат-ботымен танымал. CNBC мәліметінше, Anthropic-тің
жылдық табысы 2025 жылдың соңына қарай $1 млрд-қа жетуі мүмкін.
Anthropic-тің ірі инвесторларының бірі — Amazon. Ол
компанияға $4 млрд инвестиция салды және 2024 жылдың қарашасында тағы сонша
қаржы құятынын мәлімдеді. Google да стартапқа $3 млрд-тан астам инвестиция
құйған. Жалпы компания $17 млрд-тан астам инвестиция тартты.
