Oracle акциясының рекордтық раллиі әлемдегі ең бай адамдардың тізімін өзгертті

АҚШ ІТ-алыптарының бірі Oracle компаниясының теңқұрушысы әрі техникалық директоры Ларри Эллисон Bloomberg нұсқасы бойынша әлемдегі ең бай адам атанды. Oracle котировкасы мықты тоқсандық есеп пен табыс өсіміне қатысты батыл болжамнан кейін шарықтады.

Егжей-тегжейлі

Bloomberg дерегінше, Ларри Эллисонның байлығы Oracle акциясы 10 қыркүйектегі саудада 40%-дан астам шарықтағаннан кейін $101 млрд-қа өсті. 9 қыркүйекте компания күткеннен жақсы тоқсандық есеп жариялап, өсімге қатысты оптимистік болжам ұсынды. Bloomberg нұсқасындағы әлемдегі ең бай миллиардерлер индексі тарихындағы байлықтың бір күндегі ең ірі өсімі болды.

Ралли нәтижесінде Эллисон бір жыл бойы көшбасшы болған Илон Маскты рейтингте ығыстырды. Енді Oracle негізін қалаушының капиталы $393 млрд деп бағаланса, Масктікі $385 млрд-ты құрайды.

Жыл басынан бері Oracle акциясы 105%-дан астам қымбаттады, ал олардың сәрсенбі күнгі секірісі компания тарихындағы бір күндік ең ірі өсім болды. Салыстыру үшін, Илон Масктың Tesla акциясы жыл басынан бері шамамен 13% төмендеді.