PepsiCo зумерлерді тарту үшін пребиотиктері бар газды сусын брендін сатып алады

Азық-түлік

өнеркәсібінің алыбы PepsiCo америкалық Poppi бренді – пребиотиктері бар және

басқа алкогольсіз сусындарға қарағанда қант мөлшері төмен газдалған сусын

өндірушісін сатып алады. Нәтижесінде ас қорытуға көмектесетін газдалған

сусындар нарығы $1 млрд-қа бағаланады және бұл келісім PepsiCo-ны осы

сегменттің көшбасшысы етуі мүмкін, дейді сарапшылар. Бұл нарыққа шығуға басты

бәсекелесі Coca-Cola да дайындалып жатыр.

Толығырақ

PepsiCo Poppi

брендін $1,95 млрд-қа сатып алатынын жариялады. Бұл келісім аясында компания

$300 млн салықтық жеңілдіктер алуды жоспарлап отыр, сөйтіп таза сатып алу құны

$1,65 млрд-қа дейін төмендейді. Егер Poppi белгіленген мерзім ішінде белгілі

бір қаржылық көрсеткіштерге қол жеткізсе, мәміле құны артуы мүмкін. Басқа

шарттар, соның ішінде мәмілені аяқтау мерзімі әлі жарияланған жоқ.

Bloomberg

мәліметінше Poppi өз сусындарында ас қорытуды жақсартатын пребиотиктерді,

сондай-ақ жеміс шырыны мен алма сірке суын пайдаланады. Брендтің сусындарында

бір порцияға 5 граммға дейін қант бар. Poppi 2018 жылы Техаста ерлі-зайыптылар

Стивен және Эллисон Эллсворттар негізін қалаған. Олар брендті Shark Tank

телешоуында таныстырып, алғашқы атаққа ие болды. 2021 жылы стартап Элли Голдинг

пен Холзи сияқты әншілердің, сондай-ақ Рассел Уэстбрук пен Кевин Лав сынды

баскетболшылардың қатысуымен өткен инвестициялық раундта $13,5 млн тартты.

MarketWatch атап өткендей PepsiCo-мен жасалған келісім Poppi-ны Shark

Tank-тағы ең табысты компаниялардың біріне айналдыруы мүмкін.

PepsiCo-ның

Poppi-ды сатып алуының себебі

PepsiCo-ның бұл сатып алуы компанияны АҚШ-тағы

пребиотикалық газдалған сусындар нарығының көшбасшысына айналдырады, дейді

Bloomberg Intelligence аға сарапшысы Кеннет Ши. Оның айтуынша бұл нарық қазіргі

таңда $1 млрд-тан асады. Ақпан айында PepsiCo-ның басты бәсекелесі Coca-Cola да

осы нарыққа шығатынын мәлімдеді: компания Simply Pop брендімен ас қорытуға

көмектесетін газдалған сусын шығармақ.

Bloomberg

мәліметінше PepsiCo қазір өз бизнесін әртараптандырып, дәстүрлі газдалған

сусындар мен тіскебасарлардан алшақтап, салауатты өмір салтына бағытталған

брендтерді сатып алуға ұмтылуда. «Тұтынушылар дәмді әрі денсаулыққа пайдалы

өнімдерді көбірек іздей бастады», – деп мәлімдеді PepsiCo бас директоры Рамон

Лагуарта.

Соңғы айларда

PepsiCo осындай келісімдерге шамамен $3 млрд жұмсады, оның ішінде Siete Foods

тіскебасар өндірушісін $1,2 млрд-қа сатып алды. Компания миллениалдар мен

зумерлерді тартуды көздейді, өйткені олар денсаулыққа пайдалы балама өнімдерді

көбірек таңдайды, деп жазады MarketWatch.

Кәдімгі газдалған

сусындар нарығы да қысымға ұшырады. WSJ-тың мәліметінше, АҚШ Денсаулық сақтау

және әлеуметтік қызметтер министрі Роберт Ф. Кеннеди-кіші бастаған «Make

America Healthy Again» («Американы қайтадан дені сау елге айналдырайық»)

қозғалысы газдалған сусындарды «у» деп атады.

Акциялардың

бағасы қалай өзгерді

17 наурыздағы сауда нәтижелері бойынша PepsiCo акциялары 1,9%-ға

өсіп, $151,3-ке жетті. Жыл басынан бері компанияның нарықтық құны айтарлықтай

өзгерген жоқ. Салыстырар болсақ, АҚШ-тың басты S&P 500 индексі осы кезеңде

3%-дан астам жоғалтты.

PepsiCo

акцияларының қозғалысын 26 сарапшы бақылауда. Олардың 15-і бейтарап ұстанымда

және Hold (ұстап тұру) ұсынысын береді. Тағы 10-ы сатып алуға кеңес береді

(алтауы Buy, төртеуі Overweight), ал біреуі сатуға шақырады (Sell).

TD Cowen

сарапшысы дүйсенбіде Pepsi акцияларын Hold ретінде бағалады. «Бұл келісім

орынды деп санаймыз, себебі PepsiCo-ның Солтүстік Америкадағы сусын өндірісі

Poppi-ның дистрибуциясын күшейте алады, сондай-ақ «функционалды газдалған сусын»

(аз мөлшерде қант қосылған төмен калориялы сусындар) тұрақты сұранысы бар

негізгі нарық сегментіне айналуда», – деді ол MarketWatch-қа берген сұхбатында.