Сарапшы Oreo печеньесі өндірісінің акцияларын сатып алуды ұсынып, 20% өсуін күтеді
Wells Fargo компаниясы Oreo печеньесін, сондай-ақ Toblerone, Alpen Gold және Milka шоколадтарын шығаратын Mondelez акцияларының рейтингін көтеріп, оларды сатып алуға кеңес берді. Инвестбанк сарапшысы компанияның акцияларын сатып алуды ұсынды және олардың құны 20% өсуі мүмкін деп болжады. Компания оны тұтынушылық тауарлар сегментінде ең тиімді және перспективті ойыншы деп есептейді. Ал Morningstar агенттігі Mondelez акцияларын ұзақ мерзімге инвестиция жасайтындарға жақсы таңдау деп атап өткен.
Егжй-тегжейлі
Wells Fargo сарапшысы Крис Кэри Mondelez акцияларының рейтингін нейтралды деңгейден Equal weight, яғни сатып алынған қағаздарды портфелде ұстауға кеңес беруден Overweight деңгейіне көтерді — бұл акциялардың үлесін көбейтуге кеңес береді, деп хабарлайды CNBC. Сарапшы мақсатты бағасын $68-ден $78-ге өзгертіп, жаңа бағалау соңғы жабылудан шамамен 18% өсуін көрсетеді. «Біз Mondelez-ді тұтынушылық тауарлар сегментіндегі ең тиімді компаниялардың бірі ретінде бағалаймыз, ол тұрақты ұзақ мерзімді өсімді қамтамасыз ете алады — дамыған нарықтардағы үлесін ұлғайту, дамушы елдерде жаңа бағыттарға шығу және бірігу мен жұтылу стратегиясын белсенді түрде қолдану арқылы», — деп жазды Кэри өзінің жазбасында, оны CNBC келтіреді.
Ол сондай-ақ компанияның шоколад сегментіндегі сәтті баға саясатын мадақтады: «2025 жылы какао дәндерінің бағасы айтарлықтай өсуі мүмкін, және Mondelez компаниясы бұл қысымды жұмсарту үшін бағаларды айтарлықтай көтеруге мәжбүр болды — әсіресе Еуропадағы негізгі шоколад сегментінде. Алайда, Еуропадағы сұраныс күткеннен жоғары тұрақты болды, бұл 2025 жылға арналған болжамдарды қолдайды, Солтүстік Америка нарығындағы әлсіздіктің жалғасуына қарамастан». Сарапшының айтуынша, бұл компанияға қажетті әрекет жасау кеңістігін береді: АҚШ-тағы құлдырауды жұмсарту және 2026 жылға арналған көрсеткіштерге деген сенімділікті арттыру. 2024 жылы какао дәндеріне арналған фьючерстер негізгі өндіріс аймақтарындағы қолайсыз ауа райы жағдайлары себепті рекордты қарқынмен қымбаттады. 2023 жылдан бастап әлемдік нарықтағы какао бағалары үш есе артты, желтоқсанда бір тоннасы шамамен $13 мыңға жетті, бірақ кейін $9 мыңнан төмен деңгейге түсті, деп жазады Bloomberg.
Wells Fargo сарапшысы Mondelez-дің алдағы перспективасында айтарлықтай мәселелерді көрмейді. Оның айтуынша, қазіргі таңда компанияның бәсекелестік артықшылықтары басқалардан көп, ал 2026 жылы какао бағаларының өсуі баяу болатынын болжайды. «Mondelez әсіресе сектордағы ірі ойыншылардың жалпы баяулауы аясында тартымды», — деп қорытындылады Кэри.
Акциялардың жай-күйі
20 маусымда Mondelez акциялары шамамен 3,5% күрт өсіп, $68,6-ға жетті. Бұл олардың 2025 жылдың 30 мамырынан максимум болды. Жыл басынан бері компанияның нарықтық құны шамамен 15% өсті. Салыстыру үшін: АҚШ-тың негізгі қор нарығы индексі S&P 500 сәйкес кезеңде 2%-дан аз өсті.
Басқалар не дейді
Мамыр айының басында Mondelez акцияларының мақсатты бағаларын бірден үш инвестициялық компания көтерді: Redburn мен BNP — $71-ден $75-ке дейін, ал Berenberg Bank — $77-ден $81-ге дейін. Қазіргі таңда Уолл-стрит бойынша компанияның акцияларына орташа мақсатты баға $72,5, бұл 10%-ға дейін өсу әуелетін көрсетеді.
Қараша айында Morningstar агенттігі Mondelez акцияларын ұзақ мерзімді инвесторлар үшін жақсы таңдау деп атап өтті, себебі компанияның қағаздары Дональд Трамптың саясатына тәуелді емес.
MarketWatch деректері бойынша, Mondelez акцияларын бақылайтын 30 сарапшының ешқайсысы оларды сатуды ұсынбайды. 19 сарапшы акцияларды сатып алуға кеңес береді (Buy және Overweight бағалары), ал 11 сарапшы оларды портфелінде ұстап тұруды (Hold) ұсынады.
