Түркияның Орталық банкі үшінші рет қатарынан есептік мөлшерлемені төмендетті

Түркияның Орталық

банкі есептік мөлшерлемені 45%-дан 42,5%-ға төмендететінін жариялады. Бұл –

мөлшерлеменің қатарынан үшінші рет қысқаруы, әрі сарапшылардың болжамына дәл

келді. Бұл шешім инфляция қарқыны күтілгеннен жылдамырақ баяулай бастағаны

туралы мәліметтер жарияланғаннан бірнеше күн өткен соң қабылданды.

Толығырақ

Түркияның Орталық

банкі есептік мөлшерлемені 250 базистік пунктке – 42,5%-ға дейін төмендетті.

Бұл Bloomberg сауалнамасына қатысқан экономистердің болжамымен сәйкес келді.

Бұл қадам жылдық

инфляцияның ақпанда 39%-ға дейін баяулағаны туралы деректер шыққаннан кейін

жасалды. Бұл 20 айдағы ең төменгі деңгей болып саналады. Қаңтарда инфляция

қайта өсіп еді. Азық-түлік пен энергия бағасын есепке алмайтын негізгі инфляция

әлі де жоғары деңгейде қалып отыр, сондай-ақ қызмет көрсету секторының бағалары

да өсуде.

«Ішкі

сұраныс төртінші тоқсанда болжанғаннан жоғары болды, бірақ ол дезинфляциялық

деңгейде қалды», –

делінген реттеушінің мәлімдемесінде.

Инфляциялық

тәуекелдер

Өткен айда

Түркияның Орталық банкі жыл соңына дейінгі инфляция болжамын 21%-дан 24%-ға

дейін көтерді. Бұл өзгеріс білім беру және жалдау ақысы сияқты салалардағы баға

қысымына байланысты жасалды. Реттеушінің айтуынша, бұл салалар ақша-несие

саясатының тікелей әсер ету аясынан тыс жатыр.

Сонымен қатар, халық

пен бизнестің инфляциялық күтулері Орталық банктің бағалауларынан да жоғары.

Бұл өз алдына тәуекел болып саналады: жоғары инфляцияны күткен адамдар ақшаларын

тезірек жұмсауға тырысады, ал Орталық банктің мақсаты – сұранысты суыту.

Қазірдің өзінде көтерме

бағалар төмендеуде, бірақ тұтынушылық сұраныс жоғары болып қалып отыр, деп

жазады Bloomberg. Citigroup сарапшылары инфляция биліктің болжамынан баяу

төмендейді деп санайды. Олардың пікірінше, жыл соңында инфляция 28%-ға жетуі

мүмкін.

Акциялар

нарығы

Орталық банктің

шешімінен кейін Borsa Istanbul 100 Index көрсеткіші қысқа мерзімге баяулап,

кейін 0,1%-ға өсті. Бұл экономистердің болжамдарына сай келгендіктен, нарықтың

таңданысын тудырмады, деп жазады Bloomberg. Осы материал жарияланған сәтте

индекс 0,5%-ға жоғары деңгейде саудалануда.

Түркияның

акциялары 2025 жылы ең табысты нарықтардың бірі болуы мүмкін, деп жазды JPMorgan

ақпан айының соңында. Банк инфляция мен мөлшерлемелердің төмендеуі есебінен

нарық 20%-дан астам өседі деп болжайды.

JPMorgan келесі

компаниялардың акцияларын сатып алуды ұсынады: BIM Birlesik Magazalar (ірі

азық-түлік ритейлері), Akbank, Turkish Airlines және Migros супермаркеттер желісі.

Мөлшерлеме

төмендетілгеннен кейін түрік лирасының долларға шаққандағы бағамы айтарлықтай

өзгерген жоқ. Дегенмен, 2025 жылдың басынан бері түрік валютасы 3%-ға

құнсызданды. Бұл дамыған нарықтар арасында аргентиналық песодан кейінгі ең

нашар көрсеткіш, деп жазады Bloomberg.