Amazon бұлт сервистеріндегі ақау Facebook және басқа да сайттардың жұмысын бұзды

Әлемдегі ең ірі бұлттық платформа Amazon Web Services (AWS) жұмысында ақау болды. Бұл туралы компанияның ресми сайтында хабарланды. «AWS-тің бірнеше сервисінде қате саны көбейіп, кешігу байқалып жатыр», — деп мәлімдеді Amazon.

Ақаудың салдарынан әлем бойынша бірнеше танымал сайттар мен қосымшалардың жұмысы бұзылды. CNN-нің хабарлауынша оған Snapchat, Facebook және Fortnite онлайн-ойыны да кірді.

Интернеттегі ақауларды бақылайтын Downdetector қызметі Amazon-ның өз сервистерінде де проблема болғанын анықтады: Amazon.com сайты, Prime Video видеосервисы және Alexa дауыс көмекшісі дұрыс жұмыс істемеген.

Сонымен қатар Coinbase криптобиржасы мен Robinhood трейдинг платформасы AWS-тағы ақау олардың қызметтеріне әсер еткенін айтты. Жасанды интеллект саласындағы Perplexity стартапы да сайттарының тұрақсыз жұмыс істегенін хабарлады, деп жазды Bloomberg.

Amazon өкілі Bloomberg-ке компания ақау себебін зерттеп жатқанын айтты, бірақ қосымша түсініктеме беруден бас тартты.

20 қазандағы премаркет саудасында: Amazon акциялары 0,2% төмендеді; Snapchat акциялары 1,3% өсті; Meta (Facebook және Instagram иесі) қағаздары 0,4% көтерілді; Coinbase — 3,2% өсті; Robinhood — 3,7% өсті.

Bloomberg-тің мәліметінше Amazon Web Services — әлемдегі ең ірі бұлт платформасы, интернеттің үлкен бөлігі осы инфрақұрылым арқылы жұмыс істейді. AWS әлемдік бұлт нарығының шамамен үштен бір бөлігін құрайды. Сондықтан мұндай кез келген ақау интернеттің көптеген қызметтеріне әсер етеді.