Barron's ФРЖ мөлшерлемесін төмендетуден ұта алатын 8 шағын компания акциясын атады
Barron's 17 қыркүйекте ФРЖ-ның мөлшерлемені төмендетуі мүмкін деген күтуден ең көп пайда көруі ықтимал сегіз шағын капитализациялы компанияны атады. Басылым пікірінше, дәл осы компаниялардың қағаздары қарыз алу құнының өзгеруіне аса қатты тәуелді. Тізімге енген компаниялар үш шартқа сәйкес келеді. Олар мыналар: экономикалық тұрғыдан сезімтал салаларда жұмыс істейді (коммуникация, шикізат, мұнай-газ, технология және өнеркәсіп), 1 тамыздан бері олардың акция бағасы Russell 2000 индексінен озып шыққан, үшіншісі - бұл өсім қаржылық көрсеткіштермен емес негізінен экономикалық күтулермен байланысты.
Қай компаниялар тізімге енді?
— Жеке тұрғын үй салушы Beazer Homes USA (капитализациясы 775,2 млн доллар, 1 тамыздан бері өсім 20,1%). 31 шілдеде компания үшінші қаржы тоқсанында 324 мың доллар таза шығын көрсеткен, бір жыл бұрын осы кезеңде пайда болған еді. Бастапқыда акция бағасы сәл төмендеді, кейін мөлшерлеме төмендеуі күтіліп, қайта өсті.
— Құрылыс компаниясы Toll Brothers (капитализациясы 13,6 млрд доллар, өсім 15,9%). Өткен тоқсанда девелопердің пайдасы өзгерген жоқ. 369,6 млн доллар күйінде қалды. Есеп жарияланғаннан кейін акция бағасы сәл түсті, кейін қайта көтерілді.
— Құрылыс нарығындағы тағы бір компания KB Home (капитализациясы 4,45 млрд доллар, өсім 14%). Соңғы есепті маусымда жариялаған. Barron's пікірінше, тамыздағы өсімге қаржылық нәтижелерден гөрі экономикалық күтулер әсер етті.
— Banc of California (капитализациясы 2,59 млрд доллар, өсім 15,9%).
— Өңірлік банк Western Alliance Bancorp (капитализациясы 9,6 млрд доллар, өсім 14,3%).
— Әуе тасымалдаушы JetBlue Airways (капитализациясы 1,84 млрд доллар, өсім 18,7%).
— Бәсекелесі Alaska Air Group (капитализациясы 6,6 млрд доллар, өсім 9,5%). Оның акция динамикасы Russell 2000 индексінен төмен болғанымен, 16 қыркүйекте, Barron's тізімді жариялаған күні, индекстен озып шықты.
— Бөлшек сауда компаниясы Kohl’s Corporation (капитализациясы 1,87 млрд доллар, өсім 55%). Компания тамыз соңында есеп берді, бірақ акцияның негізгі өсімі есеп жарияланбай тұрып болғанын Barron's атап өтті.
