BCA Research сарапшылары АҚШ-та рецессия күтілетіндіктен қолма-қол ақшаға көшуді ұсын

BCA Research

инвестициялық-сараптамалық компаниясы АҚШ экономикасының құлдырау ықтималдығы

жоғары деп санайды. Осыған байланысты олар америкалық акциялардың рейтингін

«нарықтан төмен» деңгейіне дейін түсіріп, портфельдегі облигациялар мен

қолма-қол ақшаның үлесін көбейтуді ұсынды.

Компания

сарапшылары АҚШ-тағы агрессивті сауда саясаты мен Федералды шығындарды қысқарту

рецессияға әкелуі мүмкін деп санайды. Бұл шығындарды АҚШ мемлекеттік басқару

тиімділігі департаменті (DOGE) жүзеге асырып жатыр, оның басында Илон Маск тұр.

Сондай-ақ, АҚШ президенті Дональд Трамптың рецессияны жоққа шығармаған сөзі 10

наурызда нарықтың құлдырауына әкелді.

Негізгі

факторлар

BCA Research

пікірінше Трамп әкімшілігі бастаған сауда соғысы мен DOGE-нің мемлекеттік

шығындарды қысқартуы АҚШ экономикасын рецессияға итермелеуі мүмкін.

«DOGE-нің

әрекеттері мен жаңа тарифтер тудыратын белгісіздік экономиканы құлдырауға

әкелетін негізгі факторлардың бірі болуы мүмкін. Осыған байланысты біз

америкалық акциялардың рейтингін «нарықтан төмен» деңгейіне дейін төмендетіп,

облигациялар мен қолма-қол ақшаның үлесін арттыруды ұсынамыз», – деп жазады CNBC BCA

Research сарапшысы Дуг Петтің сөздерін келтіре отырып.

BCA Research 2024

жылдың ортасынан бері АҚШ-та рецессия басталады деп болжап келеді. Компанияның бас

стратегінің бірі Питер Березиннің айтуынша экономикалық құлдырау ықтималдығы

75%, ал оның басталуы алдағы үш айда орын алуы мүмкін. Сауда саясатының белгісіздігі

америкалық компаниялардың инвестициялық белсенділігін баяулатып, мемлекеттік

қызметкерлерді жұмыстан шығару қысқа мерзімде экономикалық өсуді тежейді.

BCA Research

сарапшылары қазіргі жағдайда ең ақылға қонымды қадам – жағдайдың айқындалуын

күту деп санайды. Алайда, мұндай ұстанымның өзі рецессияны жақындатады, өйткені

инвесторлар белгісіздік жағдайында белсенді әрекет етуден бас тартады.

Нарықтағы

өзгерістер

10 наурызда

S&P 500 индексі 2,7%-ға төмендеді, ал Dow Jones (DJIA) 2%-дан астам құн

жоғалтты. Nasdaq Composite индексі 4%-ға құлдырап, 2022 жылдан бергі ең үлкен

күндік шығынға ұшырады, деп жазады WSJ. Қазіргі таңда Nasdaq тарихи максимумынан 14% төмен

саудаланып жатыр.

CNBC мәліметінше инвесторлар «Магнитті жетілік» деп аталатын ірі технологиялық компаниялардың

акцияларын белсенді түрде сатты. Tesla акциялары 15%-ға құлдырап, 2020 жылдан

бергі ең үлкен шығынға ұшырады. Alphabet, Meta және Nvidia шамамен 5%-ға

арзандады, ал Palantir (әскери және азаматтық секторға арналған ЖИ әзірлеушісі)

бір күнде 10%-дан астам капитализациясын жоғалтты.

Басқа

сарапшылар не дейді?

Goldman Sachs

сарапшылары АҚШ-тың 2025 жылғы ЖІӨ өсу болжамын 2,4%-дан 1,7%-ға дейін

төмендетті. Бұл – соңғы 2,5 жылдағы Goldman-ның консенсусқа қарағанда алғаш рет

төмен болжам жасауы, деп жазады CNBC.

Goldman-ның бас

экономисі Ян Хациус:

«Біздің сауда саясатына қатысты күткеніміз айтарлықтай нашарлады. АҚШ

әкімшілігі экономиканың уақытша әлсіреуіне дайындалып жатыр, бұл жоғары

тарифтердің әсерінен орын алуы мүмкін» деп мәлімдеді.

CNBC мәліметінше АҚШ экономикасы баяулау белгілерін көрсетіп отыр. 2023 жылдың төртінші

тоқсанында жылдық өсім 2,3%-ды құрады, ал үшінші тоқсанда бұл көрсеткіш 3,1%

болған.

Berenberg Bank

бас экономисі Хольгер Шмидинг CNBC-ге берген сұхбатында Трампты «хаос пен

белгісіздіктің қоздырушысы» деп атағанымен, рецессияны жақын арада күтпейтінін

айтты:

«Америкалық тұтынушылардың әлі де қаражаттары бар және оларды жұмсауға дайын.

АҚШ-тағы еңбек нарығы тұрақты болып отыр, ал энергия бағасының төмендеуі,

салықтық жеңілдіктер мен реттеуді азайту экономикалық өсуді қолдайды. Сондықтан

жақын арада рецессия бола қоймайды» деді.