Deutsche Bank жаңа инвестидея ұсынды: төртінші тоқсанда фавориттер не береді?

Deutsche Bank сарапшылары төртінші тоқсанға ең жоғары әлеуеті бар акциялар тізімін жасады, аталған 38 компания ішінде 22-сі алғаш рет енгізілді. Назарда технологиялық алпауыттар мен жасанды интеллект трендінің жаңа бенефициарлары тұр: Palo Alto Networks пен Lam Research-тен бастап Amazon мен Meta-ға дейін. Deutsche есептеуінше, 2017 жылдың шілдесінен бері оның тізімдері АҚШ-тың негізгі S&P 500 индексінен жоғары кірістілік көрсетті.

Егжей-тегжейлі

Технология, медиа және телекоммуникация секторында банк тоғыз ең қызықты идеяны бөліп көрсетті, оның төртеуі жаңа, деп жазады MarketWatch. Олардың ішінде S&P 500 индексінен қалып келе жатқан Palo Alto Networks бар, бірақ сарапшы Брэд Зелниктің пікірінше, киберқауіпсіздік саласындағы мықты позициясы, ЖИ қолдануы және бірігу мен жұтылу арқылы кеңеюі есебінен нарықты басып оза алады. Шілдеде компания CyberArk-ты $25 млрд-қа сатып алатынын хабарлады, мәміле 2026 жылдың екінші жартысында жабылуы тиіс.

Тізімге Visa да кірді, оның акциясы биыл небәрі 9% өсіп, ал S&P 500 индексі 14% көтерілген. Сарапшы Нэйт Свенссонның айтуынша, нарық трансшекаралық төлемдер мен стейблкоиндарға қатысты уақытша алаңдаушылыққа шамадан тыс реакция білдіріп отыр. Оның пікірінше, Visa тұтынушылық шығынның өсуінен және жаңа төлем ағымдарынан, соның ішінде B2B-сегменттен пайда таба алады.

Тағы бір фаворит — Lam Research, оның акциясы жыл басынан бері дерлік екі есе өсті. Сарапшы Мелисса Уэзерс оларды тізімге қосып, DRAM динамикалық жедел жад сегментіндегі оң өзгерістерді және NAND (флэш-жад түрі) нарығындағы бұрылыс белгілерін атап өтті. Оның айтуынша, соңғы құрылғыларға сұраныс пен DRAM тапшылығы жабдық өндірушілер үшін қолайлы жағдай қалыптастырады.

Amazon 2025 жылы акция динамикасы әлсіз болғанына қарамастан тізімде қалды (небәрі 0,5% өсті). Инвесторларды AWS бұлтты бөлімшесінің өсімінің баяулауы алаңдатады, бірақ сарапшы Ли Хоровицтің пікірінше, генеративті ЖИ цифрлық трансформацияны жеделдетеді, инфрақұрылымдық шығындар триллион доллармен есептеледі, ал Amazon бұлтты саладағы көшбасшылығын сақтап қалады.

Сарапшы Бен Блэк Meta-ны да атап өтті, акциясы жыл басынан бері 23% өсті. Оның пікірінше, компания «ең тұрақты жарнама платформасы» және foundation models-ке — яғни ауқымды деректер жиынтығында оқытылатын, кең ауқымды міндеттерді шеше алатын ірі әмбебап жасанды интеллект үлгілеріне байланысты жаңа мүмкіндіктердің арқасында нарықты және бәсекелестерін айтарлықтай басып оза алады.

Тағы қай компания тізімге енді?

Әртүрлі салалардағы компанияларды қамтитын, банк сарапшылары инвестицияға ең үздік идеялар ретінде ұсынған жоғары сенімділікке ие акциялардың толық тоқсандық тізімі жарияланды: Coca-Cola, Starbucks пен Hyatt Hotels-тен бастап Eli Lilly, McKesson және Archer Aviation-ға дейін.

Deutsche Bank мәліметінше, стратегия 2017 жылдың шілдесінде іске қосылғаннан бері тізімнің жиынтық кірістілігі 241%-ды құрады, ал S&P 500 көрсеткіші 213% болды.

Тұтынушылық сектор

— Coca-Cola

— Hyatt Hotels

— Life Time Group

— Starbucks 

Қаржы секторы және финтех 

— American International Group

— Charles Schwab

— S&P Global

— Synchrony Financial

— Webster Financial

— Welltower

— Wells Fargo

Денсаулық сақтау

— Acadia Healthcare

— Alkermes

— Danaher

— Eli Lilly

— McKesson

— Penumbra

— Repligen

Өнеркәсіптік сектор

— Archer Aviation

— Alaska Air Group

— Celanese

— Constellium

— Navigator Holdings

— nVent Electric

— Pentair

— Trex

— Union Pacific

— Visteon

— Woodward

Технология, медиа және телекоммуникация

— Cellebrite

— EchoStar

— New York Times

— NXP Semiconductors