Дональд Трамптың ұлы қатысқан стартап криптовалютаны басқару қызметін ұсынды
АҚШ президенті Дональд Трамптың ұлының қатысуымен PSQ Holdings (PubliqSquare) компаниясының акциялары 25 қыркүйекте 25%-дан астам құлдырады. Компания өз серіктестері үшін криптовалютаны сақтау және басқару қызметін іске қосатынын жариялады.
Егжей-тегжейлі
25 қыркүйек бейсенбі күні PubliqSquare акциялары 25%-ға арзандап, бір акциясының бағасы 2,1 долларға дейін түсті. Сол күні инвесторлар 8,3 миллион акциясын сатты, бұл қалыпты деңгейден шамамен жеті есе көп екенін айтты Yahoo Finance.
Осыдан бұрын PSQ Holdings инвестициялық-консалтинг компаниясы IDX Advisors-пен бірге криптовалютаны қауіпсіз сақтау және басқару қызметін (Cryptocurrency Treasury as a Service, TaaS) іске қосатынын хабарлаған болатын. Бұл қызмет PubliqSquare платформасының серіктестері үшін сырттан берілетін арнайы шешім. Қызмет криптовалютаны қауіпсіз ұстау, айырбастау және пайдаланылмай жатқан активтерден табыс табуға мүмкіндік береді.
Компания хабарламасында:
«Қарапайым тілмен айтқанда, платформаның пайдаланушылары өз қаржы ұйымдары сияқты жұмыс істеп, криптовалютаның қаржылық өсімінен пайда таба алады», — делінген.
Бұл қызмет орталықтандырылған платформалардан өзгеше, өйткені пайдаланушының есепшоты мен операция қауіпсіздігін өздері басқарады.
Компания басшысы Майкл Сейферттің айтуынша:
«Қазіргі экономика өте тез өзгеруде. Біз тек сандық активтерді ұстаумен шектелмейміз. Осы өзгерістерден пайда табудың барлық мүмкіндігін пайдаланамыз», — дейді.
PubliqSquare компаниясы туралы қысқаша
PSQ Holdings 2021 жылы PublicSquare нарығын ашудан басталған. Оның мақсаты — отбасы құндылықтарына мән беретін америкалықтар үшін Amazon сияқты танымал платформа болу еді. Кейін компания жеке күтімге арналған EveryLife бренді мен төлем жүйесін іске қосты. Компания тез арада танымал инвесторларды тартты, соның ішінде Дональд Трамптың ұлы Дональд Трамп-младший болды.
Биыл компания стратегиялық жоспарларын өзгертіп, инвесторларға резервтерді сандық валюталарда, оның ішінде биткоин мен тұрақты криптовалюталарда сақтау жоспарын жариялады. Сонымен бірге, PubliqSquare нарығы мен EveryLife брендін сату мүмкіндігі қарастырылып жатыр.
Осыған байланысты компания 2025 жылға арналған қаржылық болжамдарын тоқтатты. Екінші тоқсан қорытындысында табысы өткен жылмен салыстырғанда 18%-ға өсіп, 7,1 миллион долларға жеткенін, акция бойынша шығын 0,36 доллардан 0,18 долларға төмендегенін хабарлады.
Бұл неге маңызды?
PubliqSquare жаңа қызметін АҚШ-та криптовалюта сақтауға деген сұраныс өскен кезде таныстырды. Құнды қағаздар мен қаржы нарығын реттейтін мекемелер биыл криптовалюта сақтау қызметін ұсынған 200-ден астам компания акцияларының күрт ауытқуын зерттеп жатыр, — деп хабарлады The Wall Street Journal. Реттеушілер акция бағасының өсуі ақпаратты жариялау ережелерінің бұзылу ықтималдығымен байланысты деп санайды.
