«Экономикалық ядролық қысқа» бара жатырмыз: миллиардер Билл Экман сауда соғысы туралы

Pershing Square хедж-қорын құрушы миллиардер Билл Экман АҚШ-қа импортқа жоғары баж салықтарын енгізу саясатын сынап, әлемдік нарықтардағы акциялар жаппай сатылымға ұшырағанын мәлімдеді. X әлеуметтік желісінде инвестор-милиардер ұзақ жазба жариялап, АҚШ-тың сауда саясатының нәтижесінде Америка «экономикалық ядролық қысқа» бет алып жатқанын айтты.

Экманның жазбасы «Трамптың Уолл-стриттегі басты қолдаушыларынан бірінің саяси ұстанымынан ең үлкен қарама-қайшылықты көрсетіп отыр» деп жазады Bloomberg. Экман 2016 жылғы сайлау науқанында Трампты қолдаған болатын. Миллиардердің жазбасын толық аударып ұсынамыз.

Ел 100%-дық қолдауы бар президенттің әлемдік баж салықтар жүйесін түзетуге бағытталған талпынысын қолдайды, бұл бірнеше жыл бойы Американы ұтылушы тарапқа айналдырған болатын. Алайда бизнес — бұл сенімнің ойыны, ал сенім болжауға негізделген.

Президент @realDonaldTrump тарифтерді әлемдік геосаясаттың басты мәселесіне айналдырды және оған бүкіл әлемнің назарын аударды. Бұл бәрі дұрыс бағытта жүріп жатқанын көрсетті.

Иә, басқа елдер шынымен де көп жылдар бойы біздің жұмыс орындарымызды және АҚШ экономикалық өсуіне зиян келтіріп, өз нарықтарын қорғап келді.

Бірақ, жаппай және шектен тыс тарифтерді енгізу арқылы, тіпті одақтастарға қарсы да, қарсыластарға қарсы да және әлемге қарсы жаһандық экономикалық соғыс ашу арқылы біз АҚШ-тың сауда серіктес ретіндегі сенімін бұзамыз, елді бизнес жүргізуге және инвестиция тартуға сенімді орын ретінде бұзамыз.

Президенттің 90 күндік үзіліс жариялап, келіссөздер жүргізіп, әділетсіз және асимметриялық тарифтер жүйесін түзетуге мүмкіндік бар және бұл АҚШ-қа триллиондаған доллар инвестицияны тартуға жол ашады.

Ал егер 9 сәуірде біз бүкіл әлеммен экономикалық ядролық соғысты бастасақ бизнестегі инвестициялар тоқтайды, тұтынушылар ақшаларын үнемдей бастайды, ал АҚШ-тың беделі әлемде жоғалады. Оның қалпына келуі үшін жылдар, тіпті ондаған жылдар қажет болады.

Маған қазіргі уақытта экономикалық ядролық соғыс жағдайында отырған елге ұзақ мерзімді ірі инвестиция жасауға бел буған бас директор мен директорлар кеңесін көрсетіңіздерші.

Мен бұған баруға шешім қабылдаған бірде-бір адамды білмеймін.

Нарықтар құлағанда жаңа инвестициялар тоқтайды, тұтынушылар шығындарын қысқартуға көшеді, бизнеске тек шығындарды қысқарту және қызметкерлерді қысқарту қалады.

Ал ауыртпалық тек ірі корпорацияларға ғана тимейді. Кіші және орта бизнестің, кәсіпкерлердің — олар осы әсерді барынша терең сезінеді. Практикалық тұрғыда ешбір бизнес клиенттерге шығындарды күрт арттыруды жүктей алмайды. Тіпті қарызы жоқ компаниялар да қиын жағдайға тап болады. Ал қарыздар қазіргі жүйеде жеткілікті.

Бизнес — сенімнің ойыны. Ал президент тез арада бизнестің сенімін жоғалтуда. Бұл біздің ел үшін және президентті қолдаған миллиондаған азаматтарымыз үшін — әсіресе экономикалық қысымда өмір сүріп жатқан төмен табысты тұтынушылар үшін — апатты салдарларға әкелуі мүмкін. Бұл біз дауыс берген берген жоқпыз.

Президенттің осы дүйсенбіде үзіліс жариялап, әділетсіз тарифтер жүйесін түзету мүмкіндігі бар.

Егер олай болса біз өзіміз құрған экономикалық ядролық қысқа қарай құлаймыз, сонда бізге тек тыныштық сақтап, күту ғана қалады.

Ақыл-парасат жеңетініне сенгіміз келеді.