Freedom Holding компаниясының негізін қалаушы АҚШ-та облигацияларды сатуды қарастырады

Қазақстандық миллиардер Тімур Турлов Freedom облигацияларын доллармен және юаньмен сатуды қарастырып жатыр. Бір нұсқа – Nasdaq биржасында саудаланатын Freedom Holding облигацияларын АҚШ-тағы инвесторларға ұсыну. Кәсіпкер бұл қаражатты бизнесін кеңейтуге, соның ішінде телеком инфрақұрылымы мен деректер орталықтарын дамытып, Amazon мен Microsoft сияқты бұлтты алып компанияларға сыйымдылық сатуға жұмсағысы келеді.

Турлов облигациялар шығару мүмкіндігін талқылап, екі нұсқаны қарастырып отыр: біріншісі – Қазақстандағы Freedom Bank арқылы, екіншісі – АҚШ-та бағалы қағаздары саудаланатын Freedom Holding арқылы. Бұл туралы миллиардер Bloomberg-пен сұхбатында айтты.

Турловтың айтуынша, банк жағдайында 9%-дық мөлшерлеме бойынша қарыз алу мүлде қызықсыз, себебі ол тым қымбатқа түседі. Екінші жағдайда Freedom Holding АҚШ инвесторларына шамамен 300–500 миллион долларлық облигациялар ұсына алады, деді кәсіпкер. «Бізге [АҚШ-та] бедел қалыптастыру қажет, және бұл ұзақ мерзімді жоба екенін түсінеміз», – деді Турлов. Ол сонымен бірге Freedom қосымша төлем жасауға дайын екенін айтты.

Топ сондай-ақ Гонконгта роудшоу өткізді және юаньмен номиналданған облигацияларды ықтимал сату үстінде жұмыс істеп жатқанын миллиардер айтты. «Онда кейбір мүмкіндіктер болуы мүмкін, себебі ол, әрине, қарыз алу үшін ең тартымды валюта», – деді ол.

Freedom компаниясының бизнесін кеңейту үшін қаржы тарту қажет, деп жазады Bloomberg. Турлов телекоммуникациялық инфрақұрылым мен деректер орталықтарын дамытуға 200–300 миллион доллар инвестиция салуды жоспарлап отыр. Агенттік хабарлауынша, холдинг Amazon мен Microsoft сияқты клиенттерге бұлттық қызметтер ұсынатын деректерді өңдеу орталықтарын құруды, үкіметтерге қызмет көрсетуді және биржа арқылы клиенттерге есептеу қуатын сатуды жоспарлап отыр.

Сонымен қатар, Қазақстандағы басым ойыншылармен, соның ішінде бөлшек несиелеу мен сауда алаңы бойынша көшбасшы Kaspi.kz және активтері бойынша елдегі ең ірі Halyk Bank-пен бәсекелестікті күшейту үшін инвестиция қажет. Қазақстанда «теориялық тұрғыдан» сатылымға шығарылуы мүмкін бірнеше банк бар: Freedom олардың бірін кітаптық құнынан сәл төмен бағамен сатып алып, бірігу арқылы оның, әсіресе корпоративтік клиенттер базасына қол жеткізе алады, – деді Турлов. Мұндай банк Freedom-нан кем болмауы тиіс, оның активтері 5 миллиард доллар, капиталы шамамен 500 миллион долларды құрайды, – деп қосты кәсіпкер.

«Жергілікті сауда алаңының сатып алынынын жақында жариялауымыз мүмкін», – деді Турлов, оның атын атамай.

Freedom шетелдік нарықтарға кеңейгісі келеді. «Мен біздің Superapp-ты АҚШ нарығында цифрлық экожүйе ретінде ұсынуға қызығушылық танытып отырмын және оны жүзеге асырудың тиімді жолдарын іздестіріп жатырмыз. Біз финтех лицензиясын алуды немесе жергілікті банкпен серіктес болуды қарастырып жатырмыз», – деді Турлов. Ол тікелей немесе американдық банкті сатып алу арқылы банктік лицензия алуды реттеуші талаптар күрделендіретінін қосты.

Freedom сондай-ақ жергілікті серіктестермен бірлесіп АҚШ-та банктік өнімдерін, ал БАӘ-де брокерлік өнімдерін сатуға тырысады. Түркияда Freedom брокерлік лицензия алғаннан кейін енді сатып алуға банк іздеп жатыр: бұл нарықтағы капитал талаптары шамамен 300 миллион долларды құрайды. «Онда осы талаптарға сай келмейтін банктер өте көп», – деді Турлов.

Bloomberg Billionaires Index мәліметі бойынша Турлоның жеке байлығы 5,3 миллиард долларға бағаланады. Freedom Holding акциялары қазір 2025 жылғы тамыздағы рекордтық деңгейі не қарағанда 35%-ға арзан. Алайда олар 2026 жылдың басымен салыстырғанда сәл өсті.