«ЖИ-мен шектелмеңдер»: Freedom Holding негізін қалаушы бизнестегі басымдықтар туралы
Жобаның қалған инфрақұрылымы дұрыс жұмыс істемесе, ЖИ-технологиялар бизнес мәселелерінің бәрін шеше алмайды. Осындай пікірді Freedom Holding негізін қалаушы Тимур Турлов Лондонда өткен Financial Times Global Banking саммитінде айтты.
Егжей-тегжейлі
Кәсіпкер банк бизнесінің болашағына арналған пікірталасқа қатысты. «Өзгерістерге қойылатын талаптар әрдайым өте жоғары, — деді Турлов. — Ал ЖИ туралы айтсақ, мен үшін ол тек қосымша технологиялық элемент қана. Команданың бәріне тек ЖИ өнімдерін жасаумен айналысыңдар, басқасын азайтыңдар деп айта алмайсың. Өйткені инфрақұрылымы толық емес жобаны басқару өте қиын. <...> ЖИ де дұрыс жұмыс істемейді, егер қалған жүйе реттелмесе». Сондықтан, Freedom Holding негізін қалаушының пікірінше, бизнес-командалар «басымдықтарды оңай өзгерте салуға» бара алмайды.
«Біздің бизнес жыл сайын әзірлеушілер командасынан бұрынғыдан да көп нәрсе талап етеді. Бірақ осы тақырыпқа қатысты менің бір әзілім бар: “Бір әзірлеуші бұл жұмысты бір айда бітіреді, ал үш әзірлеуші — үш айда”». Сондықтан «командаң қаншалықты үлкен болса, тиімділік те соншалық төмендейді», — деп санайды Турлов.
«Сондықтан мен командаларды бөлуге тырысамын, — деп жалғастырды ол. — Егер шынымен көбірек өнім шығару қажет болса және оған қажетті қаржымыз болса, мен басқаруда “микросервистік архитектура” қалыптастыруды жөн көремін. Яғни мүмкіндігінше бір-біріне тәуелді емес, автономды жұмыс істей алатын шағын командаларды көбірек құру».
Контекст
Financial Times Global Banking Summit — жыл сайын Лондонда өтетін ірі банк конференциясы. Онда қатысушылар геосаясат, экономика, технология, климат, сондай-ақ жаһандық бизнес пен инвестициялар саласындағы маңызды тақырыптарды талқылайды.
