Инвесторлар жасанды интеллектке қатысты акцияларды сатуды жалғастырды: Nasdaq-100 индексі 1,8 пайызға төмендеді.
Фото: X / NYSE
Nasdaq Composite технологиялық индексі 7 шілдедегі сауданы аяқтау кезінде шамамен 1,2 пайызға төмендеді, ал Nasdaq-100 индексі 1,8 пайызға құлдырады.
Инвесторлар жасанды интеллектке қатысты компаниялардың акцияларынан капиталды қайтадан денсаулық сақтау, қаржы және ірі технологиялық компанияларға аударып жатыр, – деп түсіндіреді CNBC. Micron акциялары 4,7 пайызға төмендеді, ал Marvell Technology, Broadcom және AMD акцияларының бағасы да төмендеді. Жартылай өткізгіш компанияларын бақылайтын VanEck Semiconductor ETF 3 пайыздан астамға төмендеді.
Dow Jones өнеркәсіптік индексі алдыңғы күні рекордтық деңгейде жабылғаннан кейін ең жоғары көрсеткішінен 0,3 пайызға төмендеді. S&P 500 кең нарықтық индексі 0,5 пайызға төмендеді.
Brent маркалы шикі мұнай фьючерстері 5 пайыздан астамға өсіп, барреліне 75,7 долларға жетті. Солтүстік Американың WTI маркалы мұнай келісімшарттары барреліне 71,8 долларға дейін саудаланды. Бағаларға Ормуз бұғазындағы шиеленістің күшеюі әсер етті.
Бұл жаңалық жаңартылуда.
