Израильдің Катардағы шабуылдарынан кейін мұнай мен алтын бағасы көтерілді
Сейсенбі күнгі саудада мұнай бағасы өсті, ал алтын уақытша тарихи рекорд жаңартты. Инвесторлар Израиль әскері ХАМАС басшылығына Катарда соққы жасады деген мәлімдемеден кейін дәстүрлі қорғаныс активтеріне бет бұрды.
Егжей-тегжейі
Brent маркалы мұнай жеткізу келісімшарттары 1,5%-ға қымбаттап, барреліне шамамен 67 долларға жетті. Америкалық West Texas Intermediate (WTI) мұнайының фьючерстері де сонша өсіп, 63,2 долларға жетті. Спот-нарықта алтын бағасы 1%-ға көтеріліп, трой унциясы үшін 3674,2 долларға дейін жетті. Бұл — жаңа тарихи рекорд. Кейін өсім баяулап, 0,2%-ға (3643 доллар) түсті.
Контекст
Bloomberg дерегінше, инвесторлар Израильдің Катардағы шабуылы туралы хабардан соң қорғаныс активтерін жаппай сатып ала бастады. Израиль қорғаныс армиясы Дохада ХАМАС басшылығына бағытталған соққы жасағанын хабарлады. ХАМАС АҚШ пен Еуропада террорлық ұйым ретінде танылған. Бұл жаңалық Таяу Шығыстағы қақтығыстың ұлғаюынан қауіптендірді. Аймақ әлемдік мұнай жеткізілімінің үштен бірін қамтамасыз етеді. Соның нәтижесінде энергия ресурстарына қосымша тәуекел сыйақысы пайда болды.
Reuters-ке берген түсіндірмесінде Лондондағы Pepperstone компаниясының аға стратег-зерттеушісі Майкл Браун: «Мұнай бағасының секіруі мен алтынның өсуі логикалық реакция. Ауқымды қарсы шаралардың болу ықтималдығы төмен. Әсіресе, бұл соққыларды АҚШ қолдады деген хабар тараған кезде және Катардың тікелей реакциясы қарымта әрекетке немесе эскалацияға ұмтылысты көрсетпегенде байқалады», — деді.
Оның айтуынша, мұнай бағасының өсуі ұзаққа бармайды. «Соңғы айларда геосаяси шиеленістерден туған бағалар секірісі қызуқанды эмоциялар басылғаннан кейін тез тоқтап, назар қайтадан нарықтың негізгі факторларына оралып отыр. Нарық қазірдің өзінде артық ұсыныспен толы, ал келесі айдың басынан бастап ОПЕК+ қосымша баррельдер әкеледі», — деді сарапшы.
