Әлемдік қорларда рекордтық ақша шығындары тіркелді. Инвесторлар өз ақшаларын қайдан шығарып жатыр?

Әлемдік акциялық қорлар тарихтағы ең ірі апталық ақша ағынын тіркеді. 14 мен 21 қаңсар аралығында нарық қатысушылары АҚШ пен Қытай акцияларынан қаражаттарын шығарды, ал Еуропа акциялық нарығына керісінше ақша ағыны байқалды, деп хабарлайды Reuters BofA Global Research деректеріне сілтеме жасап.

BofA Global Research мәліметтеріне сәйкес, 21 қаңтар, сәрсенбі күні аяқталған аптада жаһандық акциялық қорлардан барлығы 43,2 миллиард АҚШ доллары шығарылды. Бұл тіркелген тарихтағы ең ірі апталық ақша ағыны, деп жазады Reuters.

— BofA EPFR деректеріне сүйеніп жүргізген зерттеуіне сәйкес, қытай акциялары рекордтық 49,2 миллиард доллар көлеміндегі ең ірі ақша ағынының шығуына себеп болды. Сарапшылар мұны «ұлттық команда» деп аталатын, қытай мемлекетінің қолдауымен әрекет ететін инвесторлардың сатуларымен байланыстырады. Сонымен бірге, Reuters хабарлауынша, соңғы апталарда қытай реттеушілері A-акциялар нарығының өсуін тежеуге бағытталған қадамдар жасап келеді.

— АҚШ акцияларына бағытталған қорлардан шамамен 17 миллиард доллар шығарылды. АҚШ Президенті Дональд Трамп Гренландияны бақылауына алу әрекеті аясында бірнеше еуропалық елге тарифтер салумен қорқытқаннан кейін АҚШ қор нарықтары қысымға ұшырады. Осы жағдайға орай, 2025 жылдың көктемінде-ақ танымал болған «Американы сат» стратегиясы Трамп АҚШ-қа әкелінетін тауарлардың дерлік барлығына 10%-дан шамамен 50%-ға дейінгі тарифтер енгізетінін жариялағаннан кейін қайтадан танымал болды.

— Сонымен бірге, Bloomberg мәліметі бойынша, 14–21 қаңсар аралығында еуропалық акциялық қорлар маусым айынан бергі ең ірі алты апталық инвестициялық ағымды тіркеді. Ал жапон қорлары 2,2 миллиард доллар тартты, бұл 2025 жылғы қазаннан бергі ең жоғары көрсеткіш, деп хабарлайды Reuters.

BofA зерттеуі 14–21 қаңтар аралығындағы EPFR деректеріне негізделгендіктен, ол 22 қаңтарда Трамптың Гренландияға қатысты ұстанымын жұмсартып, еуропалық тауарларға қосымша баж салығын салмау туралы шешіміне нарықтың реакциясын ескере алмады. Осы оқиғалардан бұрын, 20 қаңтарда геосаяси шиеленіс жағдайында барлық АҚШ индекстері қазан айынан бергі ең күрт төмендеуді тіркеді. Кейіннен, Bloomberg мәліметі бойынша, АҚШ қор нарығы осы төмендеудің көп бөлігін қалпына келтірді.

23 қаңтардағы сауда ашылғанда, геосаяси тәуекелдердің жалғасуы мен Intel компаниясының есебінен кейінгі акция бағасының төмендеуі фонында S&P 500 және Dow Jones индекстері сәл төмендеді. Ал Nasdaq Composite индексі 0,48%-ға өсті. Осы аралықта Bloomberg Dollar Spot индексі (әлемнің негізгі валюталар себетіне қатысты АҚШ долларының динамикасын көрсетеді) 23 қаңтарда үш аптаның ең төменгі деңгейіне түсіп, соңғы бес күнде 0,8%-ға төмендеді, деп хабарлады Bloomberg. «Әлем АҚШ-тағы саяси қорқыныш әлі аяқталмағанын түсінеді», – деді Spectra Markets компаниясының президенті Брент Доналли агенттікке берген пікірінде.