MNTN IPO-сы: Райан Рейнольдс қатысатын стартаптың акциялары сатылымда
Онлайн-жарнаманы теледидарлар арқылы көрсететін MNTN платформасының акциялары Freedom сауда жүйесінде инвесторларға қолжетімді болды. Голливуд актері Райан Рейнольдс бұл компанияда креативті директор қызметін атқарады. Акциялар MNTN тикерімен орналастырылған. Нью-Йорк қор биржасында олар бірнеше сағат ішінде саудалана бастайды.
Егжей-тегжейлі
IPO кезінде MNTN және оның акционерлері 11,7 млн акцияны $16 бағамен орналастырып, $187 млн тартты. Бұл көрсеткіш орналастыру диапазонының жоғарғы шегіне сәйкес келеді. Осы көлем мен бағаға сүйене отырып, MNTN компаниясының нарықтық құны $1,24 млрд-қа тең. Ал қызметкерлерге арналған опциондар мен шартты акцияларды (RSU – стартаптарда жиі қолданылатын бонус түрі, компания белгілі бір шарттар орындалса, акцияны кейінірек береді) ескерсек, бағалау $1,6 млрд-қа жақындайды, деп есептейді Bloomberg.
IPO ұйымдастырушылары – Morgan Stanley, Citigroup және Evercore. Инвесторлар қатарында BlackRock, Fidelity және Greycroft бар. Орналастыру алдында BlackRock басқаруындағы қорлар компанияның 5,6%-ына иелік етті және $30 млн-ға акция сатып алуға ниет білдірді. Компанияның негізін қалаушы әрі CEO Марк Дуглас листингтен кейін дауыс беру құқығының 26%-ын сақтап қалды. Baroda Ventures үлесі – 19%, Greycroft құрылымдары – 16%.
Компания несімен қызықты
MNTN — Performance TV платформасын басқарады. Ол онлайн-ТВ жарнамасын мақсатты аудиторияға жеткізуге, талдауға және автоматты түрде оңтайландыруға арналған құралдар ұсынады. 2021 жылы компания Райан Рейнольдс иелік еткен Maximum Effort креатив агенттігін сатып алған. Қазір агенттік бұрынғы иесінің үлескен құрылымына қайтарылды, бірақ MNTN онымен келісімшарт арқылы жұмысын жалғастыра береді. Платформаның негізгі клиенттері – АҚШ-тағы шағын және орта бизнес өкілдері.
2025 жылдың бірінші тоқсанында MNTN табысы $64,5 млн болды — бұл өткен жылмен салыстырғанда 47% артық. Алайда шығындары да артты: $15,7 млн-нан $21,1 млн-ға дейін. Компанияның айтуынша сатылымның айтарлықтай бөлігін аз ғана клиенттер қамтамасыз етеді – бұл кірістің шоғырлануына байланысты тәуекелді арттырады.
Сарапшылар не дейді
Freedom Broker сарапшысы Әлем Бектеміров MNTN-ге инвестиция салуға кеңес береді. Ол акцияның мақсатты бағасын $20,6 деп белгілеп, бұл орналастыру бағасынан 29% өсуді болжайды. Оның айтуынша осындай әлеуеттің себебі – клиенттік базаның жедел кеңеюі: алдағы 10 жылда платформа клиенттерінің саны 2,2 мыңнан 18,1 мыңға дейін көбейеді. Бұл кезде бір клиенттен түсетін орташа табыс азайғанымен, жалпы табыс $226 млн-нан (2024 ж.) $1,62 млрд-қа (2034 ж.) жетеді.
Бизнес ауқымының өсуімен қатар, Бектеміров компанияның табыстылығы да едәуір жақсарады деп күтеді: 2023 жылғы теріс EBIT-маржадан (операциялық табыстың тиімділігін көрсететін көрсеткіш) 25%-ға дейін (жетілген кезеңде). Бағалау моделі консервативті параметрлерді қамтиды: жетілген кезеңдегі өсім – 3%, инвестицияланған капиталдың табыстылығы (ROIC) – капитал құны деңгейінде (8,7%).
PwC U.S.-тың IPO бағыты бойынша жетекшісі Майк Беллин стартаптың тағы бір артықшылығын атап өтті: АҚШ нарығына бағытталған компаниялар инвесторларға қызықтырақ, өйткені трансшекаралық саудадағы белгісіздік оларды аз қамтиды.
Контекст
2 сәуірде АҚШ президенті Дональд Трамп жаңа сауда шектеулерін жариялағаннан кейін, MNTN акцияларын орналастыру жоспарын тоқтатқан алғашқы стартаптардың бірі болды. Алайда, нарықтағы құбылмалылық азайып, биржалар шығындарын өтей бастаған сайын, стартаптар қайтадан IPO-ға дайындықты жалғастырып жатыр, деп жазады Bloomberg.
Өткен аптада Нью-Йоркте израильдік eToro трейдинг платформасы сәтті IPO өткізіп, $620 млн тартты. Ал дәл сол күні онлайн-терапия платформасы Hinge Health Нью-Йорк биржасында $437 млн-ға листинг жасады. MNTN сияқты, бұл компания да акцияларын мақсатты бағаның жоғарғы шегінде орналастыра алды.
_________________________
Freedom клиенттері SailPoint акцияларымен негізгі сауда сессиясы ашылғанға дейін сауда жасай алады. Сауда АҚШ биржалары ашылғанға дейін 2–3 сағат бұрын, яғни Астана уақытымен 15:30–16:30 аралығында ерте премаркет форматында басталады. Қатысу үшін MNTN.US тикерін басыңыз.
