Oracle акциялары 97%-ға өсті: Қазір сатып алған дұрыс па?
2025 жылдың басынан бері нарықтық капитализациясы екі есе өскеннен кейін, Oracle компаниясы басшылық құрамын жаңартып, бірден екі жаңа бас директор (CEO) тағайындады. Уолл-стрит аналитиктері Oracle-дағы кадрлық реформаны оң бағалап отыр, бірақ жасанды жады (ЖЖ) сегментіндегі белгісіздіктің жоғары екенін ескертеді.
Егжей-тегжейлі
2014 жылдан бері Oracle-дың атқарушы директоры қызметін атқарған Сафра Кац өз орнын босатты, бірақ компанияда директорлар кеңесінің атқарушы вице-төрағасы ретінде қалды. Оның орнына компания екі жаңа бас директор тағайындады. Бұрын Oracle Cloud Infrastructure (OCI) бағытын басқарған Клэй Магуирк пен Oracle Industries бөлімін басқарған Майк Сицилия. MarketWatch басылымы мұндай кадрлық шешім Oracle үшін таңсық емес екенін атап өтті: Сафра Кац 2019 жылы қайтыс болған Марк Хердпен бірге CEO қызметін бөліскен болатын.
Басшылықтың ауысуы туралы жаңалықтардан кейін Oracle акциялары 6%-ға қымбаттады. Қаңтар айынан бері Oracle акциялары 97%-ға өсті. Бұл раллидің негізгі қозғаушы күші — ЖЖ бумының әсерінен Oracle-дың бұлттық сервистеріне деген жоғары сұраныс болды деп жазады Morningstar. Өсудің басқа да маңызды факторлары — жақсартылған ұзақ мерзімді болжам, OpenAI компаниясымен жасалған ірі бұлттық қуаттарды жалға беру келісімі және $455 млрд көлеміндегі рекордтық келісімшарт портфелі болды деп атап өтті агенттік.
Аналитиктер не дейді
Morningstar аналитигі Люк Янгтың болжауынша 2030 қаржы жылына қарай Oracle компаниясының табысының 85%-дан астамы OCI мен Oracle Cloud қызметтерінен түседі. Оның айтуынша, OCI кеңейген сайын, Oracle-дың бизнес-профилі Microsoft, Amazon және Google сияқты гиперскейлерлерге ұқсай түседі. Алайда, осы компаниялармен салыстырғанда, Oracle бұлттық қызметтерінің өсу қарқыны алдағы бірнеше жылда жылдамырақ болмақ, бұл акциялар үшін «қолайлы жел» болады деп атап өтті Янг. Қазір Oracle акциялары әділ нарықтық құнына жақын бағалануда — бір акция үшін $330, бірақ инвесторлар болашақта тапсырыстардың қайтарылу қаупін және ЖЖ саласындағы өзгермелі жағдайды ескеруі тиіс деді аналитик.
Bernstein аналитигі Марк Мердлер Магуирк пен Сицилия компания бизнесін жақсы білетінін, әрі ең бастысы — Кацтың компанияда қалатынын ерекше атап өтті. «Біз бұл қадам Oracle басшылығын кеңейтеді деп санаймыз, сонымен қатар Ларри (Oracle негізін қалаушы Ларри Эллисон) мен Сафра (Кац) стратегияны айқындап, бизнес тәртібін қамтамасыз етуді жалғастырады», — деп келтіреді Bernstein аналитигінің сөзін MarketWatch.
Контекст
Екі бас директормен жұмыс істеу моделі IT-индустрия үшін жаңалық емес, бірақ мұндай тәжірибе әрдайым сәтті бола бермегенін Bloomberg атап өтеді. Salesforce негізін қалаушы және басшысы Марк Бениофф екі рет co-CEO моделін енгізуге тырысты, бірақ екі жағдайда да бұл бастама сәтсіз аяқталды. SAP компаниясында Дженнифер Морган дәл осындай лауазымда қызметке тағайындалғаннан кейін бір жыл өтпей қызметінен кеткен.
