Санта-Клаус келмеді: АҚШ акциялары 2025 жылды қалай аяқтады?
АҚШ қор нарығы 2025 жылдың соңғы сауда сессиясын аздаған төмендеумен аяқтады. 31 желтоқсанда ең үлкен шығын технологиялық сектордың Nasdaq Composite индексінде болды — 0,8% төмендеді. Кең нарықты қамтитын S&P 500 индексі 0,7%, ал «көгілдір фишка» индексі Dow Jones Industrial Average 0,6% жоғалтты.
1971 жылдан бері алғаш рет үш индекс те жылды төрт күннен ұзаққа созылған құлдырау сериясымен жапты, деп атап өтті Barron’s.
Желтоқсан соңындағы шығындарға қарамастан, жыл қорытындысы бойынша S&P 500 индексі 16%-дан астам өсті. Yahoo Finance дерегінше, бұл соңғы жеті жылдың алтауында АҚШ акцияларының 15%-дан жоғары қымбаттағанын көрсетеді. Nasdaq Composite үшінші жыл қатарынан 20% артты, ал Dow Jones 2025 жылы 13% қосты.
«Бұл өте мықты жыл болды — біз күткеннен де мықты, — деді Financial Times-қа Barclays-тің АҚШ акциялары стратегиясы жөніндегі жетекшісі Вену Кришна. — Сауда баждарын қоса алғанда, саясаттағы барлық белгісіздікке қарамастан, АҚШ экономикасы мен қор нарықтары тұтастай алғанда өте төзімділік көрсетті».
