Таңғы шолу: Amazon 30 000 қызметкерді қысқартпақ, HSBC өсуде, алтын $4000 төмендеді

Amazon тиімділікті арттыру үшін артық жұмыс күшін қысқартып, ЖИ-құралдарын енгізу барысында 30 000 қызметкерден бас тартуды жоспарлап отыр. HSBC Мэдофф ісі бойынша $1,1 млрд резерв құрғанына қарамастан, табыс болжамдарынан асып түсті және 2025 жылы таза пайыздық кіріс $43 млрд-тан асады деп күтеді. АҚШ пен Қытай арасындағы сауда келіссөздері қарсаңында алтын бағасы унциясы үшін $4000 шегінен төмен түсті. Осы және басқа да маңызды жаңалықтар 28 қазан таңындағы шолуда.

Amazon 30 000 қызметкерді қысқартады

Reuters-тің хабарлауынша Amazon сейсенбі, 28 қазан күні корпоративтік қызметкерлер қатарындағы 30 000 жуық адамды дейін қысқартуды бастамақ. Бұл кеңсе қызметкерлерінің шамамен 10%-ын құрайды және 2022 жылдан бергі ең ірі қысқарту болмақ, сол кезде компания 27 000 қызметкерді жұмыстан босатқан еді. Қысқартулар кадрлар, операциялар, құрылғылар және AWS бұлтты сервистері бөлімшелерін қамтуы мүмкін.

Бас директор Энди Джэсси бюрократия мен шығындарды қысқартып, автоматтандыруды және жасанды интеллект құралдарын енгізуде. Аналитиктердің айтуынша бұл Amazon-ға өнімділікті айтарлықтай арттыруға мүмкіндік беріп отыр. Компания офистік тәртіп саясатын да қатайтты — күнделікті кеңсеге келмейтін қызметкерлер кей жағдайларда өтемақысыз жұмыстан кеткен деп есептеледі.

Сонымен қатар агенттіктің мәліметінше Amazon мерекелік маусым қарсаңында қоймалар үшін 250 000 уақытша қызметкерді жұмысқа алуда.

Алтын бағасы $4000 деңгейінен төмен түсті

27 қазандағы дүйсенбі күнгі саудада алтын күрт арзандап, $4000 межесінен төмен түсті. Сейсенбі күні алтынның споттық бағасы 1% төмендеп, трой унциясы үшін $3940 болды. Bloomberg-тің жазуынша Вашингтон мен Бейжің арасындағы сауда келіссөздеріндегі прогресс және мәмілеге үміт «қауіпсіз активтер» сұранысын әлсіретті.

«АҚШ пен Қытай арасындағы сауда қатынастарының жылынуы алтын бағасына қысым түсірді, себебі инвесторлар қауіпсіз активтерге аз жүгінуде», — дейді KCM Trade сарапшысы Тим Уотерер Reuters агенттігіне берген пікірінде. Оның айтуынша егер осы аптада Трамп пен Си арасындағы сауда келіссөздері тиімді өтсе, алтын қысым астында қала береді. Дегенмен, ФРЖ-ның «көгершінше» риторикасы және мөлшерлемені төмендету бұл қысымды азайтуы мүмкін.

Pepperstone Group зерттеу бөлімінің жетекшісі Крис Уэстонның пікірінше алтынның құлдырауы жалғасып жатқанда «төменгі шекті» анықтау қиын: «Бұл кезеңде барша ауыр жұмысты нарыққа қалдырып, түзетуден кейін тактикалық түрде сатып алу дұрыс».

HSBC табыс болжамдарынан асып түсті

Еуропаның ең ірі банкі HSBC үшінші тоқсандағы салыққа дейінгі табысы $7,3 млрд болғанын хабарлады, бұл аналитиктердің $5,98 млрд болжамынан едәуір жоғары. Дегенмен бұл көрсеткіш өткен жылмен салыстырғанда 14%-ға төмен, себебі операциялық шығындар артты, деп хабарлайды CNBC. Түсім $17,8 млрд болды, ал таза пайыздық табыс 15%-ға өсіп, $8,8 млрд-қа жетті. Қаржы басқару (Wealth Management) сегментінің табысы 30%-ға өсіп, $2,68 млрд болды.

Тоқсандық нәтижеге негізгі қысымды заңдық шығындар түсірді, оның ішінде Бернард Мэдофф ісіне байланысты $1,1 млрд резерв бар. Люксембург соты HSBC-дің апелляциясының бір бөлігін кері қайтарды, енді банк жаңа шағым әзірлеуде. Бұл резервтер CET1 капитал көрсеткішін шамамен 15 базистік тармаққа төмендетеді.

HSBC оптимистік болжамдарын сақтап отыр: банк 2025 жылы таза пайыздық табысы $43 млрд-тан асады деп күтеді және Wealth Management сегменті бойынша екі таңбалы өсімді көздейді.

Domino’s акциялары Bain Capital туралы қауесеттен кейін құлдырады

Domino’s Pizza Enterprises акциялары Bain Capital тарапынан мүмкін болатын сатып алу туралы хабарлама теріске шығарылғаннан кейін құлдырады, деп жазады Bloomberg. Бұған дейін Australian Financial Review инвестициялық қор 4 млрд австралиялық доллар (шамамен $2,6 млрд) көлеміндегі мәмілені қарастыруда деп хабарлаған болатын, бұл Domino’s акцияларының 23%-ға дейін өсуіне әкелді. Алайда компания мұндай ұсыныс жоқ екенін мәлімдеген соң, акциялар өсімін дерлік жоғалтты.

Агенттік еске салғандай, биыл компанияның ең ірі акционері, миллиардер Джек Коуин Domino’s басқаруын өз қолына алып, бағаны анық әрі әділ қалыптастыру және мәзірді жеңілдету арқылы үлкен қайта құруды бастады.

Foxconn Тайванда ЖИ-кластер мен суперкомпьютер орталығына $1,37 млрд инвестициял құяды

iPhone және Nvidia өнімдерін құрастыратын Тайваньдық Foxconn компаниясы $1,37 млрд-қа дейінгі инвестициялық жоспарды бекітті, деп хабарлайды Reuters. Қаражат жабдық сатып алуға және ЖИ-кластер мен суперкомпьютер орталығын құруға бағытталады. Жоба 2025 жылғы желтоқсаннан 2026 жылғы желтоқсанға дейін компанияның өз қаражатынан қаржыландырылады.

Агенттік дереккөздері бұл инвестициялар бұлттық есептеу платформасын кеңейтіп, компанияның үш «ақылды» бағытын дамытуға көмектесетінін айтады. Foxconn смартфондар мен дәстүрлі электроникадан тыс бизнесін белсенді түрде әртараптандыруда.

Бұған дейін Foxconn Nvidia-мен бірлесе отырып Тайванда жасанды интеллект орталығын салу жобасын жариялаған еді. Сондай-ақ компания SoftBank-пен бірлесіп АҚШ-тағы бұрынғы электромобиль зауытында деректер орталықтарына арналған жабдық шығару жоспарын іске асыруда — бұл АҚШ-та ЖИ инфрақұрылымын дамытуға бағытталған Stargate жобасының бөлігі.

Нарықтардағы жағдай

— Жапонның кең ауқымды Topix индексі 1,2%-ға төмендеді, Nikkei 225 — 0,76%-ға азайды.

— Гонконгтың Hang Seng индексі 0,3%-ға, Қытайдың CSI 300 индексі 0,38%-ға төмендеді.

— Оңтүстікақ кореялық Kospi 1,5%-ға құлдырады.

— Австралияның S&P/ASX 200 индексі 0,5%-ға төмендеді.

— Nasdaq 100, S&P 500 және Dow Jones Industrial Average индекстерінің фьючерстері айтарлықтай өзгерген жоқ.