Таңғы шолу: HSBC банк сатып алды, Nvidia – БАӘ-ге шықты, Google сотта қорғануда

HSBC Азиядағы позициясын нығайту үшін Hang Seng Bank-ті $37 млрд-қа сатып алады.

OpenAI-мен келісімнен кейін AMD қарқынды өсіп жатыр — компания OpenAI-ге өз акцияларының 10%-на дейін беруге мүмкіндік беруі мүмкін.

Ал Nvidia-ға АҚШ билігі БАӘ-ге чип экспорттауға рұқсат берді. Осы және басқа да маңызды жаңалықтар — 9 қазан таңындағы негізгі шолуда.

HSBC Hang Seng Bank-ті $37 млрд-қа сатып алады, акциялары шамамен 30%-ға өсті

HSBC Гонконгтағы Hang Seng Bank-ті толығымен сатып алу жоспарын жариялағаннан кейін, Hang Seng акциялары 29,5%-ға көтерілді. Банктің бағасы 290 млрд гонконг долларынан (шамамен $37 млрд) жоғары бағаланды. HSBC акционерлерге әр акция үшін 155 гонконг долларынан ($19,9) төлеуді ұсынды — бұл соңғы 30 күндегі орташа баға деңгейінен 33%-ға жоғары.

HSBC басшысы Жорж Эльхедери банк Hang Seng бренді мен мұрасын сақтап, технологиялар мен өнімдерді дамытуға инвестиция салатынын айтты. Ол бұл мәмілені Гонконгтың Қытай мен жаһандық нарықтар арасындағы «көпір» ретіндегі маңыздылығына деген сенімнің дәлелі деп атады.

Сарапшылардың пікірінше жекешелендіру қос тізімдеудің (dual listing) салдарынан туындаған корпоративтік басқару мәселелерін шешеді. Алайда Hang Seng Bank Қытай мен Гонконгтың жылжымайтын мүлік нарығындағы қиындықтар салдарынан проблемалық несиелер үлесі 6,69%-ға дейін өскен күрделі жағдайда тұр.

AMD акциялары OpenAI-мен серіктестіктен кейін бір аптада 43%-ға өсті

CNBC-дің хабарлауынша OpenAI компаниясы AMD-ден миллиардтаған долларға жасанды интеллектке арналған жабдық сатып алу жоспарын жариялағаннан кейін, AMD акциялары сәрсенбі күні тағы 11%-ға көтерілді. Келісім шарттарына сәйкес, OpenAI белгілі бір серіктестік мақсаттарға қол жеткізсе, AMD-нің 10%-ға дейінгі үлесін иелене алады.

AMD-дің нарықтық капитализациясы $380 млрд-қа жетті — бұл апта басынан бері 43% өсім. Егер серпін осылай жалғасса, бұл 2016 жылдан бергі ең сәтті апта болмақ. Инвесторлар OpenAI-мен серіктестікті AMD-нің Nvidia-ға қарсы жасанды интеллект чиптері нарығындағы позициясын күшейту мүмкіндігі деп бағалайды.

AMD басшысы Лиза Су бұл мәмілені «өзара тиімді» деп атап, компанияның ИИ-чиптері ең ірі деректер орталықтарына арналғанын айтты. Ал Nvidia жетекшісі Дженсен Хуанг бұл келісімді «таңғаларлық әрі батыл қадам» деп атап, OpenAI-дің жаңа буын чиптері шықпай тұрып үлес алуға келіскенін ерекше атады.

АҚШ Nvidia чиптерін БАӘ-ге экспорттауға рұқсат берді

Bloomberg-тің дерегінше АҚШ Nvidia компаниясына Біріккен Араб Әмірліктеріне миллиардтаған доллар көлемінде чип экспорттауға лицензия берді. Бұл рұқсат мамыр айында жасалған жасанды интеллект бойынша екіжақты келісім шеңберінде берілді және БАӘ-дегі дата-орталықтарды дамытуға бағытталған.

Алдын ала мәлімет бойынша, Әмірліктер 2025 жылдан бастап жыл сайын 500 000-ға дейін озық Nvidia ЖЖ-чиптерін импорттай алады. Бұл рұқсат кем дегенде 2027 жылға дейін, мүмкін 2030 жылға дейін жалғасуы ықтимал. Nvidia түсініктеме беруден бас тартты.

Ақ үй бұл стратегиялық ЖЖ-серіктестікті толық қолдайтынын мәлімдеді. Бұған дейін Дональд Трамп Парсы шығанағындағы мемлекеттермен байланысты нығайтып, $600 млрд көлеміндегі келісімдерге қол қойылғанын айтқан болатын. Олардың ішінде Nvidia, AMD және Qualcomm чиптерін сатып алу да бар.

Google Gemini-ді YouTube пен Maps-пен байланыстыру құқығын қорғайды

Bloomberg-тің хабарлауынша Google компаниясының заңгері Джон Шмидтлайн АҚШ федералды сотындағы тыңдауларда корпорацияның өз ЖЖ-қызметі Gemini-ді YouTube және Maps қосымшаларымен біріктіру құқығын қорғап шықты. Бұл – Әділет министрлігі ұсынған, мұндай тәжірибеге тыйым салуды көздеген ұсынысқа жауап болды. Google өз кезегінде ИИ мен карта немесе бейне сервистерінде монополиясы жоқ екенін алға тартты.

Судья Амит Мехта бұған дейін Google-ды іздеу және жарнама нарығында монополист деп таныған болатын және енді заң бұзушылықтардың салдарын жою шараларын дайындап жатыр. Ол компанияға Search пен Chrome өнімдерін эксклюзивті түрде қолданған серіктестерге төлем жасауға тыйым салды, бірақ кейбір төлемдерге рұқсат берді. Министрлік бұл шектеулер Gemini-ге де қолданылуы тиіс деп есептейді.

Google интеграция пайдаланушыларға ыңғайлы экожүйе ұсынатынын айтады. Алайда YouTube пен Maps нарықта басым рөл атқарады: YouTube АҚШ-тың төрт ірі телеарнасын біріктіргеннен де көп жарнама табысын әкеледі, ал Google Maps-ті әлем бойынша 2 млрд-тан астам адам қолданады.

Нарықтағы ахуал