Таңғы шолу: SEC тергеулері, TSMC-дің соты және Big Tech қарыздары

Банктер ChatGPT әзірлеушісі үшін жаңа дата-орталықтар салуға арналған ірі несиені талқылап жатыр, SEC Jefferies банкін тәуекелдерді толық ашпаған болуы мүмкін деп тексеруді бастады, ал TSMC бұрынғы топ-менеджерін Intel-ге құпия ақпарат беруі ықтимал деп сотқа берді. Осы және басқа да маңызды жаңалықтар  28 қараша таңына арналған шолуда.

ChatGPT әзірлеушісі үшін дата-орталықтар құрылысына жаңа несие талқылануда

Банктер шамамен 20 ұйымнан тұратын топпен бірге Oracle және Vantage компанияларына OpenAI үшін жаңа дата-орталықтар салуға $38 млрд көлемінде несие беру мәселесін талқылап жатыр, деп жазады Financial Times.  

SEC Jefferies банкіндегі тәуекелдерді жеткілікті ашпаған болуы мүмкін деген күдікпен тексеріс бастады

АҚШ-тың Бағалы қағаздар және биржалар жөніндегі комиссиясы (SEC) Jefferies банкі First Brands Group-қа байланысты Point Bonita қорының тәуекелдері туралы инвесторларға толық ақпарат берді ме, жоқ па, соны тексеріп жатыр. Тергеу әлі бастапқы кезеңде, ол банк ішіндегі бақылау және ықтимал мүдделер қақтығысы мәселелеріне қатысты. Әзірге ешқандай айып тағылған жоқ.

First Brands компаниясының ауыр қарыздардан күйреуі Jefferies-ке қатысты инвесторлардың алаңдаушылығын күшейтіп жіберді. Соңғы тоқсанда банктің акциялары 12%-дан, жыл басынан бері 27%-дан астам төмендеді. SEC те, банк те жағдайды түсіндіруден бас тартқан.

TSMC бұрынғы топ-менеджерін Intel-ге құпия ақпарат беруі мүмкін деген айыппен сотқа берді

TSMC компаниясы 20 жылдан астам жұмыс істеген және жақында Intel-ге ауысқан бұрынғы аға вице-президент Ло Вэй-җэнді сотқа берді, деп хабарлайды Bloomberg. Компания оның коммерциялық құпияларды бұзып, бәсекелеске беруі мүмкін екенін айтады. TSMC-дің айтуынша Ло жұмыстан кетерде Intel-ге баратынын жасырған.

Intel айыптауларды жоққа шығарып, өз ішкі ережелері бөтен интеллектуалдық меншікке қол жеткізуге жол бермейтінін мәлімдеді.

Сарапшылар: Big Tech қарыздарына қатысты алаңдаушылық асыра айтылған

Bloomberg Intelligence конференциясында аналитиктер Meta, Alphabet сияқты ірі технологиялық компаниялардың өсіп жатқан қарыздарына қатысты үрейдің орынсыз екенін айтты. ЖИ-ға арналған инвестициялар өскенімен, нарық тек қысқамерзімді тұрақсыздықты көрді. Компаниялардың кредиттік рейтингі жоғары, ал қарыз жүктемесі төмен болғандықтан, олардың облигациялары инвесторлар үшін әлі де тартымды.

Мәселен, Alphabet-тің тіпті Франциядан да жоғары кредиттік рейтингі бар екені айтылды. Сарапшылар инвесторларға қазір сапалы активтерге көбірек көңіл бөлуге кеңес береді.

Гонконгтағы өрттен кейін Қытай компаниялары  қайырымдылыққа  жүздеген миллион юань  бөлді

Гонконгтағы тұрғын кешеніндегі ірі өрттен 94 адам қаза тауып, жүздеген адам жоғалып кеткеннен кейін қытайлық жеке компаниялар құтқару жұмыстарына 600 млн HK$-тан астам қаражат бөлді. Ең ірі донорлар қатарында Alibaba, Ant Group, Jack Ma Foundation, Anta, Xiaomi, ByteDance және Tencent бар.

Бұл өрт 1948 жылдан бергі ең үлкен трагедия. Үкімет мен бизнес қауымдастығы максималды қолдау көрсетуге шақырылды.

Нарықтағы жағдай: