Zacks неге 47% арзандаған Telomir акцияларына сенуде?
Zacks Small-Cap Research инвесторларға micro-cap санатындағы Telomir Pharmaceuticals компаниясының акцияларына назар аударуды ұсынады. Компания әзірлеп жатқан дәрі қартаю процесін баяулатуы мүмкін, бұл өз кезегінде нарықта шексіз әлеуетке жол ашады, дейді сарапшылар.
Егжей-тегжейлі
Zacks SCR пікірінше $65 млн капитализациясы бар биотехнологиялық Telomir Pharmaceuticals компаниясы адамға арналған дәрі-дәрмектің сынақтарын бастамай тұрып, оның акцияларына назар аудару қажет. Компания сарапшылары Telomir акцияларына $15,5 деңгейінде мақсатты баға белгілеген, бұл қазіргі бағадан жеті есе жоғары. Жұма күні, 25 шілдеде, сауда сессиясы барысында компания акциялары $2,19 бағасымен жабылды. Қазір бұл бағалы қағаздар жыл басымен салыстырғанда 47%-ға арзан саудаланып жатыр.
Zacks не дейді?
Telomir қартаю мен оған байланысты аурулардың негізгі биологиялық себептерін жоюға бағытталған емдеу тәсілдерін әзірлеумен айналысады. Мысалы, Альцгеймер немесе Паркинсон тәрізді сырқаттар.
Олардың басты дәрі-кандидаты — Telomir-1 деп аталады. Компанияның айтуынша бұл препарат теломерлерді — жас ұлғайған сайын қысқаратын хромосома бөліктерін — қорғайды. Telomir түсіндіруінше, теломерлердің қысқаруы мен металлдарға реакция сияқты процестер қарттыққа тән аурулар қаупін арттырады.
Zacks SCR жазуынша жануарларға жүргізілген клиникаға дейінгі зерттеулер барысында бұл дәрі-кандидаттың «биологиялық қартаю процесін кері бұру» қабілеті байқалған. Мысалы, өткен аптада Telomir митохондрия қызметін қалпына келтіру мүмкін болғанын мәлімдеді. Митохондрия — жасуша ішіндегі энергия өндіруге жауапты құрылым. Бұл Паркинсон сынды нейродегенеративті аурулармен күресуге бағытталған бағдарламалар үшін жігерлендіретін белгі. Мұндай аурулардың өршуі көбіне митохондрия дисфункциясына байланысты, дейді Smart Assays компаниясының бас директоры Рафаэль Майер. Ол компания дәрі өндірушілерге тапсырыспен доклиникалық сынақтар жүргізуге маманданған.
Zacks SCR бұл нәтижелер басқа да ауруларға, мысалы, бокстық амиотрофиялық склерозға (БАС), Альцгеймер ауруына, Вернер синдромына және сирек кездесетін прогерия атты генетикалық сырқатқа (ерте қартаюға әкеледі) да қатысты болуы мүмкін деп есептейді. Сарапшылардың айтуынша, қазіргі уақытта АҚШ-тың реттеуші органы прогерияны емдеуге арналған тек бір ғана терапияны мақұлдаған. Ол адамның өмірін орта есеппен 4,3 жылға ұзартады, бірақ аурудың түпкі себебін жоймайды.
Сарапшылардың пікірінше Telomir-1 қартаюды баяулатып қана қоймай, әртүрлі жасқа байланысты аурулардың зардабын азайтып, миллиондаған адамның өмірін түбегейлі өзгерте алады. Бұл өз кезегінде компания үшін шексіз нарықтық әлеуетке жол ашады, деп түйіндейді Zacks сарапшылары.
