Зеленскийдің НАТО-дан бас тартуы еуропалық қорғаныс акцияларын құлатты
15 желтоқсанда Украинадағы соғысты тоқтатуы мүмкін бейбіт келісім жөніндегі келіссөздердегі жаңа бетбұрыс аясында еуропалық қорғаныс компанияларының акциясы құлады, деп жазды CNBC.
Демалыс күндері Украина президенті Владимир Зеленский елдің НАТО әскери альянсына кіру жөніндегі көпжылдық мақсатынан бас тартуға дайын екенін, оның орнына Ресейден қорғай алатын Еуропа елдерінен балама қауіпсіздік кепілдіктерін алуды көздейтінін мәлімдеді.
Осы жаңалықтар аясында Германиядағы ең ірі қару-жарақ өндіруші Rheinmetall акциясы 2,5%-дан астам арзандады. Оның неміс бәсекелестері Hensoldt пен Renk қағазы да 1,7%-дан астам жоғалтты. Швециялық Saab жойғыш ұшақ өндірушісінің акциясы 15 желтоқсанда 1,7% төмендеп, кейін қалпына келіп, қазіргі уақытта 0,2% өсіммен саудалануда.
Stoxx Europe Aerospace and Defense — еуропалық қорғаныс компаниялары индексі 15 желтоқсанда 0,2%-дан астам төмендеді. Ал жыл басынан бері индекс 50%-дан астам өскен.
Қазіргі ахуал
Владимир Зеленскийдің Украинаның НАТО-ға кіру жөніндегі ұзақмерзімді жоспарларынан бас тартуға дайын екені туралы сөзі осы аптада жалғасып жатқан АҚШ өкілдері Стив Уиткофф пен Джаред Кушнермен келіссөздер барысында айтылды; қазір Киев Батыстан жекелеген қауіпсіздік кепілдіктерін талап етіп, оларды кез келген тұрақты атысты тоқтатудың міндетті шарты деп санайды, деп жазды CNBC. Ал Ресей Украинаның НАТО-ға мүшелігіне бұрынғысынша қарсы.
