Жұма күні маңызды шешімдер қабылдау өте жаман идея — Джейми Даймон

Нарықтық капитализациясы бойынша әлемдегі ең ірі банк саналатын JPMorgan Chase компаниясының бас атқарушы директоры Джейми Даймон жұма күні шаршаған кезде маңызды шешімдер қабылдау «өте жаман идея» деп есептейді. Бұл қаржыгердің NPR-ге берген сұхбатында жылдар бойы не үйренгені және 30 жасында білгені жөн болар еді деген сұраққа берген жауабы болды. Даймон оны «үйреніп, қайта-қайта үйренетін сабақ» деп атады.

Жұмаға қарай когнитивтік ресурстар сарқылады, әсіресе менеджерге қайта қуаттануға уақыт болмаған жағдайда, – деді Кембридж университетінің профессоры Томас Рюле Business Insider-ге берген пікірінде, JPMorgan басшысының көзқарасын қайталай отырып. Ол аптаның соңындағы бұл фактор жоғары деңгейлі менеджерлерді жеткілікті ақпарат пен кеңессіз асығыс шешімдер қабылдауға итермелеуі мүмкін екенін қосты.

JPMorgan басшысы эмоционалдық тәртіпті негізгі дағды деп атады. «Ашу еш көмектеспейді», – деп ерекше атап өтті ол, рационалды шешім қабылдау қабілетін әлсірететін әдеттер туралы айта отырып. Көп жылдық тәжірибесіне қарамастан, ол әлі де осындай қателіктер жіберетінін мойындады.

Дэймон сондай-ақ өмірді бағыттайтын негізгі қағидалар туралы кең ауқымды мәселеге тоқталып, «әлемді жақсырақ орынға айналдыру мақсаты» болудың маңыздылығын атап өтті. Ол АҚШ Тәуелсіздік декларациясындағы «бақытты іздеу» деген тіркес бастапқыда бүгінгі түсінігіміздегі бақытқа емес, әлемді жақсартуға деген ұмтылысқа қатысты екенін айтты. «Бұл суретші, саясаткер немесе журналист мамандығы болуы мүмкін. Сіз қамқоршы немесе ана бола аласыз», – деді Дэймон, қоғамға үлес қосудың көптеген түрлі жолдары бар екенін қосып.