Ford-тың инвестициялық мәртебесін сақтап қалар мүмкіндігі аз — Bloomberg Intelligence
Moody’s агенттігі Ford-тың несиелік рейтингін қазірдің өзінде Ba1 деңгейіне — яғни, спекулятивтік (инвестициялық емес) санатқа түсіріп қойған. Ал енді S&P агенттігі де компанияны теріс болжаммен қайта қаралатын тізімге енгізуі мүмкін. Бұл — Ford инвестициялық мәртебесінен айырылуы мүмкін деген алғашқы белгі. Bloomberg Intelligence сарапшыларының айтуынша, бұған себеп — Трамп енгізген жаңа кедендік баж салығы салдарынан Ford-тың шығынға батуы.
Егер Ford инвестициялық рейтингінен айырылса:
• Қарыз тарту қымбаттайды (ал Ford-тың жалпы қарызы 150 млрд доллардан асады);
• Компания акциялары негізгі инвестициялық индекстерден алынып тасталады;
• Индекс қорлары бұл акцияларды жаппай сатады;
• Ford облигациялары жоғары табысты (жоғары тәуекелді) облигациялар нарығына түсіп, қосымша қысым көреді.
Нақты жағдай қандай?
Bloomberg сарапшысы Джоэл Левингтонның айтуынша, Ford-тың S&P инвестициялық рейтингін сақтау ықтималдығы өте төмен. Агенттік компанияны CreditWatch (қайта қарау тізімі) режиміне ауыстырып, болашақта рейтингті төмендететінін білдіруі мүмкін.
Қазір Ford-тың S&P рейтингі BBB- деңгейінде тұр — бұл инвестициялық деңгейдің ең төменгі сатысы. Сонымен қатар агенттік компанияға теріс болжам берген, яғни рейтингтің төмендеуі орта мерзімді перспективада әбден мүмкін.
Неліктен Ford рейтингтен айырылуы мүмкін?
• Компания 2025 жылы 1,5 млрд $ шығынға ұшыраймыз деп отыр;
• Жылдық қаржылық болжамнан бас тартты, себебі АҚШ-тың сауда саясаты белгісіз;
• 2025 жылға дейін шығындарды 1 млрд долларға қысқарту жоспары бар, бірақ тарифтер мен әлсіз нәтижелер жағдайды қиындатып отыр.
Қаржылық ахуалы:
2024 жылдың алғашқы тоқсанының соңында Ford-тың жиынтық қарызы (лизинг пен жақын арада өтелетін ұзақ мерзімді міндеттемелерді қоса алғанда) 157,8 млрд $ болды.
Moody’s Ford-қа Ba1 рейтингін берген — бұл инвестициялық емес санат. Егер S&P де төмендетсе, Ford акциялары екі негізгі рейтингтік шкала бойынша да инвестициялық мәртебеден толықтай айырылады.
Бұрынғы тарих:
• 2005 жылы Ford алғаш рет инвестициялық рейтингтен айырылған;
• 2008–2009 жылғы дағдарыстан кейін қалпына келтірілді;
• 2020 жылғы пандемия кезінде рейтинг қайтадан төмендетілді;
• 2023 жылы қайтадан blue chip (сенімді компаниялар) деңгейіне жеткен.
Қазір компания қайтадан шекарада тұр.
Сарапшылар не дейді?
• 2025 жылдың басынан бері Ford акциялары шамамен 4% өсті.
• MarketWatch дерегі бойынша, акцияны бақылайтын 27 аналитиктің 18-і: «ұстау керек» (Hold), 5-і: «сатып алу керек» (Buy/Overweight), 4-і: «сату керек» (Sell/Underweight) деп кеңес береді.
• Уолл-стрит сарапшыларының орташа болжауы: 9,5 $, бұл 8 мамырдағы жабылу бағасынан (яғни, $10,28) 8%-ға төмен.
