BlackRock басшысы алдағы бір жарым жылдағы негізгі инвестициялық трендті атады
BlackRock инвесткомпаниясының негізін қалаушы әрі басшысы Ларри Финктың айтуынша, алдағы бір жарым жылда инвесторлар АҚШ активтеріне басымдық бергені жөн, себебі ел экономикасы технологиялық сектордың есебінен айқын артықшылық көрсетіп отыр.
«Қараңыздар, қаржы әрдайым қозғалыста. Бірақ меніңше, жаһандық инвесторлардың басым бөлігі АҚШ активтеріне айтарлықтай үлесі бар. Және менің ойымша, алдағы кемі 18 ай бойы дәл осы бағытта басымдық сақтау керек», — деді Ларри Финк Сауд Арабиясындағы Future Investment Initiative жыл сайынғы форумында. Оның сөзін Bloomberg келтіреді.
Қаржыгердің айтуынша, 2025 жылдың басында долларлық активтерден капиталдың аздаған кетуі байқалғанымен, соңғы екі айда керісінше үрдіс қалыптасқан. «Жыл басында біз доллардан біраз ауысуларды байқадық: бұл қаражат Еуропа мен өзге өңірлерге бағытталды. Бірақ бұл долларлық активтерге тым жоғары үлес бөлінгендіктен орын алды. Ал соңғы екі айда бұл қаржы қайтадан АҚШ-қа орала бастады», — деді BlackRock басшысы.
Ларри Финктің айтуынша, АҚШ экономикасының тартымдылығының басты факторы — технологияларда, соның ішінде жасанды интеллектті дамытуға бағытталған ірі капиталдық салымдар. Ол атап өткендей, екінші тоқсандағы экономикалық өсімнің 40%-дан астамы технологиялық капиталдық шығындарға тиесілі болған. Бұл инвестициялар дата-орталықтар салуға, қосымша энергетикалық қуат көздерін іздеуге және газ турбиналарын тұрғызуға бағытталған. Финктің пікірінше, мұндай белсенділік АҚШ-та басқа елдерге қарағанда әлдеқайда жоғары, ал Еуропада мұндай қарқын байқалмады. Сондықтан, АҚШ пен Еуропа ЖІӨ арасындағы айырмашылық айтарлықтай артып келеді.
Финктің айтуынша, оны ең қатты алаңдататын мәселе — АҚШ-тың өз долларлық активтерін халықаралық инвесторларға сатуға тәуелділігі. «Біз әлі де өзіміздің қазынашылық облигацияларымыздың 30–35%-ын шетелге сатуға мәжбүрміз, және мен үшін бұл қазіргі ең үлкен мәселе», — деп келтіреді Финктің сөзін Bloomberg. Ол: «Бізге адамдардың долларға және АҚШ экономикасына инвестиция салғысы келетіні — үлкен сәттілік», — деп атап өтті. Алайда, шетелдік инвесторлардың америкалық активтерге деген қызығушылығы төмендесе, оның салдары бірнеше есеге күшейетін тізбекті реакцияға әкелу мүмкін, деп ескертті.
