Freedom 2026 жылдың соңына қарай small-cap индексінің 17%-ға өсуін күтуде
S&P Small Cap 600 индексі, яғни шағын компанияларды қамтитын көрсеткіш, 2026 жылдың соңына қарай 17,3%-ға өсіп, ірі эмитенттердің қызметін көрсететін S&P 500 индексінен озбақ. Бұл жөнінде Freedom Broker болжам жасады. Өсімнің негізгі катализаторлары қатарында еңбек нарығындағы жағдайдың тұрақтануы, пайыздық мөлшерлемелердің төмендеуі және импорттық баждардың инфляцияға шектеулі ықпалы бар.
Егжей-тегжейлі
S&P Small Cap 600 2026 жылдың соңына қарай 1700 тармаққа жетеді делінген Freedom Broker-дің стратегиялық шолуында (құжат Oninvest-тің қолында бар). 30 қыркүйек, сейсенбі күні индекс сауда-саттықты 1449,3 тармақпен жапты. Осылайша, Freedom болжамы 17,3% өсу әлеуетін көрсетіп отыр.
Сонымен қатар, S&P 500 индексі Freedom аналитиктерінің күтуінше, сол кезеңде 7400 тармаққа жетіп, 10,6%-ға өседі.
Ағымдағы жылдың қалған бөлігінде S&P Small Cap 600 6,3%-ға көтеріледі делінген Freedom бағалауында.
Freedom неге өсім күтуде
Еңбек нарығындағы жағдай тұрақтануда: бос орындар барын хабарлаған компаниялардың үлесі 2020 жылдың шілдесінен бергі ең төмен деңгейге түсті, деп жазады Freedom Broker өз есебінде. Бұл шағын бизнеске оң әсер етеді, себебі жұмыс күші анағұрлым мобильді бола бастады, дейді аналитиктер.
Small-cap компаниялар үшін екінші оң фактор — пайыздық мөлшерлеменің төмендеуі. Қыркүйек айында ФРЖ мөлшерлемені 25 базистік тармаққа қысқартты — бұл 2025 жылғы алғашқы төмендету. Нәтижесінде қысқамерзімді несиелер бойынша орташа мөлшерлеме айлық көрсеткішпен 0,6%-ға төмендеп, 8,1%-ға жетті — 2023 жылдың мамырынан бергі ең төменгі деңгей, деп есептейді Freedom. Шағын компаниялардың шамамен 45%-ы дәл осы өзгермелі ставкалары бар қысқа мерзімді несиелерге тәуелді, деп жазған болатын бұған дейін Bank of America.
Үшінші драйвер — импорттық баждардың бизнеске инфляциялық қысымды азайтуы. АҚШ президенті Дональд Трамп оларды сәуір айының басында енгізетінін жариялағаннан бері жарты жыл өтті. Демек, тарифтік әсер толық іске асты — әдетте ол екі-үш айда сезіледі, деп тұжырымдайды аналитиктер.
Мұның бәрі Уолл-стриттің small-cap сегментінің болашағына қатысты күтулерін қайта қарауына алып келді делінген есепте. Бұған дейін консенсус-болжамдар акцияға шаққандағы табыстың (EPS) төмендеуін ескерсе, енді олар S&P Small Cap 600 индексінің EPS көрсеткіші үшінші тоқсанда жылдық мәнде 10,3%-ға, төртінші тоқсанда 24,9%-ға, ал 2026 жылдың бірінші тоқсанында 26%-ға өсетінін болжайды.
