Lumexa IPO-сы: диагностикалық визуализация орталықтарының желісі саудаға шықты
Freedom (бұрынғы Freedom Broker) платформасында Lumexa Imaging Holdings акцияларының алдын ала саудасы басталды. Lumexa — адам денесінің ішкі бөліктерін түсіретін диагностикалық визуализация қызметтерін ұсынатын компания. 11 желтоқсанда кешірек оның бағалы қағаздары Nasdaq биржасында LMRI тикерімен қолжетімді болады. Қатысу үшін LMRI тикерін басыңыз.
Егжей-тегжейлі
Reuters-тің мәліметінше Lumexa Imaging Holdings IPO барысында $462,5 млн тартты. Компания 25 млн акцияның бір данасын $18,5 бағамен орналастырды — бұл бұрын жарияланған $17–20 диапазонының ортасы. Осы көрсеткіштерге сүйенсек, компанияның жалпы бағасы шамамен $1,75 млрд деп бағаланады.
Сатуды ұйымдастырушы институттар: Barclays, JPMorgan және Jefferies. Сонымен қатар Deutsche Bank Securities, Wells Fargo Securities, Leerink Partners, William Blair және Capital One Securities сияқты компаниялар да қатысқан.
Компания туралы
Lumexa 2018 жылы Солтүстік Каролина штатының Роли қаласында құрылды. Бұл Charlotte Radiology және нью-йорктық Welsh, Carson, Anderson & Stowe инвестициялық фирмасының бірлескен кәсіпорны. 2025 жылдың шілдесіне дейін компания US Radiology Specialists деп аталды.
Lumexa МРТ, КТ сияқты диагностикалық визуализация қызметтерін көрсетеді және АҚШ-тың 13 штатында 184 амбулаторлық орталықты басқарады. Бұған қоса, сегіз серіктестігі бар және 29 000-нан астам медициналық ұйымнан 100 000-ға жуық дәрігерден тұратын жолдама желісі қалыптасқан.
Компанияның биржаға шығу жоспары диагностикадағы дәлдікті арттыруға, медицина шығындарын азайтуға және визуализация технологияларына қолжетімділікті кеңейтуге көмектесетін ЖИ құралдарына деген қызығушылықтың өсуімен сәйкес келіп отыр, деп жазады Reuters.
Radiology Business мәліметінше компания соңғы жылдары табысты өсіріп келеді және тұрақты рентабельділікті сақтап отыр. 2025 жылдың алғашқы тоғыз айында шоғырландырылған табыс жылдық есепте 7,8% өсіп, $755,3 млн болды. Таза шығын $69 млн-нан $18,4 млн-ға дейін азайды, ал түзетілген EBITDA $166,4 млн-ға жетті.
Нарық не дейді
Seeking Alpha сарапшысы Донован Джонстың айтуынша Lumexa биржаға шығу арқылы қарыздың бір бөлігін жабуды жоспарлап отыр: компанияның $1,2 млрд көлеміндегі қарызын өтеуге IPO түсімінің бір бөлігі жұмсалады.
Сарапшы компанияның үлкен диагностикалық орталықтар желісін басқаратынын, операциялық көрсеткіштері жақсарып, маржасы өсіп жатқанын айтады. Дегенмен, Lumexa-ның шектеулі географиясы, сақтандыру және мемлекеттік төлемдерге тәуелділігі сияқты тәуекелдер бар екенін атап өтеді.
IPO арқылы түскен қаражаттың бизнес кеңейтуге жұмсалмайтыны — жеке инвестқорлар басқаруындағы жоғары қарызды медициналық компанияларға тән қауіп, дейді сарапшы.
Freedom Finance аналитигі Әлем Бектеміровтің есебінше EV/EBITDA мультипликаторына сүйенген салыстырмалы бағалау Lumexa акцияларында $18,5 орналастыру бағасынан шамамен 11,5% өсу әлеуеті барын көрсетеді. Негізгі тәуекелдер — клиент тарту және ұстап қалу, бәсекелестік және технологиялық өзгерістер. «Келешекте жабдықты жаңарту қажет болуы мүмкін, бұл компания қызметіне сұранысты төмендетуі ықтимал», — дейді аналитик.
Freedom клиенттері Lumexa акцияларына АҚШ биржалары ашылғанға дейін қол жеткізе алады. Ерте премаркет форматы бойынша сауда АҚШ нарығы ашылудан 2–3 сағат бұрын (Астана уақытымен 15:30–16:30 аралығында) басталады. Қатысу үшін LMRI тикерін басыңыз.
