Morningstar 2025 жылға арналған ең үздік 10 дивидендтік акцияны атады

Morningstar сарапшылары 2025 жылы сатып алуға лайықты үздік дивидендтік акциялардың тізімін жасады. Бұл тізімге мұнай алыбы ExxonMobil, фармацевтикалық Merck және сусын мен тағам өндіруші PepsiCo сынды ірі компаниялар енген. Сарапшылардың айтуынша дивиденд төлейтін акцияларды таңдау кезінде инвесторлар өте мұқият болуға тиіс. Себебі жоғары табыстылық – әрдайым сенімділіктің кепілі емес. Morningstar артықшылығы бар, яғни «экономикалық шұңқыры» (moat) бар компанияларды таңдауды ұсынады – мұндай артықшылықтар компаниялардың нарықтағы орнын берік ұстап тұруға мүмкіндік береді.

Егжей-тегжейлі

«Дивидендтік акцияларды таңдау мен табыстылықты қуу кезінде өте сақ болу маңызды», – дейді Morningstar Indexes стратегия бөлімінің сарапшысы Дэн Лефковиц.

«Жоғары табысты салаларды іздеу көбіне инвесторларды қиын жағдайға, яғни «дивидендтік тұзаққа» – сырт көзге тартымды, бірақ болашағы бұлыңғыр компанияларға әкеледі. Сондықтан дивидендтердің тұрақтылығын, сенімділігін алдағы уақытта мұқият саралау қажет», – деп ескертеді ол.

Morningstar DividendInvestor бас редакторы Дэвид Харрел болса, дивиденд саясатын ұдайы қолдап отыратын, сондай-ақ бәсекелестік артықшылығы (экономикалық шұңқыр) бар компанияларға басымдық беруді ұсынады. Morningstar әр компанияға осы артықшылықты бағалайтын «moat» рейтингісін береді.

«Moat рейтингі өзі жеке кепілдік бола алмайды, бірақ біз бұл көрсеткіш пен дивидендтердің сенімділігі арасында тікелей байланысты байқаймыз», – дейді Харрел.

Morningstar 2025 жылға арналған үздік дивидендтік акцияларды атады.

Төменде әртүрлі салаларға жататын және жоғары moat рейтингі мен 4-5 жұлдыздық бағаға ие 10 компания келтірілген. Morningstar бұл тізімді Dividend Yield Focus индексінің негізінде жасаған.

ExxonMobil

ExxonMobil – тізімдегі ең ірі және басты компаниялардың бірі. Қарсыластарынан айырмашылығы – бұл компания баламалы энергия көздеріне емес, дәстүрлі мұнай мен газға басымдық беріп отыр. Morningstar директоры Аллен Гудтың айтуынша, бұл стратегия экологиялық тұрғыдан онша тартымды көрінбегенімен, анағұрлым тиімді әрі қауіпсіз. ExxonMobil – 25 жыл қатарынан дивидендтерін үздіксіз арттырған «дивидендтік аристократтар» қатарында. Акцияның әділ бағасы – $135, ал нарықтық бағасы қазір 19%-ға төмен.

Merck

Merck – денсаулық сақтау саласындағы тізімге енген екі компанияның бірі. Gardasil вакцинасына Қытайда сұраныстың төмендеуі табысқа кері әсер етті. Дегенмен Morningstar компанияны бағасы төмендетілген актив ретінде қарастырады. Акцияның әділ құны – $111, ал қазіргі нарықтық бағасы одан 24%-ға төмен. Дивидендтер тұрақты – төлем деңгейі түзетілген табыстың 50%-ын құрайды.

PepsiCo

Pepsi, Mountain Dew, Lay’s, Doritos және Gatorade брендтері арқылы PepsiCo нарықта мықты орын иеленіп отыр. Компания 50 жылдан астам уақыт бойы дивидендтерін үздіксіз өсіріп келеді, бұл – «дивидендтік аристократтың» айқын белгісі. Акцияның әділ бағасы – $190, ал қазіргі нарықтық баға – шамамен 15%-ға төмен.

Medtronic

Medtronic – әлемдегі ең ірі медициналық құрылғы өндірушілерінің бірі. Компания 45 жылдан астам дивидендтерін үздіксіз арттырып келеді және тұрақты ақша ағыны бар. Акциялардың әділ бағасы – $112, ал қазіргі баға 20%-ға төмен.

U.S. Bancorp

U.S. Bancorp – АҚШ-тағы ең ірі аймақтық банктердің бірі. Пайыздық мөлшерлемелер мен реттеу саясатының қысымына қарамастан, банк табысты жұмысын жалғастырып, акционерлерімен табысын бөлісіп отыр. Акциялар әділ бағасынан 30%-ға арзан ($55).

Lockheed Martin

Lockheed Martin – қорғаныс саласының көшбасшысы. Компания тұрақты мемлекеттік келісімшарттарға ие және дивидендтерді жүйелі түрде арттырып отыр. Сонымен қатар акцияларды кері сатып алады. Акцияның әділ бағасы – $540, қазіргі нарықтық бағасы – 18%-ға төмен.

Mondelez International

Компанияға Oreo, Milka, Toblerone және Cadbury сияқты брендтер тиесілі. Mondelez дамушы нарықтарда мықты орын алып, тұрақты ақша ағынын қамтамасыз етіп келеді. Morningstar бағалауы бойынша, акцияның әділ бағасы – $87, ал қазіргі бағасы – 17%-ға төмен.

SLB

SLB – мұнай-газ саласына арналған технология мен қызмет көрсетуде әлемдік көшбасшы. Компания энергетикалық өтпелі кезеңде өз орнын сақтап қалып отыр. Акциялардың әділ бағасы – $70, ал ағымдағы нарықтық баға – 22%-ға төмен.

Kenvue

Kenvue – Johnson & Johnson компаниясынан бөлініп шыққан. Tylenol, Band-Aid және Listerine брендтерімен танымал. Компания нарыққа шыққан бойда дивиденд төлеуді бастап кетті. Акцияның әділ бағасы – $26, ал нарықтағы бағасы – 25%-ға арзан.

Amcor

Amcor – тағам және сусындарға арналған қаптама өндірісінде әлемдік көшбасшы. Компанияның бизнесі экономикалық циклдарға төзімді және маржасы тұрақты. Акцияның әділ бағасы – $12, ал қазіргі нарықтық бағасы – 20%-ға төмен.