Нью-Йорктегі таң: Саудаға бағыт беріп тұрған — саяси күн тәртібі
Біздің күткеніміз
Инвесторлардың назары АҚШ-тың сыртқы сауда саясатына бағытталған. Нью-Делидің ресейлік энергия ресурстарын сатып алуына жауап ретінде Үндістаннан келетін импортқа баж салығын арттыру мәселесі талқыланып жатыр. Сонымен қатар, Еуроодақ пен Түркияға қатысты шектеулер енгізу ықтималдығы да қарастырылуда. Бұл жағдай, әсіресе, дамушы нарықтар мен экспортқа бағдарланған салалар үшін белгісіздік деңгейін сақтап отыр.
Сонымен қатар, Дональд Трамп Қытаймен сауда келісімін жақын арада жасауы мүмкін екенін және жылдың соңына дейін ҚХР басшысы Си Цзиньпинмен кездесуге дайын екенін мәлімдеді. Ал Швейцария президенті Карин Келлер-Зуттер АҚШ Мемлекеттік хатшысы Марко Рубиомен кездесіп, Ақ үй белгілеген мерзім аяқталғанға дейін сауда келісімін жасауға ниетті.
Ресей мен Украина арасындағы әуе шабуылдарын тоқтату туралы ұсыныс талқыланып жатқаны туралы ақпараттар тарады. Ресей бұл келісімге АҚШ тарапынан қысымды азайту шартымен баруы мүмкін. Вашингтонның жауабы қорғаныс активтеріне деген сұраныс пен жаһандық тәуекелді бағалауға әсер етеді.
Ақ үй жергілікті уақыт бойынша сағат 16:30-да АҚШ президентінің маңызды мәлімдемесін жарияламақ.
Трамптың айтуынша, ФРЖ басқарушылар кеңесінен кететін Адриана Куглердің орнына тағайындалатын үміткер апта соңына дейін белгілі болады. Сонымен бірге, ол қазіргі төраға Джером Пауэллдің орнына үміткерлер тізімін төрт адамға дейін қысқартқанын айтты.
Маңызды компания есептері
Сауда ашылғанға дейін келесі компаниялар тоқсандық есеп жариялайды: Uber, McDonald's, Novo Nordisk, Walt Disney, Shopify және Unity. Сауда жабылған соң нәтижелерін AppLovin, DoorDash, Airbnb, Occidental Petroleum және Fortinet ұсынады.
АҚШ қор индекстеріне арналған фьючерстер оң бағытта қозғалып жатыр. Келесі сессияға қатысты тәуекел балансы бейтарап деп бағалануда, құбылмалылық деңгейі орташа. S&P 500 индексінің қозғалысы 6240–6360 пункт аралығында болады деп болжанып отыр (алдыңғы сессияның жабылуынан -0,9%–+1%).
Назарда — жекелеген компаниялар
Arista Networks (ANET): Компанияның тоқсандық есебі күткендегіден күшті шықты — табысы 2,21 млрд долларды құрады (консенсус: 2,1 млрд). Бұл жылдық өсім бойынша 30,4%. Түзетілген EPS — $0,73 (күтілгені — $0,65). Жалпы маржа 65,6%, операциялық маржа 48,8% болды. Нәтижелерге ЖИ мен бұлтты инфрақұрылымға деген сұраныс ықпал етті. Акциялар 5 тамызда негізгі саудадан кейін 14,4%-ға қымбаттады.
Snap (SNAP): Инвесторларды жарнама арқылы ақша табудағы әлсіздікпен ренжітті. ARPU $2,87 болды (күтілгені — $2,9), жалпы табыс $1,34 млрд (+4% ж/ж). EPS минус $0,16 деңгейінде қалды. Мұның себебі — кей жарнама кампаниялары төмен бағамен өткен. Қолданушылар саны өссе де (469 млн DAU), акциялар постмаркетте 14,4%-ға арзандады.
Super Micro Computer (SMCI): Табысы — $5,76 млрд, EPS — $0,41 (күтілгені: $5,89 млрд және $0,44). Алдағы тоқсанға болжам да нарық күткенінен төмен. Компания 2025 қаржы жылында 22 млрд доллар, ал 2026-да 33 млрд табыс түсіруді жоспарлап отыр. Бас директор дата-орталықтарға арналған шешімдер мен ірі клиенттер санының артып жатқанын айтты. Бірақ бұл ұзақ мерзімді жоспарлар инвесторлар тарапынан оң қабылданбады — акциялар 15,8%-ға төмендеді.
AMD: Табысы — $7,67 млрд (+32% ж/ж, болжам — $7,43 млрд), EPS — $0,48. Клиенттік және ойын сегменттерінің табысы 67% және 73% артты. Data Center сегменті күткендегідей нәтиже бермеді, ал MI308 чиптеріне қатысты экспорттық шектеулер валдық маржаны $800 млн-ға азайтып, оны 43%-ға түсірді (шектеусіз — 54%). 3-тоқсанға болжам $8,4–9 млрд аралығында. Алайда ЖИ және Қытай экспортына қатысты белгісіздіктерден кейін акциялар 4%-ға құлдырады.
5 тамыздағы сауда қорытындысы бойынша АҚШ биржалары теріс аймақта жабылды: S&P 500 — -0,49%, Nasdaq 100 — -0,73%, Dow Jones — -0,14%, Russell 2000 — +0,6%.
«Керемет жетілік» компанияларының барлығы (Amazon-нан басқа) төмендеді. Коммуналдық қызмет жеткізушілері (-1,07%) мен шикізат өндірушілер (+0,71%) арасында айырмашылық айқын байқалды.
ISM қызмет көрсету секторындағы іскерлік белсенділік индексі шілдеде 50,8-ден 50,1-ге төмендеді (күтілгені — 51,5). Тапсырыстар мен жұмысқа алу компоненттері де азайды. Бағалар индексі 2022 жылғы қазаннан бергі ең жоғары деңгей — 69,9-ға жетті. Бұл көрсеткіштер импорттық баждардан туындаған шығындар мен кешіктірілген жобалар мәселесін күшейтті.
S&P Global-дың қызмет көрсету PMI көрсеткіші 55,7-ге жетіп, жеті айдағы ең жоғары деңгейді көрсетті. Маусым айының сауда балансы дефициті 62,4 млрд доллар болып, 2023 жылдың қыркүйегінен бергі ең төмен мәнге түсті (күтілгені — $62 млрд).
Дональд Трамп Үндістаннан келетін дәрі-дәрмек пен чиптерге 10–15%-дан 250%-ға дейін баж салығы енгізілетінін айтты. Бұл шаралар АҚШ ішіндегі өндірісті арттыруға бағытталғанымен, шетелде зауыты бар компанияларға қысым күшейеді.
Сан-Франциско ФРЖ басшысы Мэри Дейли негізгі мөлшерлемені 50 базистік пунктке дейін төмендетуге болады деп отыр. Алайда инфляциялық қысымның күшеюі, әсіресе сыртқы сауда саясатына байланысты, бұл шешімнің жүзеге асуын қиындатуы мүмкін.
Компания жаңалықтары
Axon Enterprise (AXON): Барлық негізгі бағыттар бойынша табыс өсімі тіркелді. TASER өнімдері айтарлықтай үлес қосты. 30% тапсырыс жаңа өнімдерден келді. Компанияның акциясы 16,4%-ға өсті.
Apollo Global Management (APO): Комиссиялар мен спредтерден түскен табыстың арқасында компания болжамнан жоғары пайда жариялады. Тоқсандағы жалпы қаражат ағыны — $61 млрд. Акциялар 2,5%-ға өсті.
Pfizer (PFE): Табыс пен пайда болжамнан жоғары болды. Padcev, Xeljanz, және COVID-ке қарсы дәрілер сатылымы артты. 2025 жылға арналған пайда болжамы жоғарылады. Акциялар 5,2%-ға көтерілді.
