Шортистер small-cap және mid-cap-ты нысанаға алды. Қай акцияға қауіп төніп тұр?
Қазан айында шортистер small-cap және mid-cap акцияларына қысымды күшейтті, деп жазды Barrons. Stephens қаржы компаниясының сарапшысы Мелисса Робенстің мәліметінше, мұндай қағаздар бойынша қысқа позициялар көлемі қыркүйектегі 7,3%-дан 7,5%-ға дейін өскен, ал ірі капитализациялы компанияларда бұл көрсеткіш 1,9%-дан 1,8%-ға дейін азайған. Сарапшы денсаулық сақтау секторының шағын компанияларын және тұтынушылық несиелеу саласындағы орта компанияларды шорт-позиция үлесі жоғары акциялар қатарына жатқызды.
Медицина секторы
Робенстің мәліметінше, медициналық жабдық өндіретін STAAR Surgical және Delcath Systems шортистердің қысымына түсті.
STAAR Surgical көзге арналған имплант линзаларды әзірлеумен, өндірумен және сатумен айналысады. 2025 жылдың тамыз айының басында компанияның акциясы 50%-дан астам шарықтап, $27-ға жетті. Бұл көрсеткіш компанияны ірі офтальмологиялық ойыншы Alcon сатып алатыны жөніндегі хабардан кейін байқалды. Келісімнің құны шамамен $1,5 млрд деп бағаланды — бұл STAAR Surgical-дың нарықтық капитализациясынан жоғары. 29 қазандағы сауда сессиясын компания акциясы $26,6 деңгейінде жапты.
Delcath Systems бауыр қатерлі ісігін емдеуге арналған тағаланған терапияны әзірлейді. 20 қазанда компанияның котировкамы шамамен 12% төмендеп, $10,4-ға түсті, себебі үшінші тоқсандағы сатылым сарапшылардың күткенінен төмен болды. Компания 2025 жылға арналған жалпы сатылым болжамын бұрынғы $93–96 млн диапазонынан $83–85 млн-ға дейін төмендетті. Осыдан кейін Simply Wall St дерегінше, алты сарапшы компанияның қаржылық нәтижелеріне қатысты өз бағалауларын қайта қарады.
Қаржы секторы
Stephens сарапшысы Мелисса Робенстің айтуынша, жасанды интеллектке негізделген бұлтты несиелеу платформасы Upstart Holdings пен автонесиелеу компаниясы Credit Acceptance те шортистердің назарында тұр.
The Motley Fool жазғандай, соңғы уақытта Upstart Holdings акциясы белсенді түрде сатылуда, оған себеп автонесиелеу ұйымы Tricolor-дың жуырдағы банкроттығы. Басылымның мәліметінше, Upstart-ты қоса алғанда, тұтынушылық несиелеу компаниялары қарыз сапасының нашарлау қаупіне тап болуы мүмкін деген алаңдаушылық күшейген. Жыл басынан бері Upstart Holdings қағазы 20% арзандады, оның 7,6%-ы — соңғы айдың үлесі. Қазан айының ортасында Goldman Sachs компания акциясына «сату» рейтингін беріп, мақсатты бағаны $78-дан $54-ға дейін төмендетті, деп хабарлады Yahoo Finance. 29 қазандағы сауда жабылғанда қағазы $48,7 болды.
Credit Acceptance акциясы соңғы бес күн ішінде 8%-дан астам төмендеп, $459-ға түсті. Компания үшінші тоқсанның қаржылық нәтижелерін 30 қазанда, бейсенбі күні жарияламақ. Сарапшылар оның жылдық мәнде табысы 31,8% өседі деп күтеді.
Қонақжай секторы
Barron’s басылымы сілтеме жасаған S&P Global Market Intelligence есебінде шортистердің кезекті ірі нысанасына орта капитализациялы Cracker Barrel Old Country Store мейрамхана желісі айналғаны айтылған. Бұл жыл желі үшін қиын өтті: компания жаңа логотип мен мейрамхана дизайнын өзгерткеннен кейін кейбір тұрақты клиенттерінің наразылығын туғызған соң бұл өзгерістерді уақытша тоқтатуға мәжбүр болды, деп жазды Barron’s.
Соңғы айда теріс жаңалық болмағанына қарамастан, Cracker Barrel акциясы шамамен 23% төмендеді. 17 тамызда Wells Fargo компанияны қамту тізіміне қосып, мақсатты бағаны $42 деп белгіледі, бұл 29 қазандағы жабылудан 21% жоғары.
«Мем» акциялары
Stephens сарапшысы қысқа позициялар қысымының күшеюі өсімдік етін өндіретін Beyond Meat пен 1-800-Flowers.com гүл жеткізу сервисінің акциясына да әсер етіп отырғанын айтады. Мұндай қағаздарды сарапшылар жиі «мем акциялар» деп атайды.
Қыркүйектің соңынан бері Beyond Meat акциясы бірнеше рет минимумды жаңартты. Алғаш рет котировка 36% құлдырады, себебі компания қарыз жүктемесін азайту мақсатында айырбасталатын облигацияларды алмастыру ұсынысын іске қосатынын хабарлаған еді. Екінші құлдырау 13 қазанда тіркелді, ол күні компания кредиторлардың мәмілені қабылдауға келіскенін жариялады. Алайда, қазан айының ортасында болған төрт күндік ралли кезінде Beyond Meat акциясы шамамен 1400% қымбаттады, бұл әлеуметтік желілердегі ажиотажбен байланысты болды. Нәтижесінде бағаның төмендеуіне сенген инвесторлар шамамен $120 млн жоғалтты, деп есептеді S3 Partners аналитикалық компаниясы.
1-800-Flowers.com гүл мен сыйлық жеткізу сервисі залал шегіп, бір жыл ішінде өз капитализациясының 55%-ын жоғалтты. Компания 2025 қаржы жылының төртінші тоқсанында түзетілген таза залалдың $43,8 млн немесе акцияға шаққанда $0,69 болғанын хабарлады. Бұл нәтиже сарапшылардың күткенінен 30% төмен, деп жазды MarketBeat. Өткен аптада компания акциясы қысқа мерзімді ралли көрсеткенімен, соңғы бес күнде 27% минуста.
S3 Partners зерттеу компаниясының өкілі Мэтью Унтерман шортистердің назарын аударған тағы екі «мем акцияны» атап өтті: Opendoor Technologies онлайн-тұрғын үй сатып алу сервисі және пончик сататын Krispy Kreme.
2025 жылдың басынан бері Opendoor қағазы шамамен 380% өсті. Бұған себеп, хедж-қор менеджері Эрик Джексонның компания бағасын жасанды түрде көтеруге бағытталған науқаны, деді Yahoo Finance. Жазда ол X әлеуметтік желісінде компанияның өсу перспективасы туралы жазба жариялап, ол жекелеген инвесторлар арасында кеңінен тарап, раллиге әкелген, деп хабарлады Reuters. Қазан айының соңында Morgan Stanley сарапшылары Opendoor қағазының мақсатты бағасын $3-дан $6-ға дейін көтерді, бірақ жаңа таргет ағымдағы котировкадан төмен.
Krispy Kreme де жаз айларында «мем акциялар» маньясы кезінде назар ортасында болды. Қыркүйек айында компания құнының 12% өсуіне АҚШ-тың бұрынғы ФБР директоры Каш Пательдің сөзі түрткі болды: ол Конгрестегі тыңдауда Krispy Kreme қағаздарын сенімді инвестиция деп атаған. Алайда 29 қазандағы сауда жабылған сәттегі дерек бойынша, компанияның нарықтық капитализациясы биыл 62% төмендеген.
