SpaceX қымбаттады: Илон Маск әлемде байлығы $600 млрд-тан асқан алғашқы адам атанды

Америкалық Forbes Илон Масктың активтерін SpaceX компаниясының $800 млрд бағалаумен өткен жаңа акция сату раундынан кейін қайта есептеді. Журнал дерегінше, миллиардердің дәулеті $168 млрд өсіп, $677 млрд-қа дейін жетті. Осылайша, бұған дейін де әлемдегі ең бай бизнесмен болған Маск байлығы $600 млрд-тан асқан тарихтағы алғашқы адамға айналды.

Bloomberg Billionaires Index те Масктың дәулетін қайта бағалады: агенттік нұсқасы бойынша, оның байлығы қазір $638 млрд құрайды.

Егжей-тегжейлі

Forbes сөйлескен SpaceX-тің екі инвесторының дерегінше, компания желтоқсанның басындағы $400 млрд-тан екі есе жоғары — $800 млрд бағалаумен тендерлік ұсынысты іске қосты. Forbes бағалауынша, Масктың 42% үлесі қазір $336 млрд тұрады, ал Bloomberg $317 млрд деп есептеді. Салыстыру үшін: Tesla-дегі 12% үлесі $197 млрд деп бағаланады, деп растады Forbes.

Инвесторлардың бірінің айтуынша, SpaceX 2026 жылы IPO өткізуді жоспарлап отыр, онда компанияның бағалануы $1,5 трлн-ға жетуі мүмкін. $800 млрд бағалаумен өткен тендерлік ұсыныс пен алдағы IPO туралы бұған дейін Bloomberg пен The Information да хабарлаған. Маск пен SpaceX өкілдері Forbes-ке тендерлік ұсыныс пен IPO жоспарлары бойынша пікір беруден бас тартты.

Forbes атап өткендей, қазір Масктың дәулеті триллион долларға жақын, ол әлі әлемдегі ең бай адам мәртебесінен айырылмайды. SpaceX пен Tesla басшысы Маск Google теңқұрушысы Ларри Пейджден $425 млрд-қа озып тұр.