Таңғы шолу: SoftBank жасанды жадыға бәс тігуде, Гонконгтегі ірі IPO

SoftBank Vision Fund қызметкерлердің 20%-ын қысқартып, Масайоши Сонның жасанды жады мен инфрақұрылым саласындағы миллиардтаған долларлық жобаларына назар аударуда.

Қытайлық алтын өндіруші Zijin Gold Гонконгте $3,2 млрд көлемінде IPO өткізуге дайындалып жатыр — бұл мамыр айынан бергі ең ірі орналастыру. Ал CrowdStrike акциялары оптимистік болжамнан кейін 13%-ға қымбаттады. Осы және басқа да тақырыптар туралы — 19 қыркүйек таңына арналған шолуымызда.

Жапония банкі инфляциялық қысымға қарамастан мөлшерлемені өзгеріссіз қалдырды

Жапония банкі жұма күні негізгі мөлшерлемені 0,5% деңгейінде сақтап қалды, бұл болжамдарға сәйкес келеді, деп хабарлайды CNBC. Бұл шешім инфляцияның төмендеуі аясында қабылданды: базалық көрсеткіш тамызда 2,7%-ды құрап, 2024 жылғы қарашадан бергі ең төменгі мәнге түсті. Тіпті азық-түлік пен энергия бағасын қоспағандағы базалық инфляция да 3,3%-ға дейін баяулаған.

Айта кету керек, күріш бағасының инфляциясы шілдедегі 90,7%-дан 69,7%-ға дейін күрт төмендеді, дегенмен тарихи тұрғыдан әлі де жоғары деңгейде қалып отыр.

Шешім басқарма мүшелерінің көпшілігімен қабылданды. Тоғыз басқарушының тек екеуі мөлшерлемені 0,75%-ға дейін көтеруді ұсынды. HSBC қазан айында 25 базистік пунктке өсім болады деп күтуде, себебі ЖІӨ екінші тоқсанда +0,3% кв/кв (бұрын +0,1%) болып өсті және АҚШ-пен сауда келісімі нәтижесінде жапон тауарларына баж салығы 25%-дан 15%-ға төмендеді, бұл экспортты жақсартты.

Дегенмен, сарапшылар жаһандық сауда баяулап жатқандықтан, бұл жапон экспорттаушыларына кері әсер етуі мүмкін деп ескертуде. Сонымен қатар, ел ішінде ақша-несие саясатын қатайтуға саяси қысым күшейіп келеді: билеуші Либерал-демократиялық партия мүшесі Таро Коно мөлшерлемені көтеруді кейінге қалдыру инфляцияны күшейтіп, импортты қымбаттататынын мәлімдеді.

Zijin Gold алтын бағасының рекордтық өсімі аясында мамырдан бергі ең ірі IPO-ға дайындалуда

Қытайдың ең ірі алтын өндірушісі Zijin Gold International өзінің Гонконгтегі IPO-сынан 25 млрд гонконг долларын (шамамен $3,2 млрд) тартуды жоспарлап отыр — бұл Bloomberg-тің жазуынша мамыр айынан бергі ең ірі жаһандық IPO. Компания әрқайсысы 71,59 гонконг долларынан 349 млн-ға жуық акцияны ұсынбақ, ал сауда 29 қыркүйекте басталады.

Ұсынылған акциялардың жартысынан астамын GIC, Hillhouse, BlackRock және Fidelity секілді ірі якорь-инвесторлар сатып алған.

Компания нарыққа алтын бағасы унциясына $3700-ден асып, тарихи шегіне жеткен уақытта шығып отыр. Сарапшылар Zijin-нің алтын қорларын бағалау жаһандық бәсекелестерге қарағанда шамамен 20–26% төмен екенін айтып, бұл акцияларды тартымды етеді деп санайды. Компания өндірісті белсенді арттырып, болашағы бар кен орындарын төмен бағамен сатып алып жатыр. Түскен қаржының бір бөлігі Қазақстандағы кен орнын сатып алуға, сондай-ақ шахталарды жаңғырту мен салуға бағытталмақ.

Zijin-нің IPO-сы Contemporary Amperex Technology-дің $5 млрд-тан асқан листингінен кейінгі ең ірі болады және бұл алтын өндірушілер арасындағы жаһандық орналастыру толқынына сай келеді — олар жоғары бағаны пайдаланып, кеңею мен қарызды қысқартуға ұмтылуда.

CrowdStrike акциялары күшті болжамнан кейін 13%-ға өсті

CrowdStrike акциялары 13%-ға секірді, себебі компания инвестор күні аясында амбициялы мақсаттарын жариялады: таза жаңа жылдық тұрақты табыс (ARR) 2027 жылы кемінде 20%-ға өседі — бұл аналитиктердің болжамдарынан жоғары, деп хабарлайды CNBC. Киберқауіпсіздік саласындағы компания 2031 жылға қарай $10 млрд ARR-ға, ал 2036 жылға дейін $20 млрд-қа жетуді көздеп отыр.

Апта басында CrowdStrike жасанды жады платформасы Pangea-ны сатып алғанын және Salesforce-пен серіктестік орнатқанын хабарлады. Wells Fargo бұл ЖЖ шешімдері компанияны бәсекелестерінен біршама алға шығарғанын атап өтті, ал бірқатар сарапшылар мақсатты бағаларын көтерді.

ЖЖ-қаупінің күшеюі аясында киберқауіпсіздікке назар артып келеді: жыл бойында Google-дың Wiz үшін $32 млрд және Palo Alto Networks-тың CyberArk үшін $25 млрд сияқты ірі мәмілелері болды. CrowdStrike-тың соңғы тоқсандық болжамдары нарықты біраз қобалжытқанымен, ұзақмерзімді стратегиялық жоспарлары инвесторларға сенім ұялатты.

SoftBank Vision Fund 20% қызметкерді қысқартып, ЖЖ-ға бет бұрды

SoftBank Group Vision Fund қызметкерлерінің шамамен 20%-ын қысқартатынын жариялады — бұл бөлімде 300-ден астам адам жұмыс істейді, деп хабарлайды Reuters. Бұл шешім Масайоши Сонның АҚШ-тағы ауқымды жасанды интеллект жобаларына, оның ішінде OpenAI-пен бірлескен $500 млрд Stargate деректер орталықтары желісіне ресурстарды қайта бөлу аясында қабылданды.

Бұл 2022 жылдан бері Vision Fund-тағы үшінші қысқарту толқыны, бірақ бұл жолы қор 2021 жылдан бергі ең жақсы тоқсандық нәтижелерін көрсетті — Nvidia мен Coupang акцияларының өсуінің арқасында, деп атап өтті агенттік. Компания стратегиясының енді тар фокусқа ие болуы ИИ мен серпінді технологияларға батыл инвестициялар жасау бағытын көрсетеді.

Соңғы 12 айда SoftBank Vision Fund 2 арқылы OpenAI-ға $9,7 млрд инвестиция салды және өз бақылауындағы Arm компаниясын негізгі бағыт ретінде күшейтті: Graphcore мен Ampere Computing-ті сатып алып, сондай-ақ Intel мен Nvidia-дан үлес алды. ЖЖ-инфрақұрылым — күрделі әрі капитал талап ететін сала, бірақ Сон бұл бағытты топтың көшбасшылығын қалпына келтірудің кілті деп есептейді, дейді Reuters.

Нарықтағы жағдай