Tesla акциялары 2025 жылы жабылу бойынша максимумды жаңартты. Жаңа рекорд бола ма?

22 қыркүйектегі сауда қорытындысы бойынша Tesla акциялары 2025 жылдағы өзінің максимумын жаңартты. Құнды қағаздар Piper Sandler аналитигінің оң бағасынан кейін өсті. Инвестициялық банк акциялар бағасының тағы 15%-ға өсуін күтуде. Сонымен қатар, инвесторлар компанияның автономды жүргізу және жасанды жады саласындағы амбицияларына болашақта оң көзқараспен қарайды, деп жазады Yahoo Finance. Кейбіреулер Tesla акциялары жаңа рекордқа жақын деп есептейді, деп толықтырады Barron's.

Егжей-тегжейлі

22 қыркүйектегі сауда барысында Tesla акцияларының бағасы 4%-дан астамға көтеріліп, шамамен $445-қа дейін жетті, бірақ күн соңына қарай қарқыны бәсеңдеп, 1,9% өсіммен $434,21 деңгейінде жабылды. Бұл — 2025 жылғы жабылу бойынша ең жоғары баға. Бұрынғы максимум $428,22 болды, ол 15 қаңтарда тіркелген, деп атап өтеді Yahoo Finance.

Құнды қағаздар соңғы он сауда күнінің тоғызында қымбаттады. Енді ең оптимистік инвесторлар жаңа рекорд болады деп үміттенеді, деп есептейді Barron's. Ол үшін акциялар шамамен тағы 10,5% өсуі керек (ағымдағы жабылу рекорды — $479,86, тіркелген күні — 2021 жылғы 17 желтоқсан).

Инвесторларды дүйсенбі күні Piper Sandler аналитигі Александр Поттер шабыттандырды. Ол Tesla акцияларының мақсатты бағасын $400-ден $500-ге дейін көтерді және «сатып алу» ұсынысын сақтап қалды, деп жазады Yahoo Finance. Жаңа мақсатты баға ағымдағы деңгейден 15% өсімді болжайды.

Piper Sandler-ді шабыттандырған не?

Поттер Tesla акцияларының мақсатты бағасын Қытайға сапарынан кейін көтеру туралы шешім қабылдады. Оның айтуынша жергілікті автокөлік өндірушілері жасанды жады мен автономды көлік технологиялары саласында Tesla-ға қарап бой түзейді.

Поттердің айтуынша Xiaomi, Li Auto және Leapmotor секілді электромобиль өндірушілерімен кездесулер барысында қытай компаниялары құрастыру сапасы жағынан Tesla-дан озып кеткенін, бірақ жасанды жады мен инфрақұрылым саласында Tesla көшбасшы екенін немесе кем дегенде, олармен тең деңгейде екенін айтқан.

Поттердің пікірінше «нағыз» жасанды жады саласында қытайлық электромобиль өндірушілері Tesla-ға қарап бағыт түзейді, керісінше емес. Кездесуге қатысушылардың бірі бұны былай деп тұжырымдаған: «Егер Tesla нөлден бірге дейінгі жолды жүріп өтпегенде, біз бірден жүзге дейін жете алмас едік», — деп жазды аналитик.

Piper Sandler сондай-ақ Tesla-ның жүргізушіге көмек көрсету жүйесінің (FSD) соңғы нұсқасын қолдану тәжірибесін оң бағалады және үшінші тоқсанда рекордтық сатылымдарды болжайды, деп жазады Yahoo Finance.

«Қорытынды: Tesla — автономды көліктер мен робототехникаға инвестиция салуда біздің басты идея болып қала береді», — деп Поттердің сөзін келтіреді Barron’s.

Алдағы жағдай

Соңғы бір ай ішінде Tesla акциялары 30%-дан астамға өсті. Бұл раллиге себеп болған негізгі факторлар: Илон Масктың өткен аптада $1 млрд-қа акция сатып алуы, компания директорлар кеңесінің бас директорға жаңа өтемақы пакетін ұсынуы, Tesla-ның Невада мен Аризонада роботакси қызметін кеңейту жоспарлары (осы жазда Техас штатының Остин қаласында сынақтар басталған).

Tesla акциялары қай бағытта қозғалады — болжау мүмкін емес, деп жазады Barron’s. Акциялар тым жылдам өсті және тым жоғары көтерілді, сондықтан қазір олар «артық сатып алынған» күйде, — бұл техникалық термин, яғни өсу тоқтап, түзету немесе үзіліс болуы мүмкін, деп түсіндіреді басылым.

2025 жылы акциялар $212-ден $489-ға дейін ауытқыды. Бұл $277 айырмашылық акциялардың орташа бағасының шамамен 80%-ын құрайды. Салыстыру үшін айтқанда, Apple-дің бұл көрсеткіші — шамамен 40%, деп жазады Barron’s.

Қазан айының басында Tesla үшінші тоқсандағы әлемдік жеткізілімдер туралы есеп береді, ал 21 қазанда — қаржылық нәтижелерін жариялайды. FactSet деректері бойынша, үшінші тоқсандағы әлемдік жеткізілімдер — шамамен 446 000 автокөлік. Бұл екінші тоқсанмен салыстырғанда 16%-ға артық, бірақ 2024 жылдың үшінші тоқсанымен салыстырғанда 4%-ға аз. Алайда, шілде айының соңынан бері аналитиктер бұл болжамдарды сирек жаңартты, деп атап өтеді Investor’s Business Daily.

Piper Sandler-дің болжамынша Tesla үшінші тоқсанда 495 000 автокөлік жеткізеді. Ал GLJ Research барынша сақтық танытып, 467 000 бірлік деп болжайды.

MarketWatch деректері бойынша, Tesla акцияларына 51 аналитик рейтинг берген. Олардың ішінде:

22 қыркүйектегі жабылу бағасымен салыстырғанда, Уолл-стриттің консенсус-бағасы 22,6% төмен: нарық акциялардың $336,1 дейін арзандауын күтеді.