Трамп пен Путин жақын күндері жеке кездесу өткізеді
АҚШ пен Ресей президенттері Дональд Трамп пен Владимир Путин жақын күндері жеке кездесу өткізеді. Бұл Ресей мен Украина арасындағы конфликт басталғалы бергі алғашқы кездесу болмақ. Бұл ақпаратты Мәскеу ресми түрде растады, деп хабарлайды FT.
Ресей тарапының мәлімдеуінше, кездесуді өткізу туралы бастама Вашингтоннан болды, және тараптар оған негізінен келісті. Келіссөздер келесі аптада өтеді деп күтіледі, бірақ нақты күн әзірге жарияланған жоқ. Кремль өкілдері дайындықтың қанша күнге созылатынын айту қиын екенін жеткізді. Ал кездесудің өтетін орны келісілген және кейінірек хабарланатын болады.
Бұл Украина қатыспайтын екіжақты кездесу болмақ.
Мәскеудегі Путин мен Трамптың өкілі Стив Уиткофф арасындағы келіссөзден кейін бір күн өте осындай хабар тарады. Екі тарап бұл кездесуді нәтижелі өтті деп бағалады. «Уиткоффтің өзі Путин, Трамп және Зеленский қатысатын үшжақты кездесу өткізу идеясын ұсынған, бірақ Мәскеу оны үнсіз қалдырды», — деп қосты Кремль.
