Goldman Tesla акция таргетін төмендетті: басты мәселе Маск пен Трамп конфликті емес
Goldman Sachs Tesla акцияларының мақсатты бағасын қысқартты, енді бұл көрсеткіш тек сарапшылардың орташа бағасынан ғана емес, олардың қазіргі нарықтық құнынан да төмен. Мұның себебі тіпті бір күн бұрын акциялардың құлдырауына әкелген Илон Маск пен Дональд Трамп арасындағы конфликт те емес. Сарапшыны автоөндірушілерінің одан да терең ішкі мәселелері алаңдатып отыр.
Егжей-тегжейлі
Goldman Sachs сарапшысы Марк Делани Tesla акцияларының мақсатты бағасын $285-ке дейін $10-ға төмендетті, деп хабарлады CNBC. 5 маусымда акциялар 14,3%-ға құлдырағаннан кейін, жаңа таргет жазба дайындалған сәттегі олардың бағасына шамамен сәйкес келді. Алайда ол 6 маусымдағы сауда ашылған бағадан төмен болды: олап $302,55-ке дейін көтерілген. Goldman Sachs белгілеген мақсатты баға сарапшылардың орташа бағасынан да төмен — ол $289,2-ні құрайды.
Делани Tesla акцияларына қатысты бейтарап рейтингті растады, бұл бұған дейін сатып алынған қағаздарды портфельде ұстау ұсынысымен сәйкес келеді.
Мақсатты бағаның төмендеуінің басты себебі — Tesla-ның жаһандық сатылымының құлдырауы болды. Деланидің айтуынша, АҚШ-та бұл тоқсандағы жеткізілімдер әзірге төмендеуді көрсетіп отыр, ал Еуропада сәуір айында сату бір жыл ішінде 50%-ға азайған, мамырда да екі таңбалы құлдырау жалғасқан. Мамыр айында Tesla жеткізілімдері Ұлыбритания, Германия және Италияда қатарынан бесінші ай төмендеді. Ал Қытайда сәуір–мамырдағы сатылым қаңтар–ақпанмен салыстырғанда артқанымен, былтырғы жылмен салыстырғанда әлі де 20% төмен.
Мақсатты бағаның төмендеуінің басты себебі — Tesla-ның жаһандық сатылымының құлдырауы болды. Деланидің айтуынша, АҚШ-та бұл тоқсандағы жеткізілімдер әзірге төмендеуді көрсетіп отыр, ал Еуропада сәуір айында сату бір жыл ішінде 50% жоғалтқан, мамырда да екі таңбалы құлдырау жалғасқан. Мамыр айында Tesla жеткізілімдері Ұлыбритания, Германия және Италияда қатарынан бесінші ай төмендеді. Ал Қытайда сәуір–мамырдағы сатылым қаңтар–ақпанмен салыстырғанда артқанымен, былтырғы жылмен салыстырғанда әлі де 20% төмен.
«Біз Tesla көлік жеткізілімдері бойынша болжамымызды және EPS (акцияға шаққандағы пайда — Oninvest) көрсеткішін төмендетіп отырмыз, бұл Қытай, АҚШ және Еуропа секілді негізгі аймақтардағы әлсіз айлық нәтижелерді жақсырақ көрсету үшін қажет», — деп жазды Goldman Sachs сарапшысы жазбасында.
Делани сондай-ақ HundredX және Morning Consult аналитикалық компанияларының тұтынушылық көңіл-күйге қатысты деректерін де ескерді. Бұл мәліметтерге сәйкес, Tesla-ға деген көзқарас Солтүстік Америка мен Еуропада теріс сипат ала бастаған, ал Қытайда, керісінше, оң бағаланған, деп жазады CNBC. Tesla көлігін сатып алуға дайын адамдардың үлесі Канада мен Еуропада азайған, ал Қытайда тұрақты күйінде қалған.
«Бұл Еуропа мен АҚШ-тағы нарықтағы әлсіздікті сұраныс пен брендке қатысты мәселелер күшейтіп жатқанын, ал Қытайдағы тоқсан басынан бергі көрсеткіштердің төмендеуі бәсекелестіктің күшеюімен және өнім циклінің мерзімімен байланысты болуы мүмкін екенін аңғартады (Қытайдағы тұтынушылар жаңа, арзан көлікті күтіп отырған болуы мүмкін)», — деп қосты Делани.
Басқа да сарапшылар пікірі
TD Cowen сарапшысы Итай Микели жұмада Tesla акциялары бойынша мақсатты бағаны $330 деңгейінде сақтап қалды (бұл жабылу бағасымен салыстырғанда 16% өсімді білдіреді). Алайда ол компанияның бас директоры Илон Маск пен АҚШ президенті Дональд Трамп арасындағы конфликт «алдағы қысқа мерзімді кезеңде белгісіздік деңгейін айтарлықтай арттыратынын, соның ішінде саяси оқиғалардың Tesla сатылымына қалай әсер етуі мүмкін екенін» атап өтті.
Morgan Stanley Tesla акцияларын әлі де «ең үздік таңдау» деп есептейтінін растады, бірақ жақын арада бұл қағаздардың қозғалысында «бағыттан қарағанда құбылмалылық көбірек болады» деп мойындады. «Біз $410 деңгейіндегі таргетімізді өзгеріссіз қалдырамыз, бірақ акциялар соңғы төрт аптадағы өсімді ғана емес, одан да көп жоғалтуы мүмкін екенін ескеріп отырмыз», — деп жазды сарапшы Адам Джонас. Оның мақсатты бағасы 5 маусымдағы жабылу деңгейінен 44% жоғары.
MarketWatch деректеріне сәйкес, қазір Tesla акцияларына сарапшылар тарапынан барлығы 55 рейтинг берілген, және ең жиі кездесетін ұсыным — сатып алу: 21 рейтинг Buy және жетеуі Overweight. Қағаздарды ұстауға кеңес береді — 15 (Hold), ал сатуды ұсынады — 12 сарапшы(Underweight және Sell).
Контекст
5 маусымдағы сауда барысында Tesla акциялары 14,3% құлдырады: компанияның капитализациясы $120 млрд-тан астамға азайып, Масктың жеке байлығы $25,5 млрд болды.
Бұған себеп — электромобиль сатып алуға берілетін салықтық жеңілдіктерді алып тастауды көздейтін мемлекеттік шығындар туралы заң жобасына байланысты миллиардер Маск пен Трамп арасындағы қақтығыстың ушығуы болды. Маск бұл заң жобасын қатаң сынап, оны «өте жиркенішті» деп атады. 5 маусымда Трамп алғаш рет бұл сынға жария түрде жауап беріп, «Илонға қатты көңілім қалды» деп мәлімдеді.
Сол күні Маск әлеуметтік желілерде «менсіз Трамп сайлауда жеңілер еді» деп жазды. Бұған жауап ретінде Трамп АҚШ бюджетінен миллиардтаған доллар үнемдеудің ең оңай жолы — «Илонға берілетін мемлекеттік субсидиялар мен келісімшарттарды тоқтату» болар еді деп мәлімдеді. Ал Маск өзінің SpaceX компаниясы NASA миссияларында қолданылатын Dragon ғарыш кемесін «пайдаланудан бірден шығара бастайтынын» айтты. Алайда бірнеше сағаттан кейін миллиардер өз ұстанымын жұмсартты.
Ақ үй жұма күні Трамп пен Маск арасындағы телефон арқылы сөйлесуді жоспарлаған, деп хабарлады Politico дереккөздерге сілтеме жасап. Алайда Трамп CNN арнасына Маскпен сөйлесуді жоспарлап отырмағанын айтты.
«Жоқ. Мен онымен әзірге сөйлеспеймін, бірақ оған тек жақсылық тілеймін. Мен тіпті Илон туралы ойламаймын. Ол адамның бір мәселесі бар», — деп мәлімдеді АҚШ президенті CNN-нің хабарлауынша.
